Jiemusu 4:3 - BAYỊBURU Izii

³ Unu nọdu asụje g'a nụ unu iphe; a ta nụdu iya unu; opfu l'unu egudeje ọriri, adụdu ree epfu iya g'ee-shi g'unu egude iya mee iphe, agụ unu ẹgu.

Jiemusu 4:3 ပူးပေါင်းရင်းမြစ်များ

1 Jiọnu 5:14

Obu eshihuje anyi ike l'iphu Chileke; noo l'ọonumaje olu anyi mẹ ọ -bụru l'iphe, anyi sụru g'ọ nụ anyi bẹ anyi pfuru g'ọ dụ iya l'uche.

1 Jiọnu 3:22

Anyi anatajẹ l'ẹka iya iphe, bụkpoo iphe, anyi sụru g'ọ nụ anyi; kẹle anyi emeje ekemu, ọ tụru; tẹme anyi nọdu eme iphe, dụ iya ree.

Jiemusu 4:1

?Bụ awe bẹ abaphe mba yẹe esephe opfu ono shigbaa unu? ?Tọbudu ẹka o shigbaa unu bụ l'iphe, ẹkpiri iya dụ unu? ?Tọbudu iya bụ iphe, bụ ọgu, dụ l'ẹhu unu?

Mayịka 3:4

E -mechaa; ẹphe araku Chipfu; ọle o too yedụru phẹ ọnu. Teke ono bẹ oo-woharu phẹ iphu iya. Ọ bụru iphe, a-kpa iya nụ bụ l'ẹphe mewaru ẹjo-ememe.

Ẹkwo Ẹtu 15:8

L'ẹnya Chipfu bẹ ngwẹja, onye ẹjo-iphe egwe abụjeru iya ẹbyi. Obenu l'epfupfu, onye obu iya gụru ìphóró epfu anụ iya atsọje iya rịkpotoo.

Ẹkwo Ẹtu 21:13

Onye tsuchiru nchị gẹ ya ta nụma olu-ẹkwa onye ụkpa l'a-ranaa nkiya ujiku lanụ; ọ tọ dụdu onye angaru iya nchị.

Jiobu 35:12

O to yejeduru nemadzụ ọnu mẹ ọ -nọdu echi mkpu. Ọ bụru iphe, kparụ iya nụ bụ lẹ ndu ẹjo-iphe kunukaru onwophẹ.

Zekaraya 7:13

Teke mu kuru oku bẹ ẹphe ta angabẹduru nchị; noo g'o gude ẹphe kujekwanụ; ọphu mu angaduru nchị; nokwa iphe, Chipfu, bụ Ọkalibe-Kakọta-ike epfu.

Luku 15:13

Ọphu ọ dụdu g'a nọ-beru; kẹ nwata ono chịkobe iphemiphe, o nweru tụgbua ije. Ọ bụru iya ala ọha, dụ ẹnya. O je anọdu l'ẹka ono kpakabẹbe okpoga iya lẹ gaphu-gaphu-gaphu.

Maku 10:38

Jizọsu sụ phẹ: “Unu ta amakwa iphe, unu arwọ. ?Unu a-dụ-a ike ngụa iphe, dụ l'okoro, mu a-ngụ; l'e mee unu ẹgube baputizimu, ee-me mu?”

Matiyu 20:22

Jizọsu sụ: “Ha! Unu ta amakwa iphe, unu arwọ; unubẹ ndu-a. ?Unu a-dụ ike ngụa iphe, shi l'okoro, mu abya angụngu; l'e mee unu ẹgube baputizimu e-me mu?” Ẹphe sụ iya: “Ee! Anyi a-dụ-a ike.”

Jieremaya 11:14

Gẹ gụbe Jieremaya te epfukwa nụ mu l'iswi ẹhu ndu-a; ọphu i chikwaru phẹ mkpu; ọphu ị rwọkwaru phẹ arwọrwo; kẹle mu taa angakwaru phẹ nchị; m'ẹphe -kujeẹ mu phọ oku; m'ẹphe -nọdu eje iphe-ẹhuka.”

Ẹkwo Ẹtu 21:27

Ngwẹja, onye ẹjo-iphe egwe bụkwa ẹbyi bẹ ọonoduje eme. Ọphu ọ bụro onye eje epfu k'ọphu o gude ẹjo egomunggo bya egweeru iya.

Ẹkwo Ẹtu 1:28

“Noo teke ẹphe e-ku mu oku; mu ta azadụ phẹ ẹnu. Ẹphe elee ẹnya mu; ẹphe ta ahụmadu mu.

Jieremaya 14:12

A makwarụ-a l'ẹphe aswịjeru Chileke ẹgu; obekwanu lẹ mu ta angadu nchị l'ẹkwa, ẹphe ara. A makwarụ-a l'ẹphe egweru mu ngwẹja-akpọ-ọku; bya egwekwaru mu phọ ngwẹja-nri. Obenu lẹ mu taa natadụ iya. Ọ bụ-chia iphe, mu e-me bụ lẹ mu e-gude ogu-echi mebyishia ndu-a. Mu egude ọkpa-nri; yẹe ẹjo iphe-ememe mebyikwaa phẹ phọ.”

Ebvu-ọma 18:41

Ẹphe chiru mkpu; ọphu ọ dụdu onye gbaru phẹ mkpu. Ẹphe raku Chipfu; ọphu o yedụru phẹ ọnu.

Jieremaya 11:11

Ọo ya bụ lẹ-a; wakwa iphe, Chipfu epfu baa: Mu e-mekwa g'oke iphe-ẹhuka dapfuta phẹ; ọphu ẹphe anahụkwa iya. O betakpọo ẹphe raku mu; mu taa ngakwaru phẹ nchị.

Luku 15:30

O be gẹ nwa ngu ọwa-a, jeru je atụko iphe ngu kpakaaru ụnwanyi ụkpara-a lwarụ; i gbuaru iya ada-eswi, tsụru ẹba.’

1 Ndu eze 3:11

Ọo ya bụ; Chileke sụ Sólomọnu: “Eshi ọphu ọ bụ iphe ono bẹ ị sụru g'e meeru ngu; ọphu i pfuduru kẹ ndzụ ogologo; ọphu ị sụduru g'a nụ ngu ẹku; ọphu i pfuduru kẹ gẹ ndu ọhogu ngu nwụshihu; ọ bụ-chiaru egomunggo, ii-gude bụru eze l'ụzo, pfụru ọto bẹ ị sụru g'a nụ ngu;

Luku 11:10

Kẹle onyemonye, sụru g'a nụ iya iphe bẹ aa-nụje iphe; onye chọru nụ l'a-chọtaje; onye kụru ẹka bẹ aa-gụhajeru ụzo.