Ikpe 8:3 - BAYỊBURU Izii

³ Chileke bẹ woru Orẹbu waa Zeyẹbu, bụ ndu-ishi ndu Midiyanu ye unu l'ẹka. ?Dẹnu iphe, mu gbẹ mekpọ, ka ọphu unu meru shii?” O pfuchaẹpho iphe ono; obu jizeta phẹ.

Ikpe 8:3 ပူးပေါင်းရင်းမြစ်များ

Ebvu-ọma 115:1

Ọ tọ bụkwa anyi bẹ aa-kwabẹ ùbvù jiko Chipfu; ọ tọ bụkwa anyi. Ọ kwa ẹpha ngu kpoloko bẹ gbaru g'a kwabẹ iya ùbvù. Noo kẹle i yenụkaru anyi obu; tẹme ị nọdu apfụshije ike l'iphe, i pfuru.

Ebvu-ọma 44:3

Ọ tọ bụdu ogu-echi phẹ bẹ ẹphe gude lwụta alị ono; tẹme ọphu ọ bụdu ọkpehu phẹ bẹ ẹphe gude lwụ-kpee. Obenu l'ọo ẹkutara ngu; yẹe ọkpehu nkengu; waa anọ-kube ono, ị nọ-kube phẹ ono bẹ meru; ẹphe lwụ-kpee; noo kẹle ẹphe tụbaru ngu l'ẹnya.

Ẹkwo Ẹtu 15:1

Opfu, e pfuru; a tọ nwẹhu yee ya ọnu eselajẹ oke ẹhu-eghu azụ. Obenu l'epfu opfu, eme ẹhuka akpatajẹ ọvuma.

Ẹkwo Ẹtu 16:32

Ọ ka ree l'ị bụ onye atajẹru iphe nshi eme l'ị bụ onye ka ike l'ọgu. Mbụ l'onye esedeje onwiya kakwa ree; eme l'onye alwụje ọgu lwụta Ọha l'ophu.

Ẹkwo Ẹtu 25:11

Opfu, e pfuru l'o rwuberu iya dụ g'igopoto akpụru ụdara, a garụ ye l'iyagba mkpọla-ọchaa.

Ẹkwo Ẹtu 25:15

Ọ kwa nshirima l'e-me g'onye-ishi mee iphe, o shidu kwe lẹ ya e-me. Mbụ l'ire, atụ gwẹlegwele egbujijekwa ọkpu.

Jiọnu 4:37

Noo ẹka iphe ono, e pfuru ono gude bụru ọkpobe-opfu; a sụru: ‘L'onye lanụ emebeje iphe l'alị; onye ọzo eje akpata iya akpata.’

Romu 12:3

Iphe, mu gude epfuru unu iphe-a, mu abya epfupfu-a bụkwa lẹ Chileke mewaru mu eze-iphe-ọma; mu nọdu epfuru iya unu g'unu ha sụ g'unu ta arịjekwaru onwunu g'unu ahadụ. Ọ chia iphe, unu e-meje bụ g'unu deje ẹnya lẹ mini maru iphe, unu arị. Chileke hẹwaru onyemonye oke iphe-ọma, shi l'ekwekwe, onye kweru nkiya. Noo iphe, e-goshije onyemonye iphe, ọo-nọdu arịru onwiya bụ ono.

Romu 12:6

Anyi nwegbaarụ iphe-ọma, Chileke meru nụ anyi l'ẹhu l'ẹhu; onye g'eze-iphe-ọma nkiya ha. Nta-a bụ g'anyi gudeje iya mee iphe, g'ọ gbaru. Ọ bụru mpfuchiru, g'onye ono pfujekwa iya g'o goshiru iya ya l'ekwekwe, o kweru.

Filipayi 2:3

Unu ta akpajẹkwa ẹnya l'iphemiphe, unu eme. Ọphu unu ekujekwa onwunu iphe, unu ahadụ g'ọo ya l'iphe, unu emekpọo ememe. Unu wozeje onwunu alị l'ẹka nwibe unu nọ. G'onyemonye rịjeepho l'iphe, gbaru k'ememe bụ g'a ka akwabẹ nwibe iya ùbvù; eme lẹ yẹbedua.

Ikpe 8:2

Gidiyọnu sụ phẹ: “?Dẹnu iphe, mu gbẹ mee, ka ọphu unu meru shii? ?Ọ dụ g'akpa mkpakwa akpụru vayịnu kẹ ndu Ifuremu ta akadụ ree; eme l'akpụru vayịnu kẹ Abiyeza l'ophu?

Ikpe 8:4

Gidiyọnu yẹe ụmadzu ụkporo iri l'ise phọ bya erwua ẹnyimu Jiọ́danu; bya aghabua ya aghabu. Teke ono bẹ ike bvụshichakpowaru phẹ ree; ọle ẹphe achịepho ndu ọhogu phẹ ono kpabẹ kpabẹ.