Jieremaya 1:5 - BAYỊBURU Izii

⁵ “Mu byaru akpụ ngu ye l'ẹpho ne ngu; mu vuhawaru ụzo maru ngu. Mbụ l'a byaru anwụ ngu; mu vuhawaru ụzo họta ngu dobe iche; bya emee ngu onye epfuchiru Chileke l'ọhamoha.”

Jieremaya 1:5 ပူးပေါင်းရင်းမြစ်များ

Ebvu-ọma 139:16

bẹ i gudehawaa ẹnya ngu hụma ogwe mu ọphu adụkpodaa g'e mewaru iya. Ujiku ole, a tuburu lẹ mu a-nọ l'eliphe-a bẹ e dekọtahawaru l'ẹkwo ngu; tẹme mu bebe nọo g'ọ ka mma l'ọo ujiku ono nanụ.

Azáya 49:1

Unu ngabẹru mu nchị unubẹ ndu bukube eze-ẹnyimu! Unu nụmakpodapho iphe-a unubẹ ọha, bu l'ẹka dụ ẹnya! Chipfu vukwaru ụzo kua mu tẹme a nwụa mu. Ọ bụro teke mu nọkwadu l'ẹpho ne mu bẹ o kuru mu ẹpha.

Romu 8:29

Kẹle Chileke mahawarụ ndu nkiya tẹme mgboko dụ; bya ahọtahawaa phẹ g'ẹphe bụru ndu a-dụ gẹ Nwa iya dụ; gẹ Nwa iya ono bụru ọgerenya mẹ a -gụjekwanu ụnwunna iya l'ophu.

Azáya 49:5

O be nta-a Chipfu, bụ onye ono, meru mu rọ teke mu nọ l'ẹpho; gẹ mu bụru onye-ozi iya; sụ: “Duphutaru mu ụnwu Jiékọpu azụ. Chịkobe ụnwu Ízurẹlu chịtaru mu.” Kẹle mu bụ onye aakwabẹ ùbvù l'ẹnya kẹ Chipfu; tẹme ọ bụru Chileke mu bụ ike nkemu.

Azáya 44:2

Wakwa iphe, Chipfu epfu baa; mbụ onye ono, meru ngu nụ ono; onye bụ iya doziru ngu teke ị nọ l'ẹpho. Tẹme ọ bụru iya bụ onye e-yeru ngu ẹka: Ta atsụkwa ebvu; gụbe Jiékọpu, bụ onye-ozi mu; mbụ gụbe Jieshurunu, bụ onye mu gude ẹka mu họta.

Luku 1:41

Elízabetu nụmaepho ekele Meri; nwaswa ono mee ya ụkporo l'ẹpho. Unme Chileke kparwuta Elízabetu l'ẹhu.

Luku 1:76

“Gụbe nwata ọwa-a; Iphe, ee-ku ngu bụ onye epfuchiru Ọkalibe-kangokọtaru-nụ; kẹle ii-vuru Nnajịuphu ụzo je abọoru iya ụzo;

Awụfu 33:17

Ọo ya bụ; Chipfu sụ Mósisu: “Mu e-meẹpho iphe ono, ị sụru gẹ mu meeru ngu ono. Noo kẹle ị dụ mu l'obu; tẹme mu maru ẹpha ngu.”

Jieremaya 1:10

Lekwa lẹ-a; ntanụ-a bẹ mu họtaru ngu dongoo ọhamoha l'ophu; bya edobe ngu dongoo iphe, bụkpoo alị-eze l'ophu; g'i pheshia epheshi; lakashịa alakashị; g'i mebyishia emebyishi; kwatsua iphe, dụ k'akwatsu; l'ị kpụa iphe, dụ k'akpụkpu; bya adzaa iphe, dụ k'adzadza.”

Awụfu 33:12

Mósisu sụ Chipfu: “I shiẹpho teke-a pfutaru mu gẹ mu dua ndu-a; ọle i tiki mekpọdaa gẹ mu maru onye ii-yeru mu gẹ mu l'iya swịru. Ị sụru l'ị maru ẹpha mu; tẹme mu dụ ngu l'obu.

Luku 1:15

Kẹle ọo-bụru onye nweru ẹnya l'iphu Nnajịuphu, bụ Chileke; tẹme ọ tọo ngụkwa mẹe; ọzoo iphe, aangụ angụngu, bụ iphe, atsụ atsụtsu. Unme Chileke bẹ e-shi l'ẹpho ne iya buru iya l'ẹhu.

Romu 1:1

Ẹkwo-ozi ọwa-a shi l'ẹka mụbe Pọlu; onye ejeru Jizọsu Kéreshi ozi; bụru onye Chileke kuru gẹ mu bụru onye-ishi-ozi ono; bya abụru onye Chileke họtaru gẹ mu bya ezia ozi-ọma iya ono.

Jieremaya 50:34

Obenu l'onye agbafụtaje phẹ nụ bẹ ike dụ. Iphe, ọoza bụ Chipfu, bụ Ọkalibe-Kakọta-Ike. Ọo-byakpọo ẹhuka ẹhuka bya phẹ agbaru ọdzori; k'ọphu oo-me g'a tụtaaha unme l'alị phẹ; mekwanaa gẹ ndu ọphu bu l'alị ndu Bábilọnu ta tụtajehe unme atụta.”

Efesọsu 1:22

Chileke meru gẹ Kéreshi tụko iphemiphe zọpyabe l'ọkpa; bya ewokwaru iya phọ yeru Chịochi g'ọ bụru iya l'a-bụru ishi iphemiphe kpọo.

Jiọnu 10:36

?ọ nwụru ịnwu-agha bẹ unu sụru l'ọo epfurwushi bẹ mu epfurwushi ẹpha Chileke; opfu lẹ mu sụru l'ọo mbẹdua bụ Nwa Chileke ọbu? Mbụ-a; ọ kwa Chileke ono họtaru mu; bya ezia mu gẹ mu bya lẹ mgboko.

1 Kọrentu 8:3

Obenu l'onye yeru Chileke obu bẹ Chileke maru.

Ebvu-ọma 139:15

Ọkpu ọkpu, nọ mu l'ẹhu g'ọ ha ta adụdu ọphu e domiru ngu edomi teke ono, eeme mu l'ọchii ono. Teke mu nọ l'ime ẹpho; e mengashịa mu dzepfua mu; mu bụru nanụ-a;

Jieremaya 1:4

Opfu Chipfu rwuru mu nchị sụ:

Jieremaya 25:13

Alị ẹka ono bẹ mu e-mekọta iphemiphe, mu pfuhawaru lẹ mu e-me iya; mbụ iphemiphe, e deru l'ẹkwo, bụ iphe, Jieremaya pfuru lẹ mpfuchiru lẹ k'ọhamoha l'ophu.

Jieremaya 36:2

“Wota ẹkwo, a phụru aphụphu dee iphe, bụkpoo iphemiphe ono, mu pfuru ngu lẹ k'ẹhu ndu Ízurẹlu; mẹ kẹ ndu Jiuda; mẹ k'ọhamoha ọzo; shikpọepho teke mu watarụ ngu iya epfuru lẹ teke Jiosáya shi bụru eze byasụ nta-a; deta iya.

Jieremaya 20:15

G'onye byaru ezia nna mu ozi ono bụkwaru onye a tụru ọnu; mbụ onye byaru asụ iya: “A nwụkwaru ngu nwa; ọ bụru nwa nwoke!” K'ọphu bụ l'ọ nụmaru iya; ẹhu tsọahaa ya.