Ikpe 2:4 - BAYỊBURU Izii

⁴ Ojozi-imigwe, shi l'ẹka Chipfu ono pfuchaẹrupho ndu Ízurẹlu iphe ono; ẹphe tụshia ụzu-ẹkwa.

Ikpe 2:4 ပူးပေါင်းရင်းမြစ်များ

Ẹzura 10:1

Gẹ Ẹzura epfu anụ Chileke; akọshiru Chileke iphe, dụ ẹji, ẹphe megbabẹru; ara ẹkwa; echi onwiya gbaagbaa l'alị l'atatiphu ụlo Chileke; ndu Ízurẹlu zefụta igwerigwe wụ-pfuta iya; unwoke; mẹ ụnwanyi; mẹ ụnwegirima; ẹphebedua nọdu arakwaphọ ẹkwa nkephẹ arashị iya ike.

Ẹkwo Ẹtu 17:10

A -baarụ onye iphe edoje ẹnya ree mba bẹ oorwuje iya l'ẹhu; eme l'ọnu ẹchachi ụkporo ise, e chiru ọmata.

Jieremaya 31:9

Ẹphe a-nọdu ara ẹkwa abya. Mbụ l'ẹphe a-nọdu arwọ mu arwọrwo; mu edu phẹ alwa. Mu e-du phẹ dughaa nggele nggele; dua phẹ shia ụzo, dụ baswaa k'ọphu ụpfu ata akpọdu phẹ l'ọkpa. Ọ bụru iphe, kparụ iya nụ bụ lẹ mu bụ nna Ízurẹlu; tẹme Ifuremu bụru ọkpara mu.

Jiowẹlu 2:12

Wakwa iphe, Chipfu epfu baa: Ntaakpọnu; unu gudenụ ọkpoma unu g'ọ ha lwapfuta mu! Unu gude aswi ẹgu; mẹ ara ẹkwa; mẹ agụ aphụ gude lwa!

Zekaraya 12:10

“Ọzo bụ lẹ mu e-woru unme k'eze-iphe-ọma; yẹle unme k'arwọ arwọ; wụa l'ọnu-ụlo Dévidi; mu awụa ya l'ẹhu ndu bu lẹ Jierúsalẹmu. Ọ bụru mụbe onye ono, ẹphe bvukashịru ọ́nyá ono bẹ ẹphe a-nọdu ele ẹnya l'ẹka; tẹme ẹphe araa ẹkwa mu g'onye ara ẹkwa nwa, bụ iya nwa lanụ; l'oorwua phẹ l'ẹhu shingushingu g'oorwuje onye ara ẹkwa nwa, bụ ọkpara iya.

Luku 6:21

Ẹhu-ụtso bẹ a gọru nụ unubẹ ndu ẹgu agụ nta; kẹle ẹpho e-ji unu. Ẹhu-ụtso bẹ a gọru nụ unubẹ ndu akwa ẹkwa nta; kẹle unu a-chịa ọchi.

Luku 7:38

gude bya apfụru iya lẹ mgboru ọkpa; wata akwashị ẹnya-mini. Ọ nọdu akwashị Jizọsu ẹnya-mini l'ọkpa bya egude ẹgbushi, nọ iya l'ishi gude ehucha iya ya; etsutsu iya ọnu l'ọkpa bya eworu manụ ono, eshi mkpọ ono wụa ya ya.

2 Kọrentu 7:10

Kẹle nggụmaphu ọphu dụ Chileke ree emeje g'izimanụ lwa nemadzụ azụ g'adzọo ya; ọphu atadụ onwonye ụta iya k'ono. O bekwanụ lẹ nggụmaphu k'ụnwu-eliphe l'egbu egbugbu.

Jiemusu 4:9

G'o rwua unu l'ẹhu; g'aphụ ji unu obu; unu kwashịa ẹnya-mini. G'achị ọchi bụru unu aphụ; g'ẹmereme bụru unu iphere.

Ikpe 2:3

Eshinu ọ dụ nno bẹ iphe, mu epfuru unu nta-a bụ lẹ mu taa chịfuekwaru unu ndu ono. Ẹphe a-bụru unu aghamẹhu; tẹme agwa phẹ, a-bụru ọ́nyà, unu a-nmalahụje.”

Ikpe 2:5

Ọo ya bụ; ẹphe gụbe ẹka ono “Bokimu, ụzu-ẹkwa.” Ẹphe nọdu l'ẹka ono gwaa Chipfu.

1 Sámẹlu 11:4

Tọbudu iya bụ; ndu ezi ozi ono bya erwua mkpụkpu Gibiya, bụ iya bụ ẹka Sọlu bu; bya epfuaru ndu ono iphe ono. Ẹphe tụko tụshia ụzu-ẹkwa.

1 Sámẹlu 7:6

No iya ẹphe dzukọbeepho lẹ mkpụkpu Mizupa ono; ẹphe kuta mini gbashị l'alị l'iphu Chipfu. Ẹphe swịa ẹgu; nọdu l'ẹka ono pfushikọta iphe-ẹji phẹ sụ: “Anyi mesweakwaru Chipfu.” Ọ bụru Sámẹlu bụ onye-ikpe ndu Ízurẹlu lẹ Mizupa.