Hosiya 1:2 - BAYỊBURU Izii

² Teke Chipfu watarụ egude Hosiya pfua opfu bẹ ọ sụru iya-a: “Tụgbua je alụta nwanyị, agba ụkpara; l'ị nwụshia ụnwu, a gbatarụ l'ụkpara; kẹle ndu alị-a agbanụkawaa ụkpara; mbụ l'ẹphe lụfuwaru l'ẹka mụbe Chipfu.”

Hosiya 1:2 ပူးပေါင်းရင်းမြစ်များ

2 Iphe, ndu eze meru 21:13

ọ bụ-chiaru ẹka ndu eze ndu Ízurẹlu bẹ i tsoru; bya emee gẹ ndu Jiuda; mẹ ndu bu lẹ Jierúsalẹmu dụ ghẹlegheleghele; ẹgube ono, ndibe Éhabu meru ono; tẹme i gbushikwaaphọ ụnwunna ngu, bụ ndibe nna ngu phẹ; mbụ ndu ono, ka ngu mma ono;

Ebvu-ọma 106:39

bya eshikwaphọ nno merwushia onwophẹ; mbụ shi nno bụru ndu agba ụkpara.

Ebvu-ọma 73:27

Ndu nọ ngu ẹnya a-bụru mkpurupyata; l'i mebyishia ndu i gudedu ire phẹ ẹka.

Jieremaya 2:13

Ndibe mu mewaru uzi iphe-ẹji labọ. Ẹphe gbadowaru mu; mbụ mụbe ọ̀gbà mini, doru rịsaa; asọ gborogboro; bya ebvuaru onwophẹ iduma-nnakọbe-mini; tẹme ọ bụru iduma-nnakọbe-mini, gbawashịhuru agbawashịhu; ọphu mini adọjeduru iya.”

Jieremaya 2:20

Ọ bụro teke dụhawaa ẹnya bẹ ị nyakafụru ishi iphe, shi segbabẹ mu lẹ ngu; mbụ l'ị nyakafụru ẹgbirigba, e shi gude tụgbabe mu lẹ ngu; bya epfua sụ l'i tii jeẹduru mu ozi! G'e lekeberu ẹnya epfu; ị wata azẹ-phe l'eli iphe, bụ úbvú, ha l'eli; mẹ l'iphe, bụkpoo mkpula eze-oshi, jaru àjàjà; gẹ nwanyị-ụkpara.

Jieremaya 2:23

?Dẹnu g'ii-shi sụ l'a ta tụrwukwaru ngu; ọphu ị gwọkwaru ọbvu ono, bụ Balụ? Lewarọ ẹnya l'ẹgube umere, i meru lẹ nsụda ono! Gbunaa igo l'ẹgube umere, i meru l'ẹka ono. Iphe, ị bụ bẹ bụkwa nyee ịnya-kamẹlu, ebu nggada karagidimu karagidimu. O -buru nggada ono shia ọwa-a; l'o buru iya shia ọphuu.

Jieremaya 3:9

Ọ bụru l'ọo l'ụrwuali, Ízurẹlu shi arwụ ta adụdu iphe, Jiuda gụberu iya meru g'o gude o merwushia alị; mbụ yẹle iphe, e meru lẹ mkpuma; yẹe ọphu e meru l'oshi nọdu eri ogori.

Ezekẹlu 6:9

L'ọhamoha ono, a kpụru phẹ laa ono bẹ ndu ọphu phọduru nụ l'ime unu a-nọdu nyata mu. Mbụ l'ẹphe a-nyata g'o gude dụ-beru mu ẹji; l'ẹphe bụ ndu obu phẹ dụ ghẹlegheleghele l'ẹka mu nọ; mbụ l'ẹphe gbakụtaru mu azụ; bya ewochiaru iphu ghaaru agwa gwalahaa. Ẹphe -nyataẹ ya phọ ẹphe ala onwophẹ ashị; k'ẹjo-iphe, ẹphe meru; waa k'ẹbyi, ẹphe nọ megbabẹ ono.

Hosiya 2:7

Ọo-nọdu achị ndu yẹe ya eshi; obenu l'o too gudedu phẹ. L'ọ chọo phẹ; ọ tọo hụmadu phẹ. Noo teke ọo-sụ gẹ ya byakwa alaphu azụ l'ibe akahụ ji iya; kẹle teke ono shikwa ka iya ree eme lẹ nta-a.

Hosiya 3:1

Tọbudu iya bụ; Chipfu bya asụ mu-a: “Tụgbua je egoshi nyee ngu l'i yeru iya obu ọzo. Epfukpọro kẹ l'onye ọzo yeru iya obu; mbụ l'oori ogori. Yee ya obu ẹgube ono, Chipfu yeru ndu Ízurẹlu l'ẹka ẹphe woru iphu ghaaru agwa; bya akpọru obu ye lẹ nri, a gwarụ iphe.”

Hosiya 5:3

Ndu Ifuremu bẹ mu maru ree. Ọphu ọ dụdu iphe, ndu Ízurẹlu emeru mu lẹ mpya. Unubẹ ndu Ifuremu; nta-a bẹ unu watawarụ agba ụkpara. Mbụ lẹ ndu Ízurẹlu bẹ tụrwuakwaru onwophẹ.”

Maku 1:1

Ọwa-a bụ ishi ozi-ọma Jizọsu, bụ Kéreshi; Nwa Chileke.

Ditoronomi 31:16

Chipfu sụ Mósisu: “Nta bẹ ịibyakwa alapfu nna ngu oche phẹ. Ọle ndu-a ta adụkwa g'ẹphe a-nọ-beru; ẹphe awata apharwụshi onwophẹ g'ụnwanyi ụkpara l'abarụ agwa ndu alị ono, ẹphe abahụ ono ẹja. Ẹphe a-gwọbe mu; mebyia ọgbandzu ono, anyi l'ẹphe gbaru ono.

2 Pyịta 2:14

Lenaa l'ọobujeru; ẹnya phẹ -hụmawaa nwanyