Ikpe 1:6 - BAYỊBURU Izii

⁶ Adoni-Bẹzeku ye ọkpa l'ọso. Ẹphe chịa ya gude; bushia ya mkpụshi-ẹka ezekẹka waa mkpụshi-ọkpa ezekọkpa.

Ikpe 1:6 ပူးပေါင်းရင်းမြစ်များ

Ẹsuta 8:12

Mbọku, a tụru ọnu gẹ ndu Jiu mee iphe ono l'iphe, bụkpoo ọhamoha, nọ l'alị-eze Kuzakusẹsu; bụ mbọku, ọnwa k'iri l'ẹbo, bụ iya bụ ọnwa Ada a-dụ l'abalị iri l'ẹto.

Ebvu-ọma 107:40

Mbụ onye ono, ewodajẹ ndu a maru ẹpha phẹ alị; woru phẹ mee; ẹphe ghapheahaa l'alị, dabyiru iphoro, adụdu gbororo, dụ iya nụ.

Ebvu-ọma 149:8

Tẹme ẹphe egudekwa iya phọ tụa ndu eze phẹ ẹgbirigba; mbụ tụa ndu nweru ẹnya mkpọro.

Ebvu-ọma 59:11

Be gbukwa phẹ egbugbu gụbe Chipfu, bụ onye mgbobuta anyi! Ọdumeka bẹ ndibe anyi a-zọhakwa iya. Gudechia ike nkengu chịkashia phẹ! Mee phẹ; mekpee phẹ!

Awụfu 14:26

Ọo ya bụ; Chipfu sụ Mósisu g'ọ machịa ẹka maa l'eze-ẹnyimu ono gẹ mini ono bya asọ-kpute ndu Ijiputu; waa ụgbo-ịnya phẹ; waa ndu agba l'ịnya phẹ.

Awụfu 21:24

g'ẹnya laaru ẹnya; eze alaaru eze; ẹka alaaru ẹka; ọkpa alaaru ọkpa.

Awụfu 29:20

l'i gbua ya; harụ mee ya meta; tee Erọnu; yẹe ụnwu iya l'atakpa-nchị ẹkutara; waa lẹ mkpụshi-ẹka ezeke-ẹka ẹkutara; waa lẹ mkpụshi-ọkpa ezeke-ọkpa ẹkutara. L'i woru mee ono phedzuru lẹ mgburẹku ọru-ngwẹja ono mgburugburu.

Jieremaya 34:17

“Ọo ya bụ lẹ-a; wakwa iphe, Chipfu epfu baa: ‘Unu te emekwaru iphe, mu sụru g'unu mee. Unu ta arakwaru iya arara sụ gẹ ndu alị unu nweru onwophẹ. Ọo ya bụ lẹ-a; nta-a bẹ mu arawa iya arara l'unu e-nweru onwunu; ọ kwa Chipfu epfu iya. Enweru onwunu ọbu bụ l'ee-gude ogu-echi gbua unu; ẹjo iphe-ememe egbua unu; ẹgu egbua unu. Mu e-me unu gẹ ndu alị-eze, nọkota lẹ mgboko l'ophu sọo unu oyi.

Jieremaya 50:15

Unu chi mkpu-ọgu kpu iya ẹka ẹbo ẹbo! Ike bvụwaru iya; mkpoli, ọ tụru k'ọgu ọbu dakọtawaru! E nwukpọshiwa igbulọ, nọ-pheru iya mgburugburu. Eshinu iphe-a bụ emelata bẹ Chipfu emelata; unu melata iya iphe, o shi emeje! Unu mee ya iphe, o shi emeje ndu ọzo!

Jioshuwa 15:16

No iya; Kalẹbu sụ: “Onye -gbẹshikpowaru je alwụa ndu Kiriyatu-Sefa lwụta; mu ekee onye ọbu nwatibe mu, bụ Akụsa g'ọ lụru.”

Ikpe 1:5

Ọ bụru lẹ mkpụkpu Bẹzeku ono bẹ ẹphe hụmaru Adoni-Bẹzeku; bya etsokwaa ya phọ ọgu. Ọ bụru iya bụ l'ẹphe alwụ-kpee ndu Kénanu waa ndu Pẹ́rezu.

Ikpe 1:7

No iya; Adoni-Bẹzeku sụ: “Ụkporo ndu eze ẹto lẹ ndu eze iri, e bushiru ezekẹka mẹ ezekọkpa shi atụtuje ẹkputara lẹ mkpula teburu mu. Nta-a bẹ Chileke pfụwaru mu ụgwo iphe, mu meru phẹ.” Ẹphe kpụru iya jeshia Jierúsalẹmu; ọ bụru l'ẹka ono bẹ o mechaarụ nọdu nwụhu.