Ikpe 12:6 - BAYỊBURU Izii

⁶ Ẹphe asụ iya: “Ọ dụ ree; pfuẹdukwa: ‘Shiboletu.’ ” Ọ nọdu abụjeru; onye jeru iya ekuku; o -kuswee ya kua ya “Siboletu”; ẹphe egude iya woru gbua l'ẹka ono, eerwuje ẹnyimu Jiọ́danu erwurwu ono. Lẹ teke ono bẹ e gburu ndu Ifuremu, dụ ụkporo ụnu nemadzụ ise l'ụnu ise.

Ikpe 12:6 ပူးပေါင်းရင်းမြစ်များ

Ebvu-ọma 69:15

B'ekwekwa g'utso ria mu! B'ekwekwa gẹ mu darwua ọhu-mini! Ọphu iikwekwa g'e lia mu lẹ ndzụ!

Ebvu-ọma 69:2

Mu emiwa emimi emiba l'ẹpuchi; ẹka adụdu iphe, kọbe nvọ, dụ iya nụ. Mu darwuwaru ọhu-mini; utso woru mu ria.

Ẹkwo Ẹtu 17:14

Awata aba mba dụ g'egbuha nggele, e gbuchiru egbuchi. Ọo ya bụ lẹ-a; haa opfu tẹme ụswo abata iya.

Ẹkwo Ẹtu 18:19

Arwọ-buta nwune ngu, i mesweru kakwa ẹhuka eme l'alwụ ọgu lwụta mkpụkpu, kpọru akpaa. Tẹme opfu, gụ lẹ nwune ngu ese dụkwa g'e gude ígwè kpaa ọguzo yechia ọnu-ụlo, a kpụshiru ike.

Oziphe 10:12

Opfu, shi onye maru iphe l'ọnu emeje g'a kwabẹ iya ùbvù. Obenu l'onye-eswe bụ iphe, o pfutaru l'ọnu egbuje iya.

Azáya 27:12

O -rwua mbọku ono bẹ Chipfu e-shiẹpho l'ọnu ẹnyimu Yufurétisu tụtukoo ndibe iya g'onye atụtushi ẹswa l'ereshi; gbiriri jasụ lẹ nggele Ijiputu. Mbụ l'unubẹ ndu Ízurẹlu bẹ aa-nọdu atụtukọbe nanụnanu.

Matiyu 12:25

Jizọsu maẹrupho iphe, ẹphe arị bya asụ phẹ: “Alị-eze -keha ẹbo; seahaa opfu bẹ ọ bụakwaa ọla-l'iswi. Nokwaphọ g'ọo-dụ unuphu; ọzoo mkpụkpu, keharu onwiya ẹbo.

Matiyu 26:73

A nọepho nwanshịi; ndu pfụgbaaru lẹ mgboru ẹka ono bya bya asụ Pyịta: “Ta agọshi ẹgo l'ị yịchaa ya-a; olu-opfu ngu gbawaru ngu ama.”

Maku 14:70

Pyịta gọfukwa ọzo. Ọ nọepho nwanshịi; ndu pfụgbaru lẹ mgboru ẹka ono sụ Pyịta: “Ị yịchaa ya-a. ?Tị bụdu onye Gálili?”

Galeshiya 5:15

Obenu teke ọ bụ l'unu atakashi nwibe unu ẹru bya anmabushi nwibe unu anụ; unu letakwa ẹnya a -nọnya unu tụko onwunu taẹbe.

Ikpe 12:5

Ndu Giladu je akwachishichaa ẹka eerwuje erwurwu l'ẹnyimu Jiọ́danu lụfu lẹ mkpụkpu Ifuremu. Ọ nọdu abụjeru teke onye Ifuremu, nahụru nụ gbarwutaru l'ẹka ono; ọosu phẹ: “Gẹ mu ghataẹshikwa.” Ndu Giladu ono ajịa ya sụ iya ?Ị bụ onye Ifuremu? Teke onye ọbu sụru: “Waawaa.”

Ikpe 12:7

Noo ya; Jiẹfuta ono, bụ onye Giladu ono; bụru onye-ikpe ndu Ízurẹlu apha ishii. Ọ nwụhu; e lia ya lẹ mkpụkpu lanụ, nọ l'alị Giladu ọbu.