Ikpe 7:4 - BAYỊBURU Izii

⁴ Obenu lẹ Chipfu pfulẹru-a Gidiyọnu sụ: “Ndu ono bẹ panụkakwarupho igwerigwe. Chịta phẹ je lẹ mini gẹ mu hụchaaru ngu ẹphe ama l'ẹka ono. Onye mu sụru l'oo-tsoru ngu je; bẹ e-je nụ. Onye ọphu mu sụkwanuru l'o too tsoduru ngu eje bẹ te ejekwa.”

Ikpe 7:4 ပူးပေါင်းရင်းမြစ်များ

Mbụlembu 22:1

E mechaa Chileke bya ahụa Ébirihamu ama. O kua ya sụ: “Ébirihamu!” Ọ za iya ẹnu.

Jiobu 23:10

Ọle mbẹdua ta adụkpodaa ụzo, mu shiru, ọ madụ. Ọ bụru iya bụ ọ -hụchaa mu ama; mu amaaha mma gẹ mkpọla-ododo.

Ebvu-ọma 33:16

Eze ta alwụjedu ọgu lwụta; opfu l'ọo l'ọ chị igwerigwe ndu ojọgu. Ọphu onye ike dụ abụdu ọkpehu iya bẹ oogudeje nahụ.

Ebvu-ọma 66:10

Noo kẹle gụbe Chileke hụwaru anyi ama; bya emee anyi; anyi dụ ree gẹ mkpọla-ọchaa, a hụru l'ọku.

Ebvu-ọma 7:9

Gụbe Chileke, bụ onye pfụberekoto; gụbe onye enyochajẹ ime obu waa egomunggo; jiko menaa g'ẹjo-ememe, ndu ẹjo-iphe anọduje eme bụru bugemu! Mee gẹ ndu pfụberekoto ngụru angụru!

Ikpe 7:5

Ọo ya bụ; Gidiyọnu duta ndu ono jeshia lẹ mini. Chipfu sụ iya: “Dobe ndu ọphu gude ire angụ mini gẹ nkụta angụje-a iche; l'i dobekwaphọ ndu ọphu gbushiru ikpere angụ iya iche.”

1 Sámẹlu 14:6

Jionatanu bya asụ nwokorọbya ono, achịru iya ngwọgu ono: “Bya g'anyi daghata je l'ẹka ndu ono, ebuduru úbvù onoya dọru ono. ?A maru; Chipfu alwụ-chiru anyi ọgu? Kẹle ọ tọ dụdu ẹgube iphe, kpọbaru Chipfu egude dzọo nemadzụ; mẹ a dụ igwerigwe; mẹ a ha nwanshịi.”

1 Sámẹlu 16:7

Obenu lẹ Chipfu sụru Sámẹlu: “Te eleshirọ ẹnya l'ụgbugba iya; ọzoo g'ọ habe l'eli; noo lẹ mu jịkaru iya ajịka. Noo kẹle ọ tọ bụdu gẹ nemadzụ eleje ẹnya l'iphe, bụ gẹ Chipfu eleje iya. Nemadzụ anọduje ele ụgbugba eli ẹhu; obenu lẹ Chipfu anọduje ele ẹnya l'ime obu.”