Hosiya 7:4 - BAYỊBURU Izii

⁴ G'ẹphe hakọta erikọta ogori. Oonwu phẹ phuruphuru l'ẹhu g'ọku-epfu, a phunwuru ọ nọdu enwu phoophoophoo; ọphu onye gheberu iya bụredi enwezidu iya ọku enwezi e -shi teke ọ watarụ àphà ụtu buredi ono jasụ l'o kòghee.

Hosiya 7:4 ပူးပေါင်းရင်းမြစ်များ

Jieremaya 23:10

Alị ẹka-a l'ophu bụ iphe, jiru iya nụ bụ ndu eri ogori. Ọ bụru ọnu, a tụru meru g'o gude alị ẹka-a nọdu l'aphụ. Ẹka anụ akpajẹ nri l'echiẹgu kpọhu jegiri jegiri. Ndu mpfuchiru nọdu eme ẹjo-iphe; tẹme ẹphe nọdu eme ike phẹ g'ọ gbadụru.

Jieremaya 9:1

Ọ dụ g'a sụ l'ishi mu bụ nggele, mini shi asọshihu. Ẹnya mu bụru ẹka ẹnya-mini futaru! Mu gege anọduepho ara ẹkwa eswe l'ẹnyashi k'egbushi, eegbushi ndibe anyi.

Jieremaya 9:2

Ọ dụ g'a sụ lẹ mu nweru ẹka ndu ije akwajẹ l'echiẹgu; mẹ mu ahaẹpho ndibe anyi; mbụ tụgbukpoepho lụfuru phẹ; kẹle ẹphe erikọta ogori g'ẹphe ha; ndu kụru l'ẹka ono bụkota ndu egudedu ire phẹ ẹka.

Hosiya 4:10

Ẹphe e-rije nri ria ria ria; o too jidu phẹ ẹpho. Ẹphe agbaa ụkpara gbaa gbaa gbaa; ẹphe taa kadụ shii eje; kẹle ẹphe parụ Chipfu haa.

Hosiya 4:12

Ndibe mu wata eje l'ajị l'oshi, a pyịru ayịpyi. Ọ bụru ntẹkpe, a pyịru l'oshi watarụ phẹ epfuru iphe, ẹphe e-me. Ọ bụru agba ụkpara dutaru phẹ duphua. Ẹphe bya abụru ndu dụ ghẹlegheleghele l'iphu Chileke.

Hosiya 4:2

Iphe, dụ iya nụ bụepho mburọnu; yẹe adzụ ụka; waa egburu ọchi; waa iphuru; wafụa eri ogori. Mbụ l'ẹphe tụkokpooru iphe, a sụru g'e be mejeshi emekọta. E -gude l'e gburu ọchi l'eegbukwasẹ iya ọzo.

1 Kọrentu 5:6

Sụ-a; ekuku, unu eku onwunu ta adụkwa ree. ?Unu ta amadụ l'ọo nwọchileka iphe, ekoje buredi bẹ asụjeru ekoli ishi buredi ophu?

Jiemusu 4:4

Unubẹ ụnwanyi mẹ unwoke, eri ogori ono; ?unu ta amadụ l'onye yẹe iphe-ụtso, dụ lẹ mgboko-a eshi ọ̀nyà bụwaa onye ọhogu Chileke? Ọo ya bụ l'ọ tọ dụdu m'obeta ọ bụru onye dụ ịdagha hatarụ g'ẹphe lẹ ndiphe shiru ọ̀nyà; onye ono emekwa onwiya onye ọhogu Chileke.