Ikpe 10:14 - BAYỊBURU Izii

¹⁴ Unu tụgbua jenụ araku agwa, bụ ọphu unu hatarụ g'ẹphe bya adzọta unu teke unu nọ l'iphe-ẹhuka!”

Ikpe 10:14 ပူးပေါင်းရင်းမြစ်များ

2 Ndu eze 3:13

Elayịsha sụ eze ndu Ízurẹlu: “?O nweru iphe, mu lẹ ngu jigba tọo? Jepfu ndu mpfuchiru ono, nna ngu; mẹ ne ngu shi ejepfuje ono.” Eze ndu Ízurẹlu sụ iya: “Waawakwa. Ọ kwa Chipfu kukọbewaru anyịbe ndu eze ẹto-a g'ọ chịru anyi ye ndu Mówabu l'ẹka.”

Azáya 10:3

?Bụ gụnu bẹ unu e-me mbọku Chileke abya unu agbaphe; mbụ mbọku, mkpurupyata e-shi ụzenya bya? ?Bụ onye bẹ unu a-gbapfu g'ọ dzọo unu? ?Bụ awe bẹ unu a-ha ẹku unu?

Azáya 46:7

Ẹphe apata iya tụa l'ukuvu phẹ parụ iya tụgbua. Ẹphe eje eworu iya kpọbe l'ẹka ọo-nọdu. Ọ bụru ẹka ono, a kpọberu iya ono bẹ oo-kpọru. Ọ tọ byadu eshi l'ẹka ono, a kpọberu iya ono kpịriberu. Teke nemadzụ byaru bya echiku iya lẹ mkpu; ọ tọo zadụ iya ẹnu. Ọphu ọ dụdu ike adzọta iya l'iphe-ẹhuka, byaru iya nụ.

Azáya 57:13

Gẹ ribaribariba ọbvu ono, unu gwọshiru dobe ono dzọwaro unu! Ọo phẹrephere a-tụko g'ẹphe ha pata pafụ; mẹ unu -wata o-ji-l'ẹka-tọgbo. G'ọ bụ phẹrephere a-tụko iya pata paphua; mbụ l'ọo unme, a tụru atụtu a-patakọta iya paphua apaphu. Obenu l'onye gbabarụ l'ime mu je anọdu ezeru ndzụ bụ alị-a l'a-bụru okiphe iya; tẹme l'ọ bụru iya e-nweru úbvú, dụ nsọ mu onoya.”

Jieremaya 2:28

“?Dẹnuhunu agwa ọbu, unu gwọshiru onwunu ọbu? G'ẹphe byanụ mẹ ọ -bụru l'ẹphe a-dzọta unu mẹ unu -nọdu eje iphe-ẹhuka; kẹle ọo g'unubẹ ndu Jiuda nweberu mkpụkpu igwerigwe bụ g'agwa unu dụ-be igwerigwe.

Ezekẹlu 20:39

“ ‘Wakwa iphe, Nnajịuphu, bụ Chipfu epfu baa: Unubẹ ndu Ízurẹlu; g'onyenọnu lẹ g'unu ha jekpọwaro agwaa nshi iya. Ọle unu e-mechakwana ngabẹru mu nchị; nụma iphe, mu e-pfuru unu; unu aparu egwephe ẹja haa; mbụ ẹja ono, unu gude apharwụshi ẹpha mu, dụ nsọ apharwụshi ono.