Ikpe 13:18 - BAYỊBURU Izii

¹⁸ Ojozi-imigwe kẹ Chipfu ono sụ iya: “?Bụ gụnu kparụ iphe, ịiji mu iphe, mu aza? Ẹpha mu dakikwaru uche amadụ.”

Ikpe 13:18 ပူးပေါင်းရင်းမြစ်များ

Mbụlembu 32:29

Jiékọpu sụ iya: “Jiko; kọnaaru mu ẹpha ngu.” Ọ sụ iya: “?Bụ gụnu meru iphe, ịikpa ishi ẹpha mu?” Ọ gọru ọnu-ọma nụ Jiékọpu l'ẹka ono.

Mbụlembu 32:30

Ọo ya bụ; Jiékọpu gụa ẹka ono Peniyẹlu sụ: “Noo lẹ mu hụmaru Chileke iphu l'iphu; bya anọdukwadu ndzụ.”

Nehemaya 9:5

Ndu Lívayi, bụ Jieshuwa; mẹ Kadụmelu; mẹ Bani; mẹ Hashabuneya; mẹ Sherebaya; mẹ Hodaya; mẹ Shebanaya; mẹ Petahaya bya asụ: “Unu gbalihu jaa Chipfu, bụ Chileke unu ajaja; mbụ onye ono, shi l'ojejoje nọdu ndzụ; tẹme o je a-nọ jasụ l'ojejoje ono.” G'a jakwaa ẹpha ngu ono, dụ akpabiri ono ajaja; mbụ ẹpha ngu ono, daghataru ajaja, aaja iya; bya adaghata ekele, eekeleje iya ono.

Awụfu 23:21

Unu ngabẹjeru ojozi-imigwe ono nchị; mee iphemiphe, ọ sụru g'unu mee. Unu te kwefukwaru iya ike; kẹle ọ tọo gụkwaru unu nvụ; eshinu ọ bụ ẹpha mu bẹ o gude eje.

Azáya 9:5

Akpọkpa ndu ojọgu g'ọ ha, e gude lwụa ọgu; mẹkpoo iphe, bụ uwe, a rwaphuru lẹ mee bẹ bụ iphe, e doberu k'akpọ ọku; mbụ l'ọo-dụ gẹ nkụ, e gude aphụ-nwu ọku;

Azáya 9:6

kẹle a nwụru anyi nwaswa; mbụ l'a nụru anyi nwa nwoke. Ọ bụru iya bụ onye a-bụru onye-ishi. Iphe, aa-nọdu eku iya bụ “Onye mkpozi-ụzo, dụ biribiri”; yẹe “Chileke, bụ Ọkalibe-Kakọta-Ike”; waa “Nna-ojejoje”; waa “Onye-ishi, eme gẹ nchị dụ doo”.

Ikpe 13:6

Tọbudu iya bụ; nwanyị ono tụgbua je epfuaru ji iya sụ iya: “Onye kẹ Chileke byapfutakwaru mu. Ọ dụepho akpabiri g'ojozi-imigwe kẹ Chileke. Ọle mu ta jịkwanuru iya ẹka o shi; ọphu ọ kọkwanuru mu ẹpha iya.