Ikpe 6:5 - BAYỊBURU Izii

⁵ Ẹphe achịjeru ẹku phẹ; waa ụlo-ẹkwa phẹ zeru gbiigbiigbi g'igube; mbụ k'ọphu a ta majẹduru g'e-shi agụta phẹ l'ọgu ẹphe l'ịnya-kamẹlu phẹ; ẹphe abya aphụnwua alị ono gbaa ya ophorokpo.

Ikpe 6:5 ပူးပေါင်းရင်းမြစ်များ

Ebvu Sólomọnu 1:5

Unubẹ ụnwada Jierúsalẹmu; a makwarụ-a lẹ mu eji uji; ọle mu dụkwanu ùbvù l'ẹnya. Mbụ lẹ mu jitabekwaru uji g'ụlo-ẹkwa ndu Keda; obenu lẹ mu dụkwanu ùbvù l'ẹnya g'ẹkwa, Sólomọnu gebegbaaru l'ụlo iya.

Azáya 13:20

Ọ tọ bụbaeduru ẹka ee-buru eburu jasụ l'ojejoje. Ọphu nemadzụ abyadụ ebuba l'ime iya; e -shi l'ọgbo sweru ọgbo. Ọphu ọ dụdu ndu Arabu akpọbe iya ụlo-ẹkwa; ọphu ndu eche atụru adọbedu iya atụru phẹ.

Azáya 60:6

Ọ-dọru-nyịmunyimu ịnya-kamẹlu atụko alị ngu sweta. Mbụ ụnwu ịnya-kamẹlu, shigba alị ndu Midiyanu yẹle kẹ ndu Ifa. Tẹme iphe, bụ ndu shi alị Sheba azarụ bya. Ẹphe eguderu ngu mkpọla-ododo yẹle ụ̀nwù-isẹnsu. Tẹme ẹphe ara iya arara g'e tua Chipfu ẹpha.

Jieremaya 46:23

Ọswa phẹ l'ophu bẹ ẹphe a-sụpyashichaa asụpyashi; g'ọ dụhabe ẹpfukala. Nokwa iphe, Chipfu eepfu. Ẹphe ka igube adụ igwerigwe; k'ọphu bụ l'a taa gụtadu phẹ l'ọgu.

Jieremaya 49:29

Ụlo phẹ, bụ ụlo ọphu e meru l'ẹkwa; yẹe eghu yẹe atụru phẹ bẹ aa-tụko rwuta. L'aachịta ẹkwa phẹ; yẹe iphemiphe, ẹphe nweru enweru; mẹkpoo ịnya-kamẹlu phẹ. Ndiphe echi mkpu ekpu phẹ sụ phẹ: ‘Nggiri nọkwa l'ụzo l'ẹkameka.’ ”

Jieremaya 49:32

Ịnya-kamẹlu phẹ bẹ aa-kwachaa l'ọkwata. L'e rwutakwaphọ ikpoto eswi phẹ l'ọgu. Iphe, bụ ndu bugba l'ọha, dụ ẹnya bẹ mu e-wojerurọ tụkaa lẹ phẹrephere. Mu eshi l'ụzo m'ụzo mee g'oke iphe-ẹhuka dapfu phẹ. Nokwa iphe, Chipfu eepfu bụ ono.

Jieremaya 51:14

Chipfu, bụ Ọkalibe-Kakọta-Ike gudeakwa onwiya ria angụ sụ lẹ ya a-chịru nemadzụ ye lẹ mkpụkpu ono; ẹphe eji iya kpimu; sweta iya g'ẹka igube swetaru. Tẹme ẹphe atụa okoo kpua unu.

Ditoronomi 28:33

Ndu unu amadụ bẹ e-ri iphe, unu kọru l'opfu; mbụ iphe, unu setarụ l'akanya. Iphe, a-nọduepho etso unu kpoloko bụ mkpamẹhu; yẹe mkpawere mbọkumboku;

Ikpe 7:12

Ndu Midiyanu ono; mẹ ndu Amalẹku; mẹ ndu shikọta l'ụzo ẹnyanwu-awawa tụko nmaa ẹrupfu g'igube lẹ nsụda ono. Ịnya-kamẹlu phẹ bụru agụta agụta; mbụ byiẹrupho g'ẹja, nọ l'agụga eze-ẹnyimu.

Ikpe 8:10

Zeba waa Zalụmuna bẹ nọ lẹ mkpụkpu Kakọ ẹphe lẹ ndu ojọgu phẹ, dụ ụkporo ụnu nemadzụ l'ụnu iri l'ẹsaa l'ụkporo nemadzụ iri, bụkota ndu ojọgu, e gbuphodoru lẹ ndu ojọgu, shi l'ụzo ẹnyanwu-awawa. Ndu ojọgu ono bẹ e gbuwaru ụkporo ụnu nemadzụ ugbo iri l'ise, bụkota ndu pagbaa ogu-echi.

Ikpe 8:21

Tọbudu iya bụ; Zeba waa Zalụmuna sụ iya: “Gbalihu; bya egbua anyi l'onwongu. Ọo gẹ nwoke ha bụ g'ike iya ahajẹ.” Ọo ya bụ; Gidiyọnu zilihu; woru phẹ gbushia; bya anyafụchaa ịnya-kamẹlu phẹ iphe, e gude mee phẹ ọna, bụ iphe, e shi nyabẹchaa phẹ l'olu.

1 Sámẹlu 30:17

Dévidi phẹ datso phẹ ọgu; shi l'ụzenyashi mbọku ono lwụa phẹ jasụ l'ụzenyashi echele iya. Ọphu ọ tọ dụdu m'ọ onye lanụ, gbalarụ nụ; a -gụfuepho ụnu ụnwokorobya, nyihuru eli ịnya-kamẹlu gbala.