Hosiya 2:3 - BAYỊBURU Izii

³ Ọdumeka bẹ mu a-gbabẹkwa iya ọto; mee ya g'ọ dabyiru swanmangu g'ọ dụ g'eswe, a nwụru iya. Mbụ lẹ mu e-me iya g'ọ dụ g'echiẹgu; alị ọkponku, adụdu iphe, dụ iya nụ; gude ẹgu-mini phụa ya tẹrii.

Hosiya 2:3 ပူးပေါင်းရင်းမြစ်များ

Awụfu 17:3

Obenu lẹ ndu Ízurẹlu bẹ ẹgu mini agụshi ike; ẹphe nọdu agụru Mósisu aphụ; sụ: “?Bụnua gụnu kparụ iphe i dufutaru anyi; waa ụnwu anyi; waa iphe-edobe anyi l'alị Ijiputu bya edobe g'ẹgu mini gbushia?”

Azáya 33:9

Alị-a nọdu agụ aphụ edideshihu edideshihu. Iphere dụ ọswa, nọ l'úbvú úbvú Lébanọnu; ọ nọdu anwụlwashihu anwụlwashihu. Nsụda Sharọnu dụepho g'echiẹgu ẹka mini adụdu. Tẹme oshi, nọgbaa l'alị Beshanu; yẹle úbvú Kamẹlu nọdu alaẹpho ẹkwo kparakpara.

Azáya 47:3

L'aa-gbabẹkwa ngu ọto; mee g'a hụma iphe-iphere ngu. Mu e-melatakwa; ọphu ọ dụkwa onye mu a-ha.”

Azáya 64:10

Mkpụkpu ngu, dụgbaa nsọ ono tụkoakwaru bụru ẹjagiri echiẹgu. Mbụ je akpachaa lẹ Zayọnu bụchakwaa ẹjagiri echiẹgu. Tẹme Jierúsalẹmu bụru ochobu.

Jieremaya 12:10

Ikpoto ndu eche atụru mebyishiwaru opfu-vayịnu mu. Tẹme ẹphe gude ọkpa zọo opfu mu pyakapyaka. Ẹguru opfu mu ono bẹ ẹphe meru; ọ bụru echiẹgu, dabyiru kẹ mmanụ.

Jieremaya 13:22

Ọzo bụ; teke ị jịru onwongu ajị sụ: “?Bụnaa gụnu meru g'o gude iphe-a mee ngu?” Iphe, kparụ iya nụ bụ l'iphe-ẹji ngu parụ ẹka. Noo g'o gude a jịa ngu uwele; woru ngu agada pakaa.

Jieremaya 13:26

Ọo ya bụ lẹ-a; mu a-jị ngu uwele; phụta uwe ngu kpube ngu l'iphu; k'ọphu aa-hụmakwanu iphe ono, emeje g'iphere dụ ngu ono.

Jieremaya 14:3

Ndu a maru ẹpha phẹ ziru ndu-ozi phẹ g'ẹphe je ekuta mini. Ẹphe je l'obvu-mini; ọphu ọ dụdu mini, dụ iya nụ. Ẹphe parụ ite phẹ l'ophorokpo lwa. Iphere dụ phẹ; tẹme meji tọfuwa phẹ. Ẹphe woru iphe kpuchia ishi l'ẹka iphere dụ phẹ.

Jieremaya 17:6

Onye ono a-dụ g'ishishi-irwu, bvuru l'echiẹgu; ọphu ọo-hụmadu teke iphe, dụ ree abya. Ọ bụru ẹka dụ kpọkoro kpọkoro kpọkoro l'echiẹgu ọbu bẹ oo-buru; mbụ alị únú, adụdu onye bu iya nụ.

Jieremaya 2:31

Unubẹ ọgbo nta; unu lenaa ẹnya ree l'opfu Chipfu, sụru: ?Mu bụjeru ndu Ízurẹlu echiẹgu; tọo alị, gbahụru tsụkiribaa? ?Dẹnu g'o gude ndibe mu nọdu epfuje sụ: ‘Anyi nwekwarụ onwanyi aghaphe g'ọ dụ anyi. Ọphu anyi abyapfutabaẹdu ngu ọzo?’

