Ikpe 5:21 - BAYỊBURU Izii

²¹ Ẹnyimu Kishọnu tụko phẹ kpota; mbụ ẹnyimu shi l'ichee ono, bụ iya bụ ẹnyimu Kishọnu. Gụbe obu mu; gude ike zọru je l'iphu!

Ikpe 5:21 ပူးပေါင်းရင်းမြစ်များ

Mbụlembu 49:18

Gụbe Chipfu; mu ele ẹnya teke ịi-dzọta mu.

1 Ndu eze 18:40

Elayịjia sụ phẹ: “Unu gudechaa ndu mpfuchiru Balụ. Unu te ekwekwa g'ọ dụru onye ọphu e-pyofu l'ime phẹ!” Ẹphe gude phẹ; Elayịjia chịta phẹ je lẹ nsụda Kishọnu je eworu phẹ gbushikọta l'ẹka ono.

Ebvu-ọma 44:5

Ọo l'ẹka ngu bẹ anyi anọduje nwuta ndu achị anyi lẹ njọ nwuphu azụ. Ọ bụru ẹpha ngu bẹ anyi egudeje zọo ndu wulihuru etso anyi opfu pyakapyaka.

Awụfu 15:2

Chipfu bụ ọkpehu mu bya abụru onye mu agụ-ku l'ebvu. Ọ bụru yẹbedua bụ onye dzọtaru mu nụ. Ọo ya bụ Chileke mu; mu a-nọdu aja iya ajaja. Ọ bụru iya bụ Chileke nna mu; mu a-nọdu ekutse ẹpha iya.

Azáya 25:10

Kẹle ẹka Chipfu a-dụkwa l'eli úbvú-a. Mbụ lẹ ndu Mówabu bẹ aa-zọ tọlitoli l'ibe phẹ ẹgube ono, aazọje ẹswa ekperema pyakapyaka l'ikpọzu ono.

Mayịka 7:10

Noo teke ọhogu mu ono a-hụmakwa iya phọ. L'o woru ẹka kpube l'iphu l'ẹka iphere e-gude iya. Mu egude ẹnya mu hụma ẹka ọoda kpurumu kpurumu; mbụ onye ono, shi asụje mu: “?Dẹnu Chipfu, bụ Chileke ngu?” Ọ tọ dụdu g'aa-nọ-beru l'a zọo yẹbedua tọlitoli g'onye azọka ẹpuchi ọma gbororo.

Ikpe 4:13

Sizera chịtakota ụkporo ụnu ụgbo-ịnya ígwè iya labọ l'ụkporo ụgbo-ịnya ígwè ise; mẹ unwoke, ẹphe l'iya nọ l'ophu; shi lẹ mkpụkpu Haroshetu-Hagoyimu jeshia l'ẹnyimu Kishọnu.

Ikpe 4:7

Mu e-me Sizera, bụ onye-ishi ndu ojọgu Jiabinu; g'ọ chịru ụgbo-ịnya iya; yẹle ndu ojọgu iya; bya l'ẹnyimu Kishọnu; mu eworu Sizera ye ngu l'ẹka.”