Ikpe 2:18 - BAYỊBURU Izii

¹⁸ Ọ nọdu abụjeru teke Chipfu meru g'ẹphe nweru Onye-ikpe; o swiru onye-ikpe ono eswiru; gude onye-ikpe ono dzọtakota phẹ l'ẹka ndu ọhogu phẹ jasụ g'onye-ikpe ono a-nọ-beru ndzụ. Iphe, kparụ iya nụ bụru l'ude, ẹphe atsụje lẹ k'ishi, ndu ono akpapya phẹ; mẹ k'ẹhu, ẹphe anọduje emekpa phẹ; bẹ l'emeje imemini phẹ adụ Chipfu.

Ikpe 2:18 ပူးပေါင်းရင်းမြစ်များ

Mbụlembu 6:6

Ọ bụru aphụ tsọru Chipfu lẹ ya meru nemadzụ lẹ mgboko; tẹme ọ nọdu eghu iya eghu l'ime ọkpoma.

2 Ndu eze 13:4

Jiehowahazu bya epfuru nụ Chipfu; Chipfu ngabẹru iya nchị; kẹle ọ hụmaru g'eze ndu Arámu gude akpaberu ndu Ízurẹlu ẹhu.

Ebvu-ọma 12:5

Obenu lẹ Chipfu byakwanụ eyeru phẹ ọnu bya asụ phẹ: “O rwuakwaru teke ya a-byapfuta unu; kẹle ndu ụkpa bẹ unu kpatashiwaru ẹhu; tẹme ndu adụdu g'ọ dụ phẹ gụnukawa aphụ unu. Nta-a bẹ o rwuwaru teke ya a-gbaru phẹ mkpu ono, ẹphe ele ẹnya iya ono.”

Ebvu-ọma 90:13

Lwanụ azụ jiko Chipfu. ?Ẹgube ọwa-a a-dụ jasụ teke ole? Phụnaaru anyịbe ndu-ozi ngu obu-imemini!

Awụfu 2:24

Chileke nụma ude ono, ẹphe atsụ ono; bya anyata ọgbandzu ẹphe lẹ Ébirihamu; waa Áyizaku; waa Jiékọpu.

Awụfu 3:12

Chileke sụ iya: “Mu e-swiru ngu eswiru. Tẹme waa iphe-ọhubama, ii-gude maru l'ọo mbẹdua ziru ngu ono baa: I -dufutaẹpho ndu ono lẹ Ijiputu bẹ unu a-barụ mụbe Chileke ẹja l'úbvú-a.”

Awụfu 32:14

Noo ya; egomunggo lwa Chipfu azụ; o woru ẹjo iphe-ẹhuka ono, o shi epfu l'oo-gude byapfuta phẹ ono parụ haa.

Hosiya 11:8

“Sụ-a; gụbe Ifuremu; ?dẹnukpoo gẹ mu e-shi haa ngu? Gụbe Ízurẹlu; ?dẹnukpoo gẹ mu e-shi woru ngu ye ndu ọzo l'ẹka? ?Dẹnu gẹ mu e-shi mee ngu gẹ mu meru ndu mkpụkpu Adama? ?Dẹnu gẹ mu e-shi mee ngu gẹ mu meru ndu mkpụkpu Zebowimu? Egomunggo lwaakwaru mu azụ. Ọoguakwa mu agụshi mu ike g'a sụ lẹ mu phụru ngu obu-imemini.

Jiona 3:10

O be teke Chileke hụmaru iphe, ẹphe meru; waa g'ẹphe gude ghakọbe haa eme iphe-ẹji phẹ ono; ọ phụaru phẹ obu-imemini; ọphu o mebyishiẹduru phẹ g'o shi chịa dobe lẹ ya e-mebyishi phẹ.

Ọ́gú 10:9

Teke ọ bụ l'unu eje etso ndu ọhogu unu ọgu l'alị unu; mbụ ndu akpa unu ẹhu; unu gbua opu ono g'ọ dashia ọda ike; k'ọphu Chipfu, bụ Chileke unu a-nyata unu; bya adzọta unu l'ẹka ndu ọhogu unu ono.

Ditoronomi 32:36

Ọ kwa Chipfu a-harụ ndibe iya enge. Ọ bụru iya a-phụru ndu-ozi iya obu-imemini; mẹ ọ -hụmaepho l'ike ta adụedu phẹ mẹ nanụ; mbụ l'ọ tọ dụedu onye ghuduru nụ: ohu mẹ amadụ.

Jioshuwa 1:5

Ọ tọ dụkpodaa onye byaru adụ ike pfuchia ngu ụzo gbiriri jasụ teke ịi-nọ-beru. Ọo ẹgube ono, mu shi swiru Mósisu ono bụ gẹ mu e-swikwaru ngu phọ; ọphu mu abyadụ aha ngu nwẹkinyi ngu; tẹme ọphu mu agwọbekwa ngu.

Ikpe 10:16

Tọbudu iya bụ; ẹphe wofukọta agwa ndu ọhozo ono, ẹphe dobechaaru ono; bya abaaharụ Chipfu ẹja. Aphụ, ndu Ízurẹlu nọ ono rwutabe iya l'ẹhu k'ọphu ọ tọ dụedu ike taa nshi.

Ikpe 11:32

Tọbudu iya bụ; Jiẹfuta bya atụgbua jeshia etso ndu Amọnu ọgu. Chipfu woru phẹ ye iya l'ẹka.

Ikpe 2:19

Teke onye-ikpe ono nwụhuerupho; ẹphe adakọbe; kabaa apharwụshi onwophẹ eme lẹ gẹ nna phẹ meru; mbụ ephozeru agwa abarụ iya ẹja. Ẹphe te ekwedu haa ẹjo-ememe phẹ; ọphu ẹphe ta ahadụru ekwefụru Chipfu ike.

Ikpe 3:9

A nọnyaa; ndu Ízurẹlu raku Chipfu; ọ nụ phẹ onye ndzọta, bụ Ọtuniyelu nwa Kenazu; mbụ Kenazu, bụ nwune Kalẹbu kẹ nwata; ọ dzọta phẹ.

Ikpe 6:12

Ojozi-imigwe, shi l'ẹka Chipfu ono bya achaa Gidiyọnu l'iphu bya asụ iya: “Chipfu nọkwa swiru ngu; gụbe ojọgu, ike dụ.”

Ikpe 6:16

Chipfu sụ iya: “Mu e-swiru ngu-a; mbụ l'ịi-tụko ndu Midiyanu lwụ-kpekọta g'ẹphe bụ onye lanụ.”