Jieremaya 2:6

ọphu ẹphe ajịduru sụ: ‘?Bụ awe bẹ ọ nọ; mbụ Chipfu, bụ iya dufutaru anyi l'alị Ijiputu; bya edua anyi dughaa echiẹgu, adụdu iphe, dabyiru iya nụ; mbụ dughaa alị ono, bụ evevee dụ iya; yẹe iduma iduma; alị, dụ chakịri chakịri bya agbahụkota tsụkiribaa; alị, adụdu onye eshije iya eshishi; ọphu ọ dụdu onye bu iya ebubu?’

Jieremaya 22:6

“Kẹle-a; wakwa iphe, Chipfu epfu l'opfu ẹhu ibe eze ndu Jiuda: A makwarụ-a l'ị dụ g'alị Giladu l'ẹhu mu; ọzoo g'eli úbvú úbvú Lébanọnu. Obenu l'ọ tọ dụdu iphe, e-me gẹ mu te eme ngu g'ị dụ g'echiẹgu; mbụ gẹ mkpụkpu, e te bujeduru ebubu.

Jieremaya 4:26

Mu bya ejeshia ele ẹnya; alị, e shi emehujẹ iphe a kọru iya; bụwaru mgbẹgu-evevee. Iphe, bụ mkpụkpu, nọkota iya nụ g'ọ ha bụkotawaru ikpọzu l'iphu Chipfu; mbụ l'iphu o-re-phuruphuru, bụ ẹhu-eghu iya onoya.

Jieremaya 51:43

Mkpụkpu lẹ mkpụkpu, nọ iya nụ bụkotaru ochobu; kpọhu nkụ; bụru alị evevee; alị ẹka adụdu onye bu iya nụ; ọphu ọ dụdu onye eshi iya eshishi.

Jieremaya 51:5

A makwarụ-a l'alị ndu Ízurẹlu ẹphe lẹ ndu Jiuda l'ophu bụ iphe, jiru iya nụ bụ ikpe-anmanma, nmarụ phẹ l'iphu Onye Nsọ kẹ Ízurẹlu. Ọle Chileke phẹ, bụ Chipfu bya abụru Ọkalibe-Kakọta-Ike teke agbadokwa phẹ.

Ezekẹlu 16:22

Iphe, bụ ẹbyi ono, iimekọtakpoo ono; mẹ apharwụshi ono, ịipharwushi onwongu ono bẹ iimekọtakpoepho; ọphu ị tị nyatadụru teke i shi bụru nwata; mbụ teke ono, i shi gbaru ọto; dabyiẹrupho nno; arwaswi onwongu lẹ mee ngu ono.

Ezekẹlu 19:13

Nta-a bẹ e je eworu iya dzabẹ l'echiẹgu; mbụ l'alị, kpọru gbengu; mini adụdu mẹ ililekpọo.

Hosiya 13:15

mbụkwa m'obeta ọ nọdu l'echilabọ ụnwunna iya aba yoyoyo; ọle oke phẹrephere, shi l'ẹka Chipfu e-shi l'ụzo ẹnyanwu-awawa ziru bya. Ẹka o shi ezi abya bụ l'echiẹgu. Ishi nggele ndu Ifuremu atabuhu. Wẹlu phẹ atashịhu. L'a tụko ẹku, o shi kpata akpata rwuta.

Hosiya 2:10

Nta-a bẹ mu a-gbabẹ iya ọto l'ẹka ndu yẹe ya eshi ọ̀nyà ele iya ẹnya; ọphu ọ dụdu onye anafụ iya l'ẹka mu.

Ọphulenya 17:16

Ẹjo anụ-ẹgbudu ono yẹe mpu iri ono, ị hụmaru ono bẹ bụ ndu nwanyị ovuọba ono dụ ashị. Ẹphe a-tụko iphe, o nweru enweru natachaa ya g'ọ ha; l'ọ gbaru ọto dabyiru. Ẹphe eria ya anụ; gude ọku kepyashịa ya.

Ikpe 15:18

Tọbudu iya bụ; ẹgu-mini bya agụshiaha ya ike; ọ raku Chipfu; sụ iya: “Ọo ngu bẹ meru g'onye-ozi ngu lwụ-kpe k'ọphu parụ ẹka ẹgube-a. Nta; ?bụ-chia ẹgu-mini bẹ a-gbẹ gbua mu; mu adaba ndu ono, bụgba akpapyị ono l'ẹka?”