Ikpe 4:6 - BAYỊBURU Izii

⁶ Ọo ya bụ; ọ bya ezia e je ekua Baraku nwa Abinowamu, shi lẹ mkpụkpu Kadẹshi, nọ l'alị ndu Nafụtali. Ọ sụ iya: “Chipfu, bụ Chileke ndu Ízurẹlu bẹ ziru ngu sụ g'ị tụgbua je achịta unwoke ndu Nafụtali; mẹ unwoke ndu Zebulọnu ụkporo ụnu nemadzụ l'ụnu ise yeru onwongu; duru phẹ g'unu shia ụzo úbvú Tabọ.

Ikpe 4:6 ပူးပေါင်းရင်းမြစ်များ

Ebvu-ọma 7:6

Gụbe Chipfu; kwolihunụ l'ẹhu-eghu! Jiko gbẹshinu; nọchia ndu ono, l'achị mu lẹ njọ ono ụzo; mbụ ndu ono, atụ kpereree abyapfuta mu ono. Kwolihurọ Chipfu; kẹle ọ kwa gụbedua tụru ekemu sụ gẹ ndiphe kpeje ikpe, pfụru ọto.

Ebvu-ọma 89:12

Ndẹgu iya mẹ ndọhali iya bụkota gụbedua meru phẹ dobe. Úbvú Tabọ; yẹe úbvú Hamọnu agụje ebvu ẹhu-ụtso m'ẹphe nụma ẹpha ngu.

Ebvu-ọma 89:13

Oshi-ẹka ngu bụ iphe, swetaru iya nụ bụ ọkpehu. Ẹka ngu shihuru ike; ẹkutara ngu kangoo.

Jieremaya 46:18

Wakwa iphe, Eze ono epfu baa; mbụ onye ẹpha iya bụ Chipfu, bụ Ọkalibe-Kakọta-Ike: Eshinu mu nọ ndzụ gẹ mu nọ iya-a bẹ o nweru onye a-bya nụ. Onye ono a-dụ g'úbvú Tabọ l'ẹka úbvú dọru. Mbụ l'ọo-dụ g'úbvú Kamẹlu, nọ l'agụga eze-ẹnyimu.

Hosiya 5:1

“Unu nụmakwa iphe-a; unubẹ ndu bụ uke! Unu ngabẹkwa nchị; unubẹ ndu-ishi ndu Ízurẹlu! Unu ngabẹkpodapho nchị; unubẹ ndibe eze! Ikpe-a nmaakwaru unu; kẹle unu shi bụru igbudu lẹ mkpụkpu Mizupa. Tẹme unu bụru ụgbu, e geru l'úbvú Tabọ.

Ndu-ishi-ozi 13:47

Kẹle o noo iphe, Nnajịuphu họtaru anyi zia anyi teke ono, ọ sụru: “Mu họtaru unu g'unu bụru ìphóró ndu abụdu ndu Jiu. G'unu gude ozi ono, Chileke e-shi dzọta ndiphe ono gude jedzuru mgboko mgburugburu.”

Hiburu 11:32

?Mu e-le ole agụ? ?Dẹnu teke mu a-nọdu gụshiwaro Gidiyọnu phẹ mẹ Beraku; mẹ Samụsinu; mẹ Jiẹfuta; mbụkpoo Dévidi phẹ; mẹkpoo Sámẹlu; waa ndu mpfuchiru Chileke.

Jioshuwa 1:9

?Tọ bụnaa mbẹdua sụru g'obu shihu ngu ike? Gẹ ndzụ ba agụshi ngu; ọphu meji atọfukwa ngu. G'ọ tọ dụkwa teke ịi-la azụ azụ. Noo kẹle Chipfu, bụ Chileke ngu bẹ e-swiru ngu nụ l'ẹkameka iijekpọ.”

Jioshuwa 19:22

Oke alị phẹ rwuchaaru úbvú Tabọ; waa Shahazuma; waa Bẹtu-Shẹmeshi; shi l'ẹka ono lụfu l'ẹnyimu Jiọ́danu. Iphe, ọ tụkoru dụ bụ mkpụkpu iri l'ishii; yẹle ụnwu mkpụkpu, nọgbaa phẹ mgburugburu.

Jioshuwa 19:32

A byakwa atụa ido k'ishii; ọ daaru Nafụtali. Ẹphe haa ya l'ẹnya-unuphu l'ẹnya-unuphu.

Jioshuwa 19:35

Mkpụkpu, nọ l'alị ẹka ono, a kpụ-pheru igbulọ mgburugburu bụ Zidimu; waa Zẹru; waa Hamatu; waa Rakatu; waa Kinẹretu;

Jioshuwa 19:37

waa Kadẹshi; waa Edereyi; waa Enu-Hazọ;

Jioshuwa 21:32

Ọkpa-ipfu Nafụtali nụ phẹ Kadẹshi, nọ l'alị Gálili g'ọ bụru ẹka onye gburu ọchi a-gbajẹru laa je anọdu; waa Hamọtu-Dọru; wafụa Katanu; yẹe ẹka iphe-edobe phẹ a-tajẹ nri, nọ-pheru iya mgburugburu. Iphe, ọ dụ bụ mkpụkpu ẹto.

Ikpe 4:10

Ọ bụru lẹ Kadẹshi bẹ Baraku rwukọberu ndu Zebulọnu waa ndu Nafụtali ẹphe dọru. Ndu o gude jee bụ ụkporo ụnu nemadzụ l'ụnu ise. Debora tsokwaru phẹ phọ.

Ikpe 5:1

Lẹ mbọku ono bẹ Debora yẹe Baraku nwa Abinowamu gụru ebvu-a sụ:

Ikpe 6:35

Ọ byakwaphọ eye ndu-ozi ẹphe zikọta ozi l'alị ndu Manásẹ l'ophu g'ẹphe kwaa ngwọgu; bya ekukọkwapho ndu Asha; mẹ ndu Zebulọnu; waa ndu Nafụtali; ẹphe wụru byapfuta phẹ.

Ikpe 8:18

Tọbudu iya bụ; Gidiyọnu bya ajịa Zeba waa Zalụmuna sụ phẹ: “?Bụ ẹgube ndu gụnu bẹ unu gbushiru l'úbvú Tabọ?” Ẹphe sụ iya: “?Ọ kwa unwoke, dụkotaepho g'unubẹdua; mbụ l'onye ọphu nọnu dụchaepho gẹ nwa onye eze.”

1 Sámẹlu 10:3

“Ọ bụru l'ẹka ono bẹ ii-shiwarọ lụfu l'upfu eze oshi, dụ lẹ Tabọ. Ọo l'ẹka ono bẹ gụ l'unwoke ẹto, eje mkpụkpu Bẹtelu je abarụ Chileke ẹja e-dzuda. Onye lanụ bẹ a-kpụru ụnwu-eghu ẹto; onye ọphuu achịru ishi buredi ẹto; onye ọphuu aparu otumu mẹe.

1 Sámẹlu 12:11

Ọo ya bụ; Chipfu bya ezia Jieru-Balụ; mẹ Baraku; mẹ Jiẹfuta; waa Sámẹlu; gude phẹ nafụta unu l'ẹka ndu ọhogu unu, nọ-pheru unu anọ-phe ono. Unu bya eburu l'ẹhu-guu.