Ikpe 3:8 - BAYỊBURU Izii

⁸ Tọbudu iya bụ; Chipfu swibenuru ndu Ízurẹlu ẹhu-eghu; k'ọphu o nwuru phẹ ye l'ẹka Kushanu-Rishatayimu, bụ iya bụ eze ndu Mesopotémiya. Ndu Ízurẹlu nọdu Kushanu-Rishatayimu l'ẹka apha ẹsato.

Ikpe 3:8 ပူးပေါင်းရင်းမြစ်များ

Mbụlembu 24:10

Onye-ozi iya ono bya achịta anụ-ije, bụ ịnya-kamẹlu nnajịuphu iya iri gude tụgbua. Nnajịuphu iya ono hakwarụpho nụ iya iphe, dụgbaa ree; o gude; ọ bụru iya eje alị Mesopotémiya. O jerwua bya abahụ mkpụkpu ẹka Nahọ bu.

Ebvu-ọma 106:41

Ọ chịru phẹ ye l'ẹka ndu ọhozo. Ndu ẹphe dụ ashị bụru eze chịahaa phẹ.

Ebvu-ọma 129:1

Ẹphe mewaru mu ewere megharụ mu iya ẹka e -shi teke mu bụ nwata … Ngwa; g'unubẹ ndu Ízurẹlu tụko pfua sụ:

Ebvu-ọma 44:12

I wowaru ndibe ngu reshia ọ-dụ-l'urwu; k'ọphu bụ l'ọ tọ dụdu urwu, i ritaru l'ishi phẹ.

Ebvu-ọma 6:1

Gụbe Chipfu; te egudekwa ẹhu-eghu baarụ mu mba! Te egudekwa ẹnya, ata ngu kpịtikpiti hụ̀a mu àhụ̀hù!

Ebvu-ọma 85:3

Ị tụkowaru oke ẹhu-eghu ngu g'ọ ha gwọbe; bya apakọtaru ẹhu-eghu ono, meru; ẹnya nọdu ata ngu kpịtikpiti ono parụ haa.

Awụfu 22:24

Ẹhu a-watakwa mu eghushi eghu ike; mu egude ọgu bya atụko unu gbuẹbe. Unyomu unu abụru ụnwanyi, ji phẹ anọedu; ụnwegirima unu abụru ndu enweẹdu nna.

Azáya 50:1

Wakwa iphe, Chipfu epfu: ?Dẹnu ẹkwo, mu deru nụ ne unu gude chịfu iya-a? Tọo ?bụ ndu mu ji ụgwo onye ole bẹ mu woru unu ree? Ọ kwa iphe-ẹji unu kpatarụ iphe, mu gude woru unu ree. Ọ bụru ẹjo-ememe, unu eme meru g'o gude a chịfu ne unu.

Ndu Uke 26:17

Mu a-gharu unu iphu lẹ kẹ njọ; ndu ọhogu unu alwụ-kpee unu l'ọgu. Ndu unu dụ ashị a-bụru ndu-ishi unu; unu agbaaha ọso teke adụdu onye achị unu.

Habakuku 3:7

Mu hụmaru ụlo-ẹkwa ndu Kushanu l'ẹka ooje iphe-ẹhuka; mbụ l'ẹka ono, ndu Midiyanu bu ono anma ọkpobe jiijiijii.

Romu 7:14

Iphe, anyi maru bụ l'ekemu shi Unme Chileke l'ẹka; obenu lẹ mu bụ nemadzụ mmanụ, iphe-ẹji gbaru ohu.

Ditoronomi 29:20

Chipfu ta abyakwa agụru onye ọbu nvụ. Ẹhu-eghu Chileke; yẹe okophoo ya a-nọduwaro swiru onye ọbu. Tẹme mburọnu ono, e deshiru l'ẹkwo-a a-dapfuta iya; tẹme Chipfu e-hufu ẹpha onye ono lẹ mkpula akpaminigwe-a.

Ditoronomi 32:30

?Dẹnu g'onye lanụ e-shi chịa ụnu ụmadzu labọ l'ụmadzu ụkporo iri ọso? Mbụ-a; ?dẹnu g'ụmadzu labọ e-shi chịa ụnu ụmadzu ise ọso g'ẹphe gbala; gbahaa l'onye ono, bụ Agbara-mkpuma phẹ ono bẹ gbahawaru phẹ ẹka; mbụ lẹ Chipfu mịwaru phẹ ẹnya?

Ikpe 2:14

Tọbudu iya bụ; oke ẹhu-eghu Chipfu dapfuta ndu Ízurẹlu; o woru phẹ ye l'ẹka ndu ọ-lwụa-ọlaa; ẹphe lwụa phẹ alwụlwu. O nwuru phẹ nụ ndu ọhogu phẹ, bupheru phẹ mgburugburu, bụ ndu ẹphe ta adụedu ike wọtaba ọgu ọzoba.

Ikpe 2:20

No iya; oke ẹhu-eghu Chipfu dapfuta ndu Ízurẹlu; ọ sụ: “Eshinu ọha-a mebyiwarụ ọgbandzu ono, mu meru doberu nna phẹ ono; ọphu ẹphe ta angajẹedu nchị l'iphe, mu pfuru;

Ikpe 3:10

Unme Chipfu bya eji iya ẹhu; ọ bya abụru onye-ikpe ndu Ízurẹlu. Ọ tụgbua jeshia ọgu; Chipfu woru Kushanu-Rishatayimu, bụ eze ndu Mesopotémiya ye iya l'ẹka; ọ lwụ-kpee Kushanu-Rishatayimu.

Ikpe 3:7

Ndu Ízurẹlu bya emee ẹjo-ememe l'ẹnya Chipfu. Ẹphe zọharu Chipfu, bụ Chileke phẹ; baaharụ Balụ mẹ Ashera ẹja.

Ikpe 3:9

A nọnyaa; ndu Ízurẹlu raku Chipfu; ọ nụ phẹ onye ndzọta, bụ Ọtuniyelu nwa Kenazu; mbụ Kenazu, bụ nwune Kalẹbu kẹ nwata; ọ dzọta phẹ.

Ikpe 4:9

Debora sụ iya: “Ọ dụepho ree; mu lẹ ngu a-swịru-a je; ọle ùbvù, nọ l'iphe-a, ịibya ejeje-a bẹ taa bụekwanuru nkengu. Ishi iya bụ l'ọo nwanyị bẹ Chipfu e-me; l'o gude Sizera.” No iya; Debora gbalihu tsoru Baraku; ẹphe jeshia Kadẹshi.

1 Sámẹlu 12:9

Obenu l'ẹphe zọharu Chipfu, bụ Chileke phẹ; o nwuru phẹ ye l'ẹka Sizera, bu onye-ishi ojọgu ndu Hazọ; woru phẹ yekwaphọ l'ẹka ndu Filisitayinu; mẹ l'ẹka eze ndu Mówabu, bụ ndu tsochaaru phẹ ọgu.