Ikpe 17:2 - BAYỊBURU Izii

² Ọ nọnyaepho ọ sụ ne iya: “Ẹkpa mkpọla-ọchaa iri lẹ nanụ ngu ono, e wotajẹrupho; mbụ mu nụmajeru ẹka ịitu onye wotaru iya nụ ọnu ono bẹ bụkwa mu gude iya; mbụ l'ọo mbẹdua bẹ wotaru iya nụ.” Ne iya ono sụ iya: “Gẹ Chipfu kebekwa ngu l'ọma; nwa mu!”

Ikpe 17:2 ပူးပေါင်းရင်းမြစ်များ

Mbụlembu 14:19

Ọ bya agọru ọnu-ọma nụ Ebiramu sụ: “Gẹ Chileke, bụ Ọkalibe-kakọta-shii kebe gụbe Ebiramu l'ọma! Mbụ Chileke ọphu bụ iya meru igwe bya emee eliphe.

Nehemaya 13:25

Mu bya abaarụ phẹ mba tụa phẹ ọnu. O nweru ndu ọphu mu chiru iphe; lashịa phẹ ẹgbushi l'ishi. Mu sụ phẹ g'ẹphe gude ẹpha Chileke ria nte sụ: “Anyi ta abyadụ e-kuta ụnwada anyi kee ụnwu phẹ nwoke; ọphu anyi ta abyadụ alụtaru ụnwu anyi unwoke ụnwada phẹ; ọphu anyi ta alụtadu phẹ k'onwanyi.

Ebvu-ọma 10:3

Iphe, ndu ẹjo-iphe egudeje aba abaa bụ iphe, ẹphe rịru dobe l'obu phẹ. Chileke bẹ ẹphe anọduje epfutọshi; ọ bụchiaru ndu iphe taa asụjeduru asụru bẹ ẹphe anọduje ekutse.

Awụfu 20:7

“Unu te ekujekwa ẹpha mụbe Chipfu, bụ Chileke unu l'ụzo, apfụduru-ọto. Noo kẹle mụbe Chipfu ta ahakwa ndu eme nno; gẹ mu ta nụ phẹ aphụ.

Ẹkwo Ẹtu 28:24

Onye ana nna iya ọzoo ne iya nfụ bya asụ l'ọ tọ dụduro ẹji; bẹ yẹe nwa mmebyi bụkwa iphe lanụ.

Jieremaya 48:10

Onye a tụru ọnu bẹ ọ bụ; mbụ onye gude ẹregede ejeru Chipfu ozi! A tụkwaru onye ono ọnu, bụ onye te egudedu ogu-echi iya egbu ọchi!

Matiyu 26:74

Ọ wata eri angụ sụ gẹ Chileke gbukwaa ya ilu mẹ ọ -bụdu ire-lanụ bẹ ya epfu-a. Sụ: “Mu ta amakwa onye ono, unu epfu opfu iya ono.” Teke onokwaphọ oke-ọku nchi-abọhu raa ọ́rà.

Romu 9:3

Ọoduje mu g'a sụ lẹ mu bụ onye a tụru ọnu; ọphu mu lẹ Kéreshi atụgbaeduru; mẹ ọ -bụru l'ọo iphe ono a-dzọ ndu anyi lẹ phẹ bụ mee lanụ;

1 Kọrentu 16:22

G'onye ete eyeduru Nnajịuphu, bụ Jizọsu Kéreshi obu; bụkwaru onye a tụru ọnu. Marana ta!

Ditoronomi 27:16

“ ‘Mburọnu dụru onye nmarụ nna iya; ọzoo ne iya phulaphula!’ “Ndu Ízurẹlu atụko g'ẹphe ha sụ: ‘G'ọ dụ ẹgube ono-o!’

2 Jiọnu 1:11

L'onye sụru onye ono oshi-adụ bẹ yẹe ya dụkwaa ẹbo gbaru l'ẹjo-iphe, oome.

Ikpe 17:1

Ọ dụru nwoke lanụ, ẹpha iya bụ Mayịka, shi l'alị úbvú úbvú ndu Ifuremu.

Ikpe 17:3

Ọ bya eworu ụnu mkpọla-ọchaa labọ l'ụkporo mkpọla-ọchaa iri l'ise ono nụ-phu ne iya azụ. Ne iya ono sụ: “Mkpọla-ọchaa, shikọta mu l'ẹka bẹ mu tụkowaru doberu Chipfu iche gẹ nwa mu gude iya meta ntẹkpe, a pyịru apyịpyi; waa ọbvu, a kpụru akpụkpu. Ọo ya bụ lẹ nta-a bẹ mu a-nụ-phu ngu iya azụ.”

Ikpe 5:23

Ojozi-imigwe, shi l'ẹka Chipfu sụru: ‘Unu tụa mkpụkpu Merọzu ọnu; mbụ; unu tụa phẹ ẹjo ọnu; kẹle ẹphe ta abyadụru eyetaru Chipfu ẹka l'ọgu; mbụ yetarụ Chipfu ẹka lwụa ndu ike dụ l'ọgu.’

Rutu 3:10

Bówazu sụ iya: “Gẹ Chipfu kebekwa ngu l'ọma; nwada mu. Ree ọphu i meru l'ikpazụ-a kakwa ọphu i mehawaru lẹ mbụ phọ shii; kẹle ị tị kpadụru ishi g'ị gbaru tsoru unwokoro; m'ẹphe nweru iphe-o; m'ọ bụ l'ẹphe daru ụkpa-o.

1 Sámẹlu 14:24

Mbọku ono bẹ ndu Ízurẹlu jeru iphe-ẹhuka; kẹle Sọlu guderu phẹ; nụa phẹ nte sụ: “Onye wotaru nri ria tẹme e rwua l'ụzenyashi bẹ bụakwaa onye a tụru ọnu; mbụ onye ta anọdu kwabẹ jasụ teke mu gwatadaaru ndu ọhogu mu ụgwo iphe, ẹphe meru mu ono.” Ọo ya bụ; ọphu ọ dụdu onye ọphu riru nri.

1 Sámẹlu 14:28

Onye lanụ lẹ ndu ono sụ iya: “Nna ngu gudekwaru anyi; anyi ribua nte sụ: ‘Onye wotaru nri ria ntanụ-a bẹ bụakwaa onye a tụru ọnu!’ Ọo ya meru iphe mba atụshi onyemonye-a.”

1 Sámẹlu 15:13

Sámẹlu jepfuẹpho Sọlu; Sọlu sụ iya: “Gẹ Chipfu gọkwaru ọnu-ọma nụ ngu. Mu meakwaru iphe, Chipfu sụru g'e mee.”

1 Sámẹlu 23:21

Sọlu sụ phẹ: “Gẹ Chipfu gọkwaru ọnu-ọma nụ unu; kẹle unu phụtaru mu.

1 Sámẹlu 26:19

Jiko gẹ gụbe nnajịuphu mu, bụ eze ngabẹnuru nwozi ngu nchị nta. Ọ -bụru l'ọo Chipfu bẹ kpaliru ngu g'ị chịahaa mu nno; g'ọ natakwa ngwẹja. Teke ọbu l'ọo ndiphe bẹ eme iya nụ; g'ẹphe bụkwaru ndu vu ọnu l'atatiphu Chipfu. Nta-a bẹ ẹphe chịfuwaru mu l'echilabọ ndibe Chipfu. Ẹphe sụ gẹ mu je ejeahaaru agwa ọzo ozi!