Hosiya 5:4 - BAYỊBURU Izii

⁴ “Iphe, ẹphe emegbabẹ te ekwedu haa phẹ g'ẹphe lwapfuta Chileke phẹ; kẹle agba ụkpara nọ phẹ l'ọkpoma; ọphu ẹphe amadụ Chipfu.

Hosiya 5:4 ပူးပေါင်းရင်းမြစ်များ

Ebvu-ọma 78:8

Ẹphe ta adụedu gẹ nna phẹ oche phẹ shi bụru ọgbo ẹjo ọkpoma; bụru ọgbo, kwefuru Chileke ike; mbụ ọgbo, adụdu teke obu phẹ ngụjeru angụru l'ẹka Chileke nọ; tẹme ọphu ọ dụdu teke ẹphe pfụshijeru ike l'iphu iya.

Ebvu-ọma 9:10

Iphe, bụkpoo ndu maru ngu nụ bụ ngu bẹ ẹphe dakoberu; kẹle gụbe Chipfu teke agbadoswee ndu achọ ngu amaru.

Jieremaya 24:7

Mu a-nụ phẹ obu, ẹphe e-gude maru mu; mbụ l'ọo mu bụ Chipfu. Ẹphe a-bụru ndibe mu; mbẹdua abụru Chileke phẹ. Noo kẹle ẹphe e-gude obu phẹ l'ophu l'ophu lwapfuta mu.”

Jieremaya 50:38

Okpomọku a-byapfuta mini, dụ iya nụ; k'ọphu ọo-tụkoepho tashịhuchaa. Noo kẹle ọ bụ alị, aagwọ ọbvu. Ọbvu ono-a bẹ ndzụ-agụgu e-mechaa gbaghaa iphu.

Jieremaya 9:24

Ọchia l'onye achọ aba abaa; bụ iphe, oo-gude aba abaa bụ; lẹ mu doru iya ẹnya; tẹme ọ maru mu ree; mbụ maru lẹ mu bụ Chipfu; lẹ mu emeje iphe-ọma; bya ekpe ikpe, pfụru ọto; bya egoshi lẹ mu pfụberekoto. Ọ bụru l'eliphe bẹ mu emekọta iphe ono; kẹle ọ bụkota iphe, ememe iya adụje mu ree. Nokwa iphe, Chipfu eepfu.

Jieremaya 9:6

Ọ bụepho l'unu bu l'echilabọ ẹregede. “Ẹphe gude agba ẹregede ono jịka amaru onye mu bụ.” Nokwa iphe, Chipfu eepfu.

Hosiya 13:13

Iphe-ẹhuka, ooje dụe ya phọ g'ọoduje nwanyị, ime eme. Obenu l'ọ bụ nwata, amadụ iphe, abụjeru; o -rwua l'ezeda iya; ọ tọo madụru eye ishi l'ẹnu ẹhu ne iya.

Hosiya 4:1

“Unu nụmakwa Opfu Chipfu; unubẹ ụnwu Ízurẹlu; kẹle Chipfu bẹ opfu dụru ẹphe lẹ ndu bu l'alị-a. Ọ tọ dụkwa onye e gude ire iya ẹka l'alị-a. Ọphu n-yemobu adụkwa iya phọ. Ọphu ọ dụdu onye maru Chileke l'alị-a l'ophu.

Hosiya 4:11

Agba ụkpara; yẹe angụ akahụ mẹe; yẹe mẹe ọ̀phúú bụchaa iphe, tụkoru egomunggo nemadzụ sweta.

Hosiya 4:12

Ndibe mu wata eje l'ajị l'oshi, a pyịru ayịpyi. Ọ bụru ntẹkpe, a pyịru l'oshi watarụ phẹ epfuru iphe, ẹphe e-me. Ọ bụru agba ụkpara dutaru phẹ duphua. Ẹphe bya abụru ndu dụ ghẹlegheleghele l'iphu Chileke.

Hosiya 4:14

“Mu ta ahụ̀kwa ụnwada unu ahụ̀hù m'ẹphe gha iphu l'agba ụkpara. Ọphu mu ahụ̀kwapho ụnwada ọphu unu alụ alụlu ahụ̀hù m'ẹphe gha iphu l'eri ogori; kẹle unwoke phẹ agbẹshije je ekuta nwanyị-ụkpara doberu onwophẹ; mbụ l'ẹphe l'ụnwanyi-ụkpara ụlo-agwa anọduje agwa iphe. Ọo ya bụ lẹ ndu ono, iphe te edojedu ẹnya ono e-mechaa laa l'iswi.

Hosiya 4:6

Ndibe mu bẹ ala l'iswi; kẹle ọ tọ dụdu iphe, ẹphe nwụtaru. Eshinu unu jịkaru anwụta iphe bẹ mu jịkakwarupho unu sụ l'unu ta abụedu ndu-uke mu. Eshinu ọ tọ dụdu iphe, unu gụberu ekemu kẹ mụbe Chileke unu bẹ mbẹdua ta adụkwapho iphe, mu a-gụbe ụnwu unu.

Hosiya 7:11

Ifuremu dụkwa gẹ ndo. Eduphu iya ta adụdu iphe, ọobujeru; tẹme ọphu o nwedu egomunggo. Ọ -gbapfu ndu Ijiputu; l'ọ gbapfu ndu Asiriya.

Hosiya 8:11

“A makwarụ-a lẹ ndu Ifuremu kpụshiru ọru-ngwẹja, dụ igwerigwe, ẹphe a-nọdu egwe ngwẹja-iphe-ẹji. Ọle ẹka ono tụkoakwaru bụru ẹka a nọ eme iphe-ẹji.

Jiọnu 16:3

Iphe, meru g'o gude ẹphe je anọdu eme iya bụ l'ẹphe ta amadụ Nna; ọphu ẹphe amadụ mu.

Jiọnu 8:55

Obenu l'unu teke amadụru iya; mbẹdua makwanụru iya. Ọ -bụ lẹ mu sụru lẹ mu ta amadụ iya m'ọ bụru ụka bẹ mu adzụ g'unubẹdua adzụje-a. Ọle mu maru iya bya emeje iphe, o pfuru.

1 Sámẹlu 2:12

Ụnwegirima ibe Elayi bya abụkotaru ndu iwashị; ọphu ẹphe ta agụbeduru Chipfu iphe.