Ikpe 9:56 - BAYỊBURU Izii

⁵⁶ Ọ bụru ẹgube ono bẹ Chileke shiru gwata Abimẹleku ụgwo ẹjo-iphe ono, o meru nna iya ono; mbụ k'ụnwunna iya, dụ ụkporo ẹto l'iri, o gbushiru ono.

Ikpe 9:56 ပူးပေါင်းရင်းမြစ်များ

Mbụlembu 9:5

Mee ndzụ unu bẹ mu a-jị ajị iya. Teke o shi anụ l'ẹka mu ajịkwaa ya phọ ajị iya. Nemadzụ -gburu nwibe iya bẹ mu a-jịkwapho ajị iya.

Mbụlembu 9:6

“Onye gburu nemadzụ bụkwapho nemadzụ bẹ e-gbu yẹbedua. Noo kẹle Chileke meru nemadzụ; ọ dụ g'ọ dụ.

Jiobu 31:3

?Tọbudu ndu ẹjo-iphe bẹ ọla-l'iswi dụru. Eze iphe-ẹhuka dụru ndu te emedu ree?

Ebvu-ọma 11:6

Ndu ẹjo-iphe ono bẹ oo-mechaa dzeeru icheku-ọku yẹe ọku-nshiegbe g'igwe edzeje mini-a. Ọ bụru ẹjo phẹrephere, ekpo ọku a-bụru okiphe phẹ.

Ebvu-ọma 9:12

Noo kẹle yẹbedua, akpajẹ ishi ọchi onye e gburu egbugbu; bẹ nyatakwarụ phẹ nụ. Ndu iphe-ẹhuka byaru -chia mkpu bẹ ọ tọo gbajẹkwa phẹ nkụchi.

Ebvu-ọma 94:23

Ọo ya a-pfụ phẹ ụgwo iphe-ẹji, ẹphe eme; tẹme ọ bụru iya e-mebyishi phẹ k'ẹjo-iphe ono, ẹphe eme ono. Ọo Chipfu, bụ Chileke anyi e-mebyishi phẹ.

Ẹkwo Ẹtu 5:22

Ẹjo-ememe, onye ẹjo-iphe eme l'anmajẹkwa iya g'ọ́nyà; mbụ l'iphe-ẹji, oome adụjekwa g'ụdo kee ya kpụkpurukpu.

Matiyu 7:2

Kẹle ọo iphe, unu gude kpee onye ọzo ikpe bẹ ee-gude kpee unubẹdua. Tẹme ọ bụru iphe, unu gude tụru nụ nwibe unu bụ iphe, Chileke e-gude tụkwarupho nụ unu.

Ndu-ishi-ozi 28:4

Ndu ẹka ono hụma g'ẹjo agwọ ono tarụ Pọlu l'ẹka kepfuru; ẹphe pfuahaa sụ: “Nwoke-a nọkpokwaa l'ọ́chì. O bvufutaakwaru-a lẹ mini bu eviya; obenu l'alị ta ahadụru iya.”

Galeshiya 6:7

Unu te ekwekwa g'e duswee unu ụzo; Chileke ta abụkwa onye akwa eswe; noo l'ọo iphemiphe, onye kụru bẹ ọowotaje akpụru iya.

Ikpe 9:24

Ọ bụru Chileke meru gẹ ndu Shẹkemu meje nno; g'ee-shi g'a pfụa Abimẹleku ụgwo ẹjo-iphe ono, o meru ụnwunna iya ono; mbụ g'a gwata iya ụgwo ọchi ụnwu Jieru-Balụ, dụ ụmadzu ụkporo ẹto l'iri; mbụ ụnwunna iya ono, o gbushiru ono. Aagwatakwaphọ ndu Shẹkemu, bụ ndu yetarụ Abimẹleku njọ ẹka g'o gbushia ụnwunna iya ono ụgwo ọchi phẹ.

Ikpe 9:55

Ndu Ízurẹlu hụmaepho lẹ Abimẹleku bẹ nwụhuwaru nụ; onyenọnu tụgbuchaa lashịa unuphu.

Ikpe 9:57

Chileke bẹ mekwarụpho g'ẹjo-iphe, ndu Shẹkemu meru ono tukoru phẹ l'ishi. Ọnu ono, Jiótamu nwa Jieru-Balụ tụru bẹ mechaa nwụa l'ẹhu phẹ.