Ikpe 5:6 - BAYỊBURU Izii

⁶ Lẹ teke kẹ Shamụga nwa Anatu; waa Jiayẹlu bẹ a gwọberu eshi eze gbororo; ndu ije pyoaha ntubo.

Ikpe 5:6 ပူးပေါင်းရင်းမြစ်များ

2 Iphe, ndu eze meru 15:5

Teke ono bẹ nemadzụ te ejedu g'ọ dụ iya ree; iphe emee ya; noo kẹle iphe, bụkpoo ndu bu l'alị ono nọepho l'aghamẹhu.

Ebvu-ọma 125:5

Ọle iphe, bụkpoo ndu eshi ụzo, apfụduru nhamụnha bẹ Chipfu a-tụko ẹphe lẹ ndu eme ẹjo-iphe l'alị-a wofukọta. G'ẹhu-guu bụkwaru kẹ ndu Ízurẹlu.

Azáya 33:8

Eze gbororo bẹ a gbadoakwaru; ọphu ọ dụedu ndu ije, eshijekwadụ iya nụ. Ẹphe mebyiwarụ ọgbandzu, ẹphe gbaru; ọphu ọ dụedu iphe, a gụberu ndu ekebe. Ọphu ọ dụedu onye aakwabẹjekwadu ùbvù.

Jieremaya 6:25

Unu ta alụfukwa l'ẹgu! Ọphu ọ dụkwa onye a-nọdu aghaphe lẹ gbororo; kẹle ndu ọhogu ono chịkwa ogu-echi. Tẹme iphe, eye ebvu tụkoru ụzo ẹkameka.

Ebvu Aphụ 1:4

Ụzo, e shi eje Zayọnu bẹ agụ aphụ; noo kẹle ọ tọ dụedu onye eshijekwadu iya eje ọbo-iphe, a tụru ọnu iya. Ọguzo, e shije abahụ iya l'ophu bẹ dachishihuwaru nụ. Ndu uke iya bẹ atsụgbawaa ude. Iphe, bụ ụnwumgboko iya tụko nọdu l'aphụ. Yẹbedua l'onwiya nọdu l'oke iphe-ẹhuka.

Ebvu Aphụ 4:18

Ẹphe anọduje eedo ọkpa anyi; k'ọphu bụ l'anyi te eshijeẹdu ụzo anyi. Mbọku ikpazụ anyi dụkwaa ntse; a gụwaru mbọku, anyi a-nọ-beru ọgu; noo kẹle mbọku ikpazụ anyi rwuwaru erwurwu.

Ndu Uke 26:22

Mu a-chịru anụ-ẹgbudu ye g'ẹphe bya adakaa unu; bya atụko ụnwegirima unu nakọta unu l'ọkpehu; tụko iphe-edobe unu mebyishichaa; mee; unu ta abaẹdu ishi; eze gbororo unu adabyiru iphoro.

Mayịka 3:12

Ọo ya bụ l'ọo unu kparụ iphe, ee-mechaa kọo úbvú Zayọnu kọfu g'aakọje opfu-a. Mkpụkpu Jierúsalẹmu e-mechaa bụru ikpọzu. Eli úbvú ono, bụ ẹka eze-ụlo Chileke dụ ono; e-mechaa bụru ẹka ẹgbudu zechiru.

Ikpe 3:31

Ehudu bụghechaepho ishi; Shamụga, bụ nwa Anatu bya abụru ishi. Ọ bụru yẹbedua gude mgbọro chigbushia ndu Filisitayinu ụnu nemadzụ l'ụkporo ụmadzu iri. Yẹbedua bụkwapho onye dzọru ndu Ízurẹlu.

Ikpe 5:7

Iphe, bụ mkpụkpu, nọ lẹ Ízurẹlu dabyikọtaru iphoro; gbiriri jasụru Debora fụta; bya abụru ne ndu Ízurẹlu.