Ikpe 5:31 - BAYỊBURU Izii

³¹ Gẹ ndu ọhogu gụbe Chipfu lakọta l'iyi ẹgube ono. Ọle gẹ ndu yeru ngu obu gbukwa kẹ nwịinwii g'ẹnyanwu, agbakota agbakota.” Tọbudu iya bụ; alị ono nweru nchị-odoo nọ ụkporo apha labọ.

Ikpe 5:31 ပူးပေါင်းရင်းမြစ်များ

2 Sámẹlu 18:31

Ọo ya bụ; onye Kushi ono byarwuta bya asụ: “Gụbe nnajịuphu mu, bụ eze; nụmakwa ozi ẹhu-ụtso! Lẹ ntanụ-a bẹ Chipfu nafụtakotawaru ngu l'ẹka ndu wulihuru etso ngu opfu.”

2 Sámẹlu 18:32

Ọo ya bụ; eze jịa onye Kushi ono sụ iya: “?To nwedụnu iphe, meru nwokorọbya ono, bụ Abụsalomu?” Onye Kushi ono sụ iya: “G'iphe, bụkpoo ndu ọhogu nnajịuphu mu, bụ eze; mẹkpoo iphe, bụ ndu wulihuru etso ngu opfu dụkotaekwapho gẹ nwokorọbya ono.”

2 Sámẹlu 23:4

bẹ ọoduje g'ìphóró nchi-abọhu lẹ teke ẹnyanwu awa awawa; mbụ lẹ mbọku igwe dụ kọrokoro. Ọoduje g'anwụ, emeje g'ẹswa, akpọ-futa akpọ-futa l'alị sha kẹ biribiri mẹ mini dzegheẹpho.’

Ebvu-ọma 19:6

Ọowaje l'akpaminigwe l'ishi lanụ; o shi l'ishi iya ono jee jasụ l'ishi iya ọphuu. Ọphu ọ dụdu iphe, a-sụ lẹ ya nọ l'ẹka okpomọku iya te erwudu iya l'ẹhu.

Ebvu-ọma 20:8

Ẹphebedua vukotawaru abalị dagbua ọchii; obenu l'anyịbedua gbẹshiru pfụru pfụshia ike.

Ebvu-ọma 37:6

Oo-me g'apfụbekoto nkengu nwua kẹ phoo g'ìphóró; mbụ lẹ Chipfu a-harụ ngu enge; mee g'iswi-ọdu-mma nkengu gbua kẹ nwịinwii g'ẹnyanwu.

Ebvu-ọma 89:36

sụ l'awa iya a-nọ jasụ l'ojejoje. Ọ bụru g'ẹnyanwu keru ngu l'iphu bụ g'alị-eze iya e-keru damudamu;

Ebvu-ọma 89:37

mbụ l'oo-keru jịmujimu jasụ l'ojejoje g'ọnwa, bụ iphe, agba ekebe l'akpaminigwe; l'e gude ire iya ẹka.

Ebvu-ọma 91:14

Chipfu sụkwaru: “Eshinu o yeru mu obu bẹ mu a-nọduepho anafụtaje iya; mbụ lẹ mu a-nọduepho egbobutaje iya g'ọ tọ dụ iphe, e-me iya nụ; kẹle ọ gụberu ẹpha mu iphe.

Ebvu-ọma 92:10

Obenu l'i meru; ọkpehu mu dụ gẹ k'atsụ. Ị bya eworu manụ, eshi mkpọ wụa mu l'ishi.

Ebvu-ọma 92:9

Gụbe Chipfu; ndu ọhogu ngu e-mechakwaa bụru mkpurupyata; mbụ-a; ndu ẹjo-iphe g'ẹphe hakọtakpoo bẹ ee-mechakwaa chịka nanụ nanụ.

Ebvu-ọma 97:10

Gẹ ndu yeru Chipfu obu kpọkwa ẹjo iphe-ashị; kẹle ọ kwa ndu dụru iya nsọ bẹ ooletajẹ ẹnya. Ọ bụru phẹ bẹ ọonafutaje l'ẹka ndu ẹjo-iphe.

Ebvu-ọma 97:8

Ndu bu lẹ Zayọnu nụmaru iya; ẹphe teahaa ẹswa. Ndu Jiuda bẹ ẹhu atsọ ụtso lẹ gẹ gụbe Chipfu egudeje ekpe ikpe.

Awụfu 20:6

Obenu l'iphe, bụkpoo ndu yeru mu obu bya emeje iphe, mu pfuru bẹ mu emejekwanụ gẹ n-yemobu mu bụru o-je-lẹ-nwanwa l'ẹhu phẹ.

Ẹkwo Ẹtu 4:18

Ụzo, ndu pfụberekoto etso adụje g'ìphóró gẹregere ụtsu, l'atọje nwẹhu abọhu gbiriri jasụ nchi asafụ.

Danẹlu 12:3

Ọzo bụ lẹ ndu maru iphe l'a-nọdu egbu nwịinwii g'ogbunwịinwii k'akpaminigwe. Ndu meru ikpoto nemadzụ; ẹphe bụru ndu pfụberekoto; eke paapaapa gẹ kpokpode jasụ l'ojejoje.

