Hosiya 13:3 - BAYỊBURU Izii

³ Ọo ya meru g'o gude ẹphe je a-dụ g'iji, akwa l'ụtsu. Mbụ iji, akwa lẹ nchi-abọhu, abụjeru: ọ -kwachaa l'oophukashịhu. Ẹphe a-dụ g'udzu ẹswa ereshi, etsushihu l'ẹka eechije balị; g'ẹnwuru-ọku, shi lẹ windo ekposhihu.

Hosiya 13:3 ပူးပေါင်းရင်းမြစ်များ

Jiobu 21:18

?Ọ dụkpooru teke aanọnyaje; ẹphe adụ g'ẹswa ọkponku, a kụberu l'ẹka phẹrephere ezi; mbụ ẹphe adụ g'ẹswa ereshi, oke phẹrephere ezikashị?

Jiobu 30:15

Ndzụ rwuta mu; nwubvu, e shi akwabẹje mu bẹ a chịru ọso. O phekashịhu g'iphe, phẹrephere pataru. Ẹku mu phukashịhu g'ẹka urwukpu phukashịhuru l'igwe.

Ebvu-ọma 1:4

Obenu l'ọ tọ bụdu ẹgube ono bẹ ọodujeru ndu ẹjo-iphe. Ẹphebedua dụ g'ẹswa ereshi, phẹrephere anọduje ezikashị ezikashị.

Ebvu-ọma 68:2

Zikashịnaa phẹ nanụ nanụ; gẹ phẹrephere ezikashịje ẹnwuru-ọku-a. Ọo g'ụ̀nwù adazehuje lẹ mgboru ọku-a bụ gẹ ndu ẹjo-iphe a-la l'iyi l'iphu Chileke.

Azáya 17:13

O -betakpọnu ọhamoha phụchaa gbudugbudu gẹ mini, a kụru ikpete; ọ bụ-a mba bẹ ọo-barụ phẹ; ẹphe agbamihu ọkpobe agbamihu. L'a chịru phẹ ye lẹ phẹrephere g'ẹswa ereshi, a nọ l'eli úbvú aphụshi; yẹe gẹ bẹrebere iphe, phẹrephere apaphe l'ẹka oke phẹrephere ezi.

Danẹlu 2:35

No iya; ígwè ono; yẹe ụrwa ono; waa onyirubvu ono; mẹ mkpọla-ọchaa ono; mẹ mkpọla-ododo ono tụkoepho g'ọ hakọta tụkaa nanụnanu; dụepho g'udzu ẹswa balị, aaphụshi l'ụguru l'ẹka eetsuje balị. Phẹrephere zikashịa ya rengurengu k'ọphu bụ l'o to nwedu onye hụmabaaru udo mee ya. Mkpuma ono, tupyashịru iya nụ ono bya abụerupho oke úbvú, tụkoerupho mgboko l'ọphu sweta.

Hosiya 6:4

“Unubẹ ndu Ifuremu; ?bụkpoo gụnu bẹ mu e-gude unu mee? Unubẹ ndu Jiuda; ?bụ gụnu bẹ mu e-gude unu mee? N-yemobu k'unu dụkwa g'iji nchi-abọhu. Ọ dụ g'iji gẹregere ụtsu, adụdu g'ọono-bejeru l'o phukashịhu.

Zefanaya 2:2

tẹme eswe mbọku ono erwua; mbụ mbọku ono etsu duuduuduu g'ẹswa ereshi ono; m'ọbvu teke Chipfu a-tụ-koshi unu oke ẹhu-eghu iya; mbụ m'ọbvu teke ẹhu a-gbanwuhu iya ọku l'opfu ẹhu unu.

Zekaraya 8:12

“Mebyi-iphe, a kụru l'alị a-nọdu eme ree; vayịnu amị mebyi iya ree; alị amịa mebyi iphe, e meberu iya; igwe akwa iji iya. Iphemiphe ono bẹ mu a-nụ g'ọ bụru okiphe, nwa ndu ono phọduru nụ ono e-keta.