Ikpe 3:19 - BAYỊBURU Izii

¹⁹ E rwuẹpho l'agwa, nọ-kube mkpụkpu Gilugalu; ọ ghakọbe lashịa azụ je asụ: “Jiko eze; ọ dụru ozi, mu e-zi ngu lẹ mpya.” Eze ono sụ ndu-ozi iya: “Unu gebeẹshikwa-o!” Ọo ya bụ; ẹphe tụko gbado iya tụgbua.

Ikpe 3:19 ပူးပေါင်းရင်းမြစ်များ

Mbụlembu 45:1

Noo ya; ọphu Jiósẹfu adụedu ike sede onwiya ọzo l'atatiphu iphe, bụ ndu-ozi iya, pfụ-kuberu iya nụ. O chia mkpu; sụ: “Unu mee g'onyemonye tụgbua lụfu l'atatiphu mu!” A tụko wụfu; ọphu ọ dụedu onye ẹphe l'iya nọkwadu l'ẹka ono. Tọbudu iya bụ; Jiósẹfu gbẹ teke ono bya emee g'ụnwunna iya maru onye ya bụ.

2 Sámẹlu 13:9

Ọ bya achịru akara ono ye lẹ gbamụgbamu woru nụ iya. Ọ jịka iya eriri. Amụnonu sụ: “Karụ onyenọnu g'ọ lụfukota l'ẹka-a!” Onyenọnu bya atụko lụfuchaa.

Ebvu-ọma 78:58

Ẹphe gude ẹka ẹphe agwajẹ iphe, ẹphe dobegbaaru l'ẹkameka; gude kpatsua Chileke iwe; mbụ kpatsu iya; o koaharụ ntẹkpe, ẹphe pyịshiru okophoo.

Jioshuwa 4:20

Jioshuwa woru mkpuma iri l'ẹbo, a pataru l'ẹnyimu Jiọ́danu ono; woru kpọkobe lẹ Gilugalu.

Ikpe 3:18

Ọ nụebechaa ya iphe ono; ọ bya edufu ndu ono, shi vuru iphe ono, ẹphe tụtaru ono.

Ikpe 3:20

Noo ya; Ehudu bya ejekube iya ntse l'ẹka ọ nọ nkịnyi iya l'ime mkpuru ụlo-eli ono, bụ ẹka ka ejidata ejidata; je asụ iya: “Ọ dụru ozi, shi Chileke l'ẹka mu eme gẹ mu zia ngu.” Eze gbalihuẹpho l'oshi, ọ nọ anọo;