Jieremaya 1:8 - BAYỊBURU Izii

⁸ Ta tsụjekwa phẹ ebvu; kẹle mu nọkwa swiru ngu eswiru; tẹme mu je l'anafụtaje ngu l'ẹka phẹ. Nokwa iphe, mụbe Chipfu epfu bụ ono.”

Jieremaya 1:8 ပူးပေါင်းရင်းမြစ်များ

Awụfu 3:12

Chileke sụ iya: “Mu e-swiru ngu eswiru. Tẹme waa iphe-ọhubama, ii-gude maru l'ọo mbẹdua ziru ngu ono baa: I -dufutaẹpho ndu ono lẹ Ijiputu bẹ unu a-barụ mụbe Chileke ẹja l'úbvú-a.”

Azáya 43:2

Teke ọ bụ mini bẹ iirwughata bẹ mu nọepho swiru ngu eswiru. Teke ọ bụ nggele bẹ iime g'ị ghata; o too ridu ngu. Teke i jeru ije je aghabua ọku; ọ tọo hụdu ngu; ọphu ire ọku iya te ekepyashịdu ngu.

Azáya 51:12

“Ọ kwa mbẹdua; mbụ mbẹdua gẹdegede bụ onye eyeru unu ọkpukpu-ike. ?Bụ ole bẹ bụ kẹ g'unu nọdu atsụ nemadzụ mmanụ ebvu; mbụ nwa ndiphe, bụ iphe yẹe ya gba nanụ bụ ẹswa;

Azáya 51:7

Unu nụmakpodapho iphe, mu epfu; unubẹ ndu maru iphe, pfụru nhamụnha; mbụ unubẹ ndu ekemu mu dụ l'ọkpoma! Unu ba atsụjekwa ebvu l'ọkonu, nemadzụ akọ unu; ọphu iphu, oophu unu eyejekwa unu ebvu;

Jieremaya 1:17

Ọo ya bụ lẹ-a; gụbedua l'onwongu; rịkobe onwongu. Gbalihu je epfuaru phẹ iphemiphe, bụ iphe, mu sụru g'i pfuaru phẹ. G'ẹphe be yekwa ngu ebvu; ọdumeka bẹ mu e-yekwa ngu ebvu l'iphu phẹ.

Jieremaya 1:19

Ẹphe e-tso ngu ọgu; ọle ẹphe taa lwụ-kpedu ngu; kẹle mu nọ swiru ngu eswiru; tẹme mu je l'a-nọdu adzọ ngu l'ẹka phẹ. Nokwa iphe, mụbe Chipfu epfu bụ ono.”

Jieremaya 20:11

Obenu lẹ Chipfu nọ swiru mu eswiru g'onye eze-ojọgu swiru. Ọo ya bụ lẹ ndu ono, achị mu lẹ njọ ono bẹ ụpfu a-dụ. Ọ tọo kalẹduru phẹ; ọphu ooreduru phẹ g'ẹphe tụberu. Ọo-bụru phẹ iphe-iphere; ọphu a byadu azọha ẹnya-ọlwa phẹ azọha.

Jieremaya 30:11

Wakwa iphe, Chipfu epfu baa: Mu nọkwa swiru ngu eswiru; mu a-dzọ ngu! A makwarụ-a lẹ mu tụkoru ọhamoha emebyishibẹbe, bụ ndu mu shi woru ngu ghakaa l'ime phẹ. Obenu lẹ mu tee mebyishibẹbedu ngu gberegedege. Mu a-hụ̀ ngu ahụ̀hù l'ụzo, pfụru nhamụnha. Ọphu mu ahakwanụ ngu phuruphuru gẹ mu ta anụ ngu aphụ l'ophu l'ophu.”

Jieremaya 39:11

No iya; Nebukadineza, bụ eze ndu Bábilọnu tụa ekemu-a tụ-doru Jieremaya; o bụru onye ọ turu iya nụ bụ Nebuzaradanu, bụ onye-ishi ndu ojọgu, anọduje eze ndu Bábilọnu nche sụ:

Jieremaya 42:11

Wakwa iphe, Chipfu epfu baa: ‘Unu ba atsụkwa eze ndu Bábilọnu ebvu, bụ onye ono, unu atsụ ebvu nta-a ono. Unu ba atsụkwa iya ebvu; kẹle mu nọkwa swiru unu eswiru; mu je l'adzọta unu; nafụta unu l'ẹka iya.

