Ikpe 10:7 - BAYỊBURU Izii

⁷ Oke ẹhu-eghu Chipfu dapfuta nụ ndu Ízurẹlu. Chipfu nwuru phẹ ye ndu Filisitayinu waa ndu Amọnu l'ẹka.

Ikpe 10:7 ပူးပေါင်းရင်းမြစ်များ

Ebvu-ọma 44:12

I wowaru ndibe ngu reshia ọ-dụ-l'urwu; k'ọphu bụ l'ọ tọ dụdu urwu, i ritaru l'ishi phẹ.

Ebvu-ọma 74:1

Gụbe Chileke; ?dẹnu g'o gude ị jịka anyi jasụ l'ojejoje? ?Dẹnu g'o gude oke ẹhu-eghu ngu nọdu akpụ tụutuutuu l'iphu igwe atụru, iiche echeche?

Azáya 50:1

Wakwa iphe, Chipfu epfu: ?Dẹnu ẹkwo, mu deru nụ ne unu gude chịfu iya-a? Tọo ?bụ ndu mu ji ụgwo onye ole bẹ mu woru unu ree? Ọ kwa iphe-ẹji unu kpatarụ iphe, mu gude woru unu ree. Ọ bụru ẹjo-ememe, unu eme meru g'o gude a chịfu ne unu.

Nahumu 1:2

Chipfu ekokwa okophoo. Mbụ lẹ Chipfu emelatajẹkwa iphe, e meru iya. Sụ-a; Chipfu emelatajẹkwa iphe, e meru iya; tẹme ẹhu nọdu eghushije iya eghu ike. Chipfu emelatajẹkwa ndu achị iya lẹ njọ iphe, ẹphe meru; tẹme ọ nọdu ewojeru oke ẹhu-eghu iya tụ-koshi ndu ọhogu iya.

Nahumu 1:6

?Bụ onye a-dụ ike pfụru l'iphu iya mẹ ẹhu nọdu eghushi iya eghu ike? ?Bụ onye a-dụ ike pfụru l'okpomọku, dụ l'oke ẹhu-eghu iya? Oke ẹhu-eghu iya adụje g'onye e kpuru ọku; mbụ lẹ mkpuma agbajẹ yọgiri yọgiri l'iphu iya.

Ikpe 10:8

Ẹphe mekpaa phẹ ẹhu; gwee phẹ arakabya l'apha ono. Apha iri l'ẹsato bẹ ẹphe mekpakọtaru ndu Ízurẹlu, bukọta l'ụzo ẹnyanwu-awawa ẹnyimu Jiọ́danu ẹhu; mbụ l'alị Giladu, nọ l'alị ndu Amọru.

Ikpe 13:1

Ndu Ízurẹlu bya emee iphe-ẹji l'ẹnya Chipfu ọzobaa. Ọo ya bụ; o nwuru phẹ ye; ẹphe nọo ndu Filisitayinu l'ẹka ụkporo apha labọ.

Ikpe 2:14

Tọbudu iya bụ; oke ẹhu-eghu Chipfu dapfuta ndu Ízurẹlu; o woru phẹ ye l'ẹka ndu ọ-lwụa-ọlaa; ẹphe lwụa phẹ alwụlwu. O nwuru phẹ nụ ndu ọhogu phẹ, bupheru phẹ mgburugburu, bụ ndu ẹphe ta adụedu ike wọtaba ọgu ọzoba.

Ikpe 4:2

Chipfu woru phẹ ye Jiabinu, bụ eze ndu Kénanu l'ẹka. Ẹka ọ nọ bụru eze bẹ bụ lẹ mkpụkpu Hazọ. Onye-ishi ndu ọhogu iya bụru Sizera, onye bu lẹ mkpụkpu Haroshetu-Hagoyimu.

Ikpe 6:1

Ndu Ízurẹlu mekwa ẹjo-ememe l'iphu Chipfu ọzo. Chipfu woru phẹ yee ndu Midiyanu l'ẹka; ẹphe nọo phẹ l'ẹka apha ẹsaa.