Ikpe 5:30 - BAYỊBURU Izii

³⁰ Ẹphe nọdu asụje iya: ‘?Tọbudu iphe, ẹphe a-kwata l'ọkwata bẹ ẹphe achọ; bya ekekwa iya phọ ekeke? Nwoke nọnu e-keta nwamgbọko lanụ; ọzoo ẹbo. Sizera eketachaa uwe, ama ntụmatu; mbụ l'oo-ketachaa uwe, ama ntụmatu, akwaru k'ẹrengete; waa ẹkwa, dụ ẹguru, mu a-tụ-phuje l'olu; mbụ ?ọ bụkotaru iphe, a kwatarụ l'ọkwata?’

Ikpe 5:30 ပူးပေါင်းရင်းမြစ်များ

Mbụlembu 37:3

No iya; Ízurẹlu ka eye Jiósẹfu obu eme lẹ g'o yeru ụnwu iya ndu ọphuu. Iphe, kparụ iya nụ bụru l'ọo nwa, a nwụru iya lẹ nka. Ọ bya akwaaru Jiósẹfu ẹguru uwe, ama ntụmatu, chịkashiru mkpọ.

2 Sámẹlu 13:18

Ọo ya bụ; nwozi iya ono nwufu iya; guburu iya ye l'etezi swọbe iphe lẹ mgbo ono. Tama bẹ yeru ẹguru uwe mgbalanụ, nweru ẹka ogologo; kẹle ọo ẹgube uwe ono bẹ ụnwada eze ndu ọphu bụkwadu ụnwumgboko, nwoke teke ejepfuswee eyeje.

Jiobu 20:5

Ị maru-a l'onye ẹjo-iphe bẹ ẹhu-ụtso nkiya abụjele-a tsọkere; mbụ l'onye amadụ Chileke bẹ ta adụdu g'ootebejeru ẹswa.

Ebvu-ọma 45:14

E yeru iya uwe, e meru ẹrengete duru ejepfu eze. Ụnwumgboko ibe iya nọdu etso iya l'azụ. Ẹphebedua bẹ eedukwaphọ edujeru eze.

Ebvu-ọma 68:12

Ọ sụru: “Ndu eze mẹ ndu ojọgu unu mee ẹgwegwa gude ọso gbafụ!” Ụnwanyi, kụru l'unuphu; wụfuta bya ekee iphe, a kwatarụ l'ọkwata.

Awụfu 15:9

Ndu ọhogu sụru: “Anyi a-chị phẹ ọso gude. Anyi a-kwa iphe phẹ l'ọkwata; kee; gude phẹ mee iphe, agụ anyi ẹgu ememe. Anyi a-mịta ogu-echi anyi; tụko phẹ gbushia.”

Awụfu 27:16

“L'e gude owu, dụ urwukpu-urwukpu; waa ọphu eke mee-mee; waa k'uswe-uswe; yẹe owu ọchaa, a swịru ụdo; gude kwee ẹkwa, dụ nkwo-ẹka ụkporo l'ogologo; gude gebuta ọnu-abata ọma-unuphu ono. G'ọ bụkwaru onye maru egude ngga kwee ẹkwa bẹ e-me iya nụ. Ọnu-abata iya ono bẹ ee-metaru itso ẹno; waa ẹnya ẹka aa-kpọbechaa itso ẹno ono.

Ẹkwo Ẹtu 16:19

Ọ kakwa mma l'ị bụ onye wozeru onwiya alị; ị yịru lẹ ndu dụ àgù; eme l'unu lẹ ndu eku onwophẹ swị tụko eke iphe, unu kwatarụ l'ọkwata.

Azáya 9:2

Sụ-a; ndu nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.

Ikpe 5:19

Ndu eze byaru; ẹphe lwụa ọgu ono. Ndu eze ndu Kénanu bẹ lwụru ọgu lẹ mkpụkpu Tanaku; lẹ mgboru mini mkpụkpu Megido; ọphu ẹphe alwụtaduru mẹ mkpọla-ọchaa.

Ikpe 5:29

Ụnwumgboko ibe eze ndu ọphu kachaa amaru iphe nọdu azụ eyeru iya l'iphe, oopfu; tẹme yẹbedua nọdu azụkwa iya phọ ekwe l'onwiya.