Hosiya 6:3

Unu g'anyi maru Chipfu! G'anyi wata ese iswi g'anyi e-shi maru onye ọ bụ. Ọ bụru g'ẹnyanwu awafụtaje l'ụtsu-a bụ g'ọ byapfutafụtaje anyi. Mbụ l'ọo-byapfuta anyi gẹ mini, shi l'igwe; mbụ gẹ mini udzumini, awụje mgboko l'ophu ẹhu-a.

Matiyu 13:43

Ndu ọphu pfụberekoto l'iphu Chileke a-nọdu egbu nwịinwii g'ẹnyanwu l'ẹka Nna phẹ bụ eze. G'onye nweru ẹnu-nchị nụmakwa iya!”

Romu 8:28

Anyi maru l'iphemiphe, eme l'ẹhu ndu yeru Chileke obu anọduje emekọta g'ọo-dụru phẹ lẹ ree; mbụ ndu Chileke kuru g'ọ tụberu.

1 Kọrentu 8:3

Obenu l'onye yeru Chileke obu bẹ Chileke maru.

Efesọsu 6:24

Gẹ Chileke mekwaarụpho unu eze-iphe-ọma; unubẹ ndu yeru Nnajịuphu anyi, bụ Jizọsu Kéreshi obu; yee ya k'ojejoje. Nokwa g'ọ dụ.

Ditoronomi 6:5

Ọo ya bụ g'unu gude obu unu g'ọ ha; yẹe ndzụ unu g'ọ ha; waa ike unu g'ọ ha ye Chipfu, bụ Chileke unu obu.

Ditoronomi 7:9

Ọo ya bụ lẹ-a; makwarụ lẹ Chipfu, bụ Chileke ngu bụkwa Chileke; mbụ Chileke, apfụshije ike l'iphe, o kweru ukwe iya; bụru Chileke, edobeje ọgbandzu, yẹe ndu yeru iya obu gbaru; tẹme ọ nọdu egoshije phẹ l'o yeru phẹ obu; mbụ ndu ono, yeru iya obu bya emeje iphe, ọ sụru phẹ g'e meje. Iphe ono bẹ oomeje ụnu-kụru-ụnu ọgbo.

Jiemusu 1:12

Ẹhu-ụtso bẹ a gọru nụ onye tarụ nshi l'ọhutama; kẹle teke a hụcharu iya ama ọbu; ọphu ọ daduru bẹ ee-kpube iya okpu-eze, bụ iya bụ ndzụ; bụru obunggo, Chileke sụru lẹ ya e-bu ndu yeru iya obu.

Jiemusu 2:5

Unu ngabẹkpodapho nchị; ụnwunna mu, mu yeru obu. ?Tọ bụdu ndu ụkpa lẹ mgboko-a bẹ Chileke họtaru g'ẹphe bụru ndu shi l'ekweta, ẹphe kwetarụ nweru iphe l'iphu Chileke; bụkwarupho ndu e-nweru ẹka ọ bụ eze, bụ iphe, ọ sụru lẹ ya a-nụ ndu yeru iya obu-a.

1 Pyịta 1:8

Onye unu yeru obu; l'ẹbe abụ l'unu gude ẹnya hụma iya; unu ta ahụmaduru iya l'ẹnya kẹ nwanta-a; obenu l'unu kweru nkiya; ete ẹswa; ẹhu nọdu atsọ unu k'ọphu aamadụ g'a-tụ ọnu iya.

Ọphulenya 1:16

Ọ chịru kpokpode ẹsaa l'ẹkutara iya. Ogu-echi, atsụ nkọ akpatiphu labọ nọdu alụfutaje iya l'ọnu. Iphu onye ono nọdu egbuẹpho nwịinwii g'ẹnyanwu keru l'ishi.

Ọphulenya 18:20

Teru ẹswa kpua ya gụbe igwe! Unubẹ ndu-nsọ; mẹ ndu-ishi-ozi ono; mẹ ndu mpfuchiru Chileke unu teje ẹswa lẹ Chileke bẹ nmawaru iya ikpe ẹjo-iphe ono, o meru unu ono!

Ọphulenya 6:10

Ẹphe tụko g'ẹphe ha ara ọ́rà arashi iya ike sụ: “Nnajịuphu-e! Ọo ngu bụ onye dụ nsọ; bya abụru ngu bụ onye emeje iphe, g'i pfuru iya. ?Bụ anyi nọ-beadaru ịno-beagha tẹmanu l'i kua ndu bu l'eliphe kpaa ishi iphe, meru anyi-a; gwaa phẹ ụgwo egbugbu-a, ẹphe gburu anyi-a?”

Ikpe 3:11

Tọbudu iya bụ; alị ono buru lẹ nchị-odoo ụkporo apha labọ. Ọo ya bụ Ọtuniyelu, bụ nwa Kenazu bya anwụhu.

Ikpe 3:30

Ndu Ízurẹlu lwụta ndu Mówabu lẹ mbọku ono; ẹphe nọdu phẹ lẹ mkpula. Tọbudu iya bụ; alị ono nọdu lẹ nchị-odoo ụkporo apha ẹno.