Hosiya 5:9 - BAYỊBURU Izii

⁹ Alị ndu Ifuremu bẹ ee-me g'ọ bụru ochobu mbọku, aa-nụ phẹ aphụ. Mbụ l'iphe, mu epfuru ọkpa-ipfu ọkpa-ipfu ndu Ízurẹlu bụ iphe, mefụtaje nụ.

Hosiya 5:9 ပူးပေါင်းရင်းမြစ်များ

Jiobu 12:14

Iphe, ọ lashịru alashị bẹ ọ tọ dụkwa onye sụru iya ekpukwa; ọphu ọ dụkwa onye sụru atụfu onye ọ tụru mkpọro.

Azáya 37:3

Ẹphe je je asụ iya: “Hezekáya sụru-a: ‘Ntanụ-a bụkwa mbọku, oke iphe-ẹhuka dapfutaru anyi; bya abụru mbọku, aahụ̀ anyi ahụ̀hù; bya abụru mbọku, iphe-iphere jiru anyi iphu. Ọ dụkwa g'ẹgube ime anọduje eme nwanyị; ọ tọ dụdu ike nyịa ọnyi nwụa nwata ọbu-a

Azáya 46:10

Mu eshijeẹpho lẹ mbụ mee g'a maru iphe, a-bụru ikpazụ iphe. Mbụ lẹ mu anọdujero teke ndiche mee g'a maru iphe, eteke medu nụ. Mu sụru-a: Iphe, mu tụberu k'ememe bẹ mu mefụtajekwa. Tẹme ọ bụru iphe, dụ mu ree bẹ mu e-me.

Azáya 48:3

Ọ bụro teke dụ ẹnya ẹnya bẹ mu pfuru iphe, mewaru nụ. Mu gudekpọo ọnu mu pfua ya; raa ya arara; tẹme mu mekwaphọ g'a madzuru iya. A bya l'amarụ; mu mee ya; ọ nwụa gẹ mu pfuru iya.

Azáya 48:5

Ọ bụru iphe ono meru g'o gude mu pfuhawaru ngu iphe-a teke dụ ẹnya; mbụ tẹme ọ nwụaha bẹ mu vuru ụzo raarụ ngu iya arara; k'ọphu ị tịi sụdu l'ọo nshi ngu meru iphemiphe ono; l'ọo ntẹkpe ono, ị pyịru apyịpyi ono; ọzoo ọphu ị kpụru l'onyirubvu ono bẹ o shi l'ẹka mee.

Azáya 7:16

Ọle o -betashịa teke nwata ono a-maru iphe ree k'ọphu ọo-jịkaje ẹjo-iphe hata iphe-ọma; alị ndu eze labọ ono, ịitsu ebvu ono a-bụkotawaru ochobu.

Hosiya 5:12

Ọo ya bụ lẹ mu a-bụru ẹ̀kà ria ndu Ifuremu; mbụ lẹ mu e-me gẹ ndu Jiuda rehu erehu.

Hosiya 5:14

Noo kẹle mu a-dụ g'oduma l'ẹhu ndu Ifuremu. Mu adụ g'oke oduma l'ẹhu ndu Jiuda. Mu a-lakashị phẹ iphiriba iphiriba jeshia iphe, mu eje. Mu agụ-lia phẹ tụgbua; ọ tọ dụdu onye anafụ phẹ l'ẹka mu.

Hosiya 7:12

Ẹphe -jeshiẹpho bẹ mu e-woru ụgbu-egege mu wụ-kpute phẹ. Mu a-nwụko phẹ g'onye anwụko ẹnu, ephe l'eli. Mu ahụ̀a phẹ ahụ̀hù; mbụ mee phẹ iphe ono, ndu ndzukọ phẹ nụmawaru ono.

Hosiya 8:8

“Ndu Ízurẹlu bẹ e lweakwaru elwelwe. Nta-a bẹ ẹphe anọdu l'echilabọ ọhamoha bụru okpokoro iphe, adụdu iphe, dụ iya nụ;

Hosiya 9:7

“Mbọku, aa-hụ̀ nemadzụ ahụ̀hù rwuakwaru. Mbọku, aa-pfụ onyemonye ụgwo iphe, o metaru dụkwaa ntse. Gẹ ndu Ízurẹlu makwarụ l'onoo g'ọ dụ. Eshinu iphe-ẹji unu parụ igwerigwe; tẹme ndụmashi, unu nweru paa ẹka; bẹ e mewaru onye mpfuchiru Chileke; o dụ g'onye eswe. Onye unme Chileke jiru ẹhu bụru onye ọbvu byaru.

Émọsu 3:7

Tororo bụ lẹ Nnajịuphu, bụ Chipfu ta adụdu iphe, oomeje l'ẹbe ekpuha idzu iya goshi ndu-ozi iya, bụ ndu mpfuchiru iya.

Émọsu 7:17

Ọo ya bụ lẹ-a; wakwa iphe, Chipfu epfu baa: Nyee ngu e-mechakwaa wata agba ụkpara l'ọma mkpụkpu; tẹme ọ bụru ogu-echi bẹ ee-gude gbushia ụnwu ngu unwoke mẹ ụnwu ngu ụnwanyi. Alị ngu bẹ aa-tụ̀ atụ̀tù gude washịaru ndu ọzo; tẹme gụbedua l'onwongu bụ l'alị ndu amadụ Chileke bẹ ii-mechaa nọdu nwụhu. Ọzo bụ lẹ ndu Ízurẹlu ta adụdu iphe, ee-me g'a ta kpụ phẹ lẹ ndzụ chịru phẹ chịfu l'alị phẹ.”

Émọsu 7:9

Ẹka aagwajẹ iphe agwagwa ono, Áyizaku doberu ono bẹ ee-mebyishikọta. L'a bya etsukpọshia ẹka ndu Ízurẹlu doberu nsọ. Ọ bụru ogu-echi bẹ mu e-gude tsoo ọnu-ụlo Jierobowamu ọgu.”

Mayịka 6:13

Noo g'o gude mu watawaa emebyishi gụbe mkpụkpu ono; mbụ eme gẹ mu gwepyaa ngu; kẹle iimeje iphe-ẹji.

Zekaraya 1:6

Iphemiphe ono, mu pfuru ono; mẹkpoo iphe ono, mu tọru ọkpa iya ono, bụ iphe, mu karụ ndu-ozi mu, bụ ndu mpfuchiru g'ẹphe meje ono; ?tọ nwụchaadaru l'ẹhu ndiche unu phẹ? Ọ bụru iya bụ l'izimanụ alwa phẹ azụ; ẹphe pfua sụ: ‘Chipfu, bụ Ọkalibe-Kakọta-Ike meẹkwarupho anyi iphe, gbaru ụzo, anyi eshi; yẹe iphe, anyi eme; mbụ l'o meẹrupho anyi iphe, ọ tụberu k'ememe.’ ”

Jiọnu 16:4

Ọle mu tụkowaru iphemiphe-a epfuru unu g'ọo-bụru: o -rwuẹpho teke ẹphe e-me iphe ono; unu anyatajẹ lẹ mu pfuhawaru unu opfu ẹhu phẹ.” “Mu te eshikwa pfuhawaaru unu iphe-a lẹ mbụlembu; opfu lẹ mu nọkwadu swiru unu.