Ikpe 16:4 - BAYỊBURU Izii

⁴ Tọbudu iya bụ; a nọnyaepho; ọ bya eje eyee nwanyị, bu lẹ nsụda Sorẹku obu. Ẹpha nwanyị ono bụ Delayila.

Ikpe 16:4 ပူးပေါင်းရင်းမြစ်များ

1 Ndu eze 11:1

Noo ya; Sólomọnu bya eyee igwerigwe ụnwanyi ndu ọhozo obu. O je alụshia ụnwanyi, shi Mówabu; mẹ Amọnu; mẹ Edọmu; mẹ Sayịdonu; waa Hetu; yekọberu nwada Fero phọ, ọoluhawaa phọ.

Nehemaya 13:26

?Tọ bụnaa k'ụnwanyi, dụ nno bẹ Sólomọnu, bụ eze ndu Ízurẹlu gude mee iphe-ẹji tọo? L'ọhamoha bẹ ta adụkwa eze ọzo, dụ gẹ yẹbedua. Tẹme ọ bụru onye Chileke iya yeru obu; Chileke mee ya g'ọ bụru eze ndu Ízurẹlu l'ophu. Obenu l'ọo ụnwanyi ọhozo bẹ kpatalẹru-a o mee iphe-ẹji.

Ẹkwo Ẹtu 22:14

Ọnu nwanyị ovuọba bụkwa iduma, dụ wukirima. Ọ bụru onye Chipfu atukoshi oke ẹhu-eghu iya a-daba iya.

Ẹkwo Ẹtu 23:27

Kẹle nwanyị-ovuọba bụkwa iduma, dalahụru tukirima. Nwanyị, eme ẹji bụru obvu, tụru ẹnu omilomi.

Ẹkwo Ẹtu 26:11

Ọo gẹ nkụta anwajẹ ẹnwa laphu azụ je erichaa ya-a bụ g'onye eswe abụjeru: o -mechaa rigbarigba l'ọ laphu azụ je emephu iya azụ.

Ẹkwo Ẹtu 27:22

Ọ tọ dụkwa m'obeta ị tsụa onye-eswe l'ikwe; mbụ gude ọ́dzú gwee ya g'onye egwe ereshi; i tii mekwa g'ọ haa eme-eswe.

1 Kọrentu 10:6

Sụ-a; iphemiphe ono tụkokwaru bụru iphe, alọ anyi ẹka lẹ nchị g'anyi gude kwaa ẹnya; g'ẹgu eme ẹjo-iphe ta agụjeshi anyi g'ọ gụru ndu ono.

Ikpe 16:3

Samụsinu zẹ l'ẹka ono jeye l'echilabọ abalị. Ọ gbẹ teke ono gbalihu je aphọkata mgbo-ọguzo, e yeru l'ọnu-abata mkpụkpu ono; phọkatachaa yẹe itso labọ, e gude yee ọguzo ono; mbụ phọta mẹ mgbo-ígwè g'ọhakota dẹe l'ukuvu. O vutakọta iya je enyihu mkpakpọnu úbvú ono, nọ gha iphu lẹ mkpụkpu Hẹburonu ono.

Ikpe 16:5

Ndu-ishi ndu Filisitayinu bya ejepfu nwanyị ono je asụ iya: “Dejibekpọe ya phọ g'o goshi ngu ẹka ọkpehu iya ono, parụ ẹka ono nọkpoo; dekwaa ya phọ g'ọ karụ ngu g'anyi e-shi gude iya kee ya ẹgbu; bya akapyabẹ iya.” Ẹphe sụ nwanyị ono l'ẹphe a-nụchaa ya ẹkpa mkpọla-ọchaa iri lẹ nanụ l'ẹhu l'ẹhu.