Danẹlu 3:17

Ọ -bụru l'a chịru anyi ye l'ọku-a, l'enwu phoophoophoo-a bẹ Chileke, anyi ejeru ozi a-dụkwa-a ike lọfuta anyi l'ime iya. Tẹme o je l'a-dzọta anyi l'ẹka gụbe eze.

Danẹlu 3:25

Ọ sụ phẹ: “Unu lenu! Mu hụmakwaru ụmadzu ẹno, e keduru ẹgbu, aghapherọ g'ọ dụ phẹ l'ime ọku ọbu; ọphu ọ dụdu iphe, mekarụ phẹ nụ. Onye ọphu kwe phẹ ẹno dụ gẹ nwa agwa!”

Matiyu 10:26

“Ọo ya bụ lẹ-a; unu ta atsụjekwa phẹ ebvu. L'ọ tọ dụkwa iphe, e kpuchiru ekpuchi g'e te mechaa kpuhaa ya; ọphu ọ dụkwa iphe, e meru l'edomi g'e te mechaa madzuru iya.

Matiyu 28:20

Unu zije phẹ g'ẹphe meje iphemiphe, bụ iphe, mu kakọtaru unu g'unu meje. Unu hụma ahụma lẹ mu nọkwa swiru unu mbọku-mbọku jeye teke mgboko a-bvụ.”

Ndu-ishi-ozi 18:10

Mu nọkwaa swiru ngu eswiru. Ọ tọ dụkwa onye a-fụru ngu nụ k'emeka ngu iphe; kẹle a dụkwa igwe lẹ mkpụkpu-a bụgbaaru ndu bụ ndu nkemu.”

Ndu-ishi-ozi 26:17

Mu a-dzọta ngu l'ẹka ndu Ízurẹlu waa l'ẹka ndu abụdu ndu Jiu, bụ iya bụ ndu mu ezi ngu g'i je alị phẹ ọbu.

Ndu-ishi-ozi 4:13

Ẹphe nụmachaa gẹ Pyịta yẹe Jiọnu asa kpaa kpaa; l'ẹka ẹphe bụ nemadzụ mmanụ, abụdu l'ẹphe nwụru ẹkwo; o ji phẹ ẹnya. Ẹnya gbarwua phẹ lẹ Pyịta phẹ bụ ndu ẹphe lẹ Jizọsu shi aswịje.

Ndu-ishi-ozi 4:29

Nta-a Nnajịuphu; lenaa ẹgube ọnwu, ẹphe anmashịru anyi. Ọo ya bụ; yenu anyịbe ndu ejeru ngu ozi ike l'ẹhu; g'anyi ta atsụjeshi ebvu ililekpọo k'epfu opfu ngu ono.

Efesọsu 6:20

Ọo ese iswi ozi-ọma ono bẹ o gude mu bụru onye nọ-chiru Jizọsu; egudekwarọ lẹ nta-a bẹ mu nọ lẹ mkpọro. Noo iphe, mu epfu sụ g'unu pfuje nụ Chileke gẹ mu nweru obu sajẹ ozi-ọma ono kpaa kpaa g'ọ gbaru gẹ mu saa ya.

Ditoronomi 31:6

G'ọkpehu dụkwa unu; unu eshihu obu ike. Gẹ ndzụ ba agụkwa unu; ọphu unu atsụkwa phẹ ebvu. Noo kẹle ọo Chipfu, bụ Chileke unu l'onwiya bụ onye du unu eje. Ọ tọ byadu aha unu; ọphu o leswedu unu ẹnya.”

Ditoronomi 31:8

Ọ bụru Chipfu l'onwiya e-vutakwanụru ngu ụzo; tẹme l'ọ nọdukwapho swiru ngu eswiru. Ọ tọ byadu aha ngu; ọphu o leswedu ngu ẹnya. Gẹ ndzụ ba agụkwa ngu; ọphu obu etekwa ngu etete!”

Jioshuwa 1:5

Ọ tọ dụkpodaa onye byaru adụ ike pfuchia ngu ụzo gbiriri jasụ teke ịi-nọ-beru. Ọo ẹgube ono, mu shi swiru Mósisu ono bụ gẹ mu e-swikwaru ngu phọ; ọphu mu abyadụ aha ngu nwẹkinyi ngu; tẹme ọphu mu agwọbekwa ngu.

Jioshuwa 1:9

?Tọ bụnaa mbẹdua sụru g'obu shihu ngu ike? Gẹ ndzụ ba agụshi ngu; ọphu meji atọfukwa ngu. G'ọ tọ dụkwa teke ịi-la azụ azụ. Noo kẹle Chipfu, bụ Chileke ngu bẹ e-swiru ngu nụ l'ẹkameka iijekpọ.”