Hosiya 7:2 - BAYỊBURU Izii

² Ọphu ẹphe anyatajẹdu l'ẹjo-ememe, ẹphe emekọta bẹ mu nyatakọtaru. Iphe-ẹji phẹ nọ-phewaru phẹ mgburugburu. Ọodujeepho l'iphu mu tekenteke.”

Hosiya 7:2 ပူးပေါင်းရင်းမြစ်များ

Jiobu 34:21

“Sụ-a; ẹnya Chileke tụkokwaru iphe, ndiphe eme hụmakota; tẹme ọ nọdu ahụmakotaje ẹka ẹphe zọru ọkpa.

Ebvu-ọma 10:11

Ẹphe arịje lẹ Chileke zọhakotawaru iphe, ẹphe meru; mbụ lẹ Chileke ghawarụ okotazụ; ọphu ọ byaẹdu aghaba ẹnya l'azụ hụma iphe ono, ẹphe meshiru ono.

Ebvu-ọma 25:7

Ta nyatakwa iphe-ẹji, mu meshiru l'okorọbya; ọphu ị nyatakwa lẹ mu shi kwefuru ngu ike. Gude kẹle i yeru mu obu nyata mu rọ; kẹle ị dụ ree Chipfu.

Ebvu-ọma 50:22

“Unu ngabẹ nchị l'iphe-a, mu abya epfupfu-a; unubẹ ndu zọharu mụbe Chileke! Ọdumeka mu alajashịa unu iphiriba iphiriba; l'ẹbe abụ l'ọ dụru onye sụru unu anafụta.

Ebvu-ọma 9:16

Iphe, e gude maru Chipfu bụ g'oogudeje ekpe ikpe. Ndu ẹjo-iphe egudeje ẹjo-ememe, ẹphe eme gbabẹru onwophẹ ọ́nyà dalahụ.

Ebvu-ọma 90:8

Ẹjo-iphe, anyi meshiru bẹ ị kpọru giriri l'iphu ngu. Ị bya atụko iphe-ẹji, anyi meru lẹ mpya mee; ọ dabyikọtaru ẹba l'atatiphu ngu.

Azáya 1:3

Eswi makwarụ onye nwe iya nụ. Nkapfụ-ịgara bya amaru iphe, onye nwe iya nụ eyejeru iya nri; obenu lẹ ndu Ízurẹlu ta adụdu ọphu ẹphe maru; mbụ lẹ ndu ono, bụ ndibe mu ono bẹ iphe edoduru ẹnya.”

Azáya 26:16

Mbụ-a Chipfu; ọ kwa ngu bẹ ẹphe gbapfutaru teke iphe atsụ phẹ l'ẹhu. Teke ịihù phẹ ahụ̀hù bẹ ẹphe tụkoru wata ngu araku.

Azáya 44:19

Ọphu ọ dụdu onye ọphu asụje gẹ ya rịa ọriri. Mbụ ọphu ọ dụdu onye ọphu iphe edoje ẹnya kẹ g'ọ sụ: “Nta bụ iphe-a, mu hatarụ ye l'ọku-a; bya egude icheku iya ghee buredi-a; bya egude iya hụa anụ taa-a; bụ ọphu phọduru nụ bẹ mu e-gude mee ẹbyi ?Bụ kpukurukpu bẹ mu a-wata ephozeru?”

Azáya 5:12

Ẹgube ndu ono egudeje une; mẹ ogelenda akụ l'ẹka ẹphe abọ iphe. Ẹphe egbu opu; aphụ ụpyi; angụshi mẹe. Ọle ẹphe ta akpadụ ishi iphe, Chipfu eme; ọphu ẹphe akwabẹdu ozi, o gude ẹka iya jee ùbvù.

Jieremaya 14:10

Wakwa iphe, Chipfu epfu l'opfu ẹhu ndu-a: “Iphe, adụje phẹ ree shii bụ aghaphe. Ẹphe te esedejedu ọkpa phẹ. Ọo ya bụ lẹ mu taa natadụ phẹ. Ọo nta-a bẹ ọobya anyata ẹjo-iphe ono, ẹphe megbabẹru ono; bya ahụ̀a phẹ ahụ̀hù k'iphe-ẹji, ẹphe meru.”

Jieremaya 16:17

Kẹle mu gude ẹnya mu ahụmakota iphemiphe, ẹphe eme; ọ tọ dụdu ọphu eedomiru mu edomi; ọphu ẹphe eemedu ẹjo-ememe gẹ mu ta ahụma iya.

Jieremaya 17:1

“Iphe-ẹji, ndu Jiuda meru bụkwa iphe, e meru l'ígwè bẹ e gude kàá ya àkàkà; bya e gude iphe tụpyiru zịnguzingu dee iphe l'okwekpu ono, bụ obu phẹ; bya ede iphe lẹ mpu iphe, nọgbaa l'ẹnya ẹka ẹphe agwajẹ iphe.

Jieremaya 2:19

Ẹjo-iphe, iime bụkwa iya e-mechaa hụ̀a ngu ahụ̀hù. Ọ bụru azụ ono, ịila ono a-gbọru ngu ụja. Rịnaa ya arịri maru g'ọ dụ-beru ngu ẹji waa g'ọotsu-beru ngu l'ẹhu g'ị jịkaru Chipfu, bụ Chileke ngu; ọphu ịitsudu iya ebvu ililekpọo. Nokwa iphe, Nnajịuphu epfu bụ ono; mbụ Nnajịuphu, bụ Ọkalibe-Kakọta-Ike.”

Jieremaya 32:19

iphe, ị chịru idzu ememe bẹ ha shii; tẹme iphe, iime ememe paa ẹka. Ị sarụ ẹnya hụmagbua iphemiphe, nemadzụ eme. Ị nọdu ebuje onyemonye nggo g'iphe, o meru gbaru; yẹe iphe, o metaru.

Jieremaya 4:18

“Ọ kwa umere ngu; yẹe iphe, i gude ẹka ngu meta bẹ lọtaru iphe-a kobe ngu. Ọwaa bụkwa iphe, bẹ eechi ngu. Oomeshikwa ẹhuka ike; tẹme ọ nọdu alọ ẹka lẹ meji!”

Jieremaya 44:21

“Ọ -bụru k'ụ̀nwù-isẹnsu ono, unu shi anọduje akpọ ọku l'ọma mkpụkpu Jiuda ono; mẹ l'ọma gbororo Jierúsalẹmu ono; mbụ unubẹdua; yẹe nna unu phẹ ono; ndu eze unu phẹ; yẹe ndu-ishi unu phẹ; yẹe ndu alị-a l'ophu; Chipfu ?tọ nyatadụru iya tọo? ?Tọo batajẹdu iya l'egomunggo tọo?

Ezekẹlu 21:29

“A makwarụ-a l'a phụjeru unu ọphulenya iphoro; bya agbajẹwaru unu ẹja, bụ ụka bẹ a dzụshiru unu. Iphe ono g'ọ ha bẹ aa-gakọ nyabẹ ndu ẹjo-iphe l'olu; mbụ ndu ono, ee-gude ogu-echi gbushia ono. Mbụ ndu ono, mbọku, aa-nụ phẹ chịipfuu nụ-rwua phẹ iya l'ishi rwuwaru ono.

Hosiya 12:2

Chipfu nwekwarụ opfu, adaru yẹe ndu Jiuda; mbụ l'ọo-hụ̀ oshilọkpa Jiékọpu ahụ̀hù ẹjo-iphe, ẹphe eme; pfụa phẹ ụgwo g'ẹphe eme.

Hosiya 4:9

Ọo ya bụ lẹ g'ọo-dụ bụ l'ọo g'e meru ndu nemadzụ mmanụ bụ g'ee-me ndu bụ uke. Mu a-tụko ẹphenebo nụa aphụ iphe, ẹphe eme; pfụa phẹ ụgwo iphe, ẹphe meru.

Hosiya 6:2

A -nọepho ujiku labọ l'ọ bya emee g'anyi jakerehu ọzo. O -rwua ujiku k'ẹto l'o dophu anyi azụ l'ọnodu anyi; k'ọphu anyi e-buru eburu l'iphu iya.

Hosiya 8:13

Ẹphe -gwaa iphe, e gude bya mu anụnu; ẹphe eworu anụ iya taa l'onwophẹ; obenu lẹ Chipfu bẹ iphe, ẹphe eme adụdu ree. Nta-a bẹ ọo-nyata ẹjo-iphe, ẹphe eme; hụ̀a phẹ ahụ̀hù k'iphe-ẹji phẹ. Mbụ l'ẹphe e-mechaa laphu azụ l'alị ndu Ijiputu.

Hosiya 9:15

“Ọo ẹjo-ememe, ẹphe nọ emegbabẹ lẹ Gilugalu bẹ mu gude kpọo phẹ ashị l'ẹka ono. Ọ bụru k'iphe-ẹji, ẹphe nọ emegbabẹ bẹ mu e-gude chịfu phẹ g'ẹphe ba nọduhe l'ụlo mu. Mu tee yehẹdu phẹ obu; kẹle ndu-ishi phẹ g'ẹphe ha kwefukọtaru ike.

Hosiya 9:9

Ẹphe tsụwaru ọtsuri tsụba l'ime emerwụshi onwophẹ; ẹgube ono, ndiphe dụ lẹ teke kẹ Gibiya. Ọle Chileke e-mechakwanaa nyata ẹjo-iphe, ẹphe eme. Mbụ l'ọ hụ̀a phẹ ahụ̀hù iphe-ẹji ono, ẹphe eme ono.”

Émọsu 8:7

Chipfu gudekwa l'oshilọkpa Jiékọpu phẹ eku onwophẹ ria angụ sụ: “Mu ta abyakwa azọha iphe, ẹphe meru.

Jiona 1:2

“Tụgbua jeshia eze mkpụkpu ono, bụ mkpụkpu Ninive je epfuru opfu nụ ndu bu iya nụ; kẹle ẹjo-ememe, ẹphe eme rwuwaru ẹka mu nọ.”

Ọ́gú 32:23

Ọle ọ -bụru l'unu te emeduru iphe, unu pfuru; ọo ya bụ l'unu meru Chipfu iphe-ẹji; g'o dokwaa unu ẹnya l'iphe-ẹji, unu meru bẹ unu e-je iphe-ẹhuka iya.

Luku 12:2

Ọ tọ dụkwa iphe, e kpuchiru ekpuchi g'e te mechaa kpuhaa ya; ọphu ọ dụkwa iphe, e domiru edomi g'e te mechaa maru iphe, ọ bụ.

1 Kọrentu 4:5

Ọo ya bụ g'unu ta adụshi onye unu a-nọdu anmawa ikpe l'ẹbe 'oko rwu teke aa-nma ikpe; ikpe bụ teke Nnajịuphu a-bya; l'o kpee ya. Noo teke oo-wofuta iphe, e shi domia l'ọchii bya edobe l'ìphóró; l'ọ bya eworu iphe, amadụ chịru k'ememe, bụ iphe, dụ iya l'ọkpoma; woru tụa jala. Noo teke Chileke a-ja onyemonye ajaja, rwuberu iya nụ.

Ditoronomi 32:29

Ọme l'ọ dụru mmamiphe, dụ phẹ l'ẹhu; mẹ iphe-a edokwa phẹ ẹnya. Mbụ m'ẹphe amakwaru-a g'o mechaa nwụaru phẹ teke ikpazụ.

Hiburu 4:13

Ọphu ọ dụdu iphe, nọ lẹ mgboko, dụru ọphu Chileke ahụmaduru. Iphemiphe, nọ lẹ mgboko gbakọta ọto dabyiru l'ebederebadara l'iphu Chileke. Ọ bụru Chileke ono bụ onye anyi pfụfutaje l'iphu iya kọkota iphe, anyi meru.