Ikpe 11:2 - BAYỊBURU Izii

² Unyomu Giladu bẹ nwụshiru iya ụnwu. O be teke ụnwegirima unyomu iya ono byaru evushichaa; ẹphe chịfu Jiẹfuta sụ iya: “I tii ketakwa oke l'unuphu ibe anyi; kẹle ọo nwanyị ọzo bẹ nwụru ngu nụ.”

Ikpe 11:2 ပူးပေါင်းရင်းမြစ်များ

Mbụlembu 12:10

Tọbudu iya bụ; eze ẹgu wata ememe l'alị onoya; Ebiramu phẹ lashịa alị Ijiputu g'ẹphe je ebutọta l'ẹka ono; noo kẹle ẹgu ono eme shii.

Mbụlembu 21:10

Ọ sụ Ébirihamu: “Jekwa achịfu nwanyị-a, bụ ohu-a yẹle nwa iya; noo kẹle nwa nwanyị ono, bụ ohu ono; yẹle nwa mu, bụ Áyizaku ta agbakwarụ mgba l'ẹku ngu.”

Ẹkwo Ẹtu 2:16

Ọo-dzọkwa ngu phọ l'ẹka nwanyị-ovuọba; mbụ l'ẹka nwanyị-ụkpara yẹle opfu ẹrengete iya.

Ẹkwo Ẹtu 5:20

?Dẹnu g'ọ nwụru umere nwanyị, eme ẹji anọduje agba ngu igiri; nwa mu? ?Dẹnu g'o gude ọ bụru ụtapfu nyee onye ọzo bẹ ịinoduje arwaphu onwongu?

Ẹkwo Ẹtu 5:3

Kẹle opfu, shi nwanyị, eme ẹji l'ọnu bẹ anọduje atsọ gẹ manụ-ẹnwu; mbụ l'ọokwo tẹretere gẹ manụ-ụrwazi.

Galeshiya 4:30

Ọle ?bụ gụnu bẹ ẹkwo-opfu Chileke pfuru? Ọ sụru: “Chịfukwa ohu yẹe nwa iya; kẹle nwa, shi l'ohu bẹ yẹe nwa, amadụ nwụru taa gbakwarụ mgba eke iphe nna phẹ.”

Ditoronomi 23:2

“G'ọ tọ dụkwa onye a gbatarụ l'ụkpara; abatajẹ l'ẹka ndu kẹ Chipfu dzukọberu. Ọphu oshilọkpa iya; mbụ je eyee l'ọgbo k'iri abatajẹkwa l'ẹka ndu kẹ Chipfu dzukọberu.

Ikpe 11:1

Jiẹfuta, bụ onye Giladu bẹ bụ onye ojọgu ike dụ; ọle ọ bụ nwatibe nwanyị ụkpara. Nna Jiẹfuta bẹ bụ Giladu.

Ikpe 11:3

Tọbudu iya bụ; Jiẹfuta gbafụru unwune iya ono gbaru lashịa alị Tobu je eburu. O buru l'ẹka ono; ndu ọgalemkpa wụ-pfuta iya bya etsoahaa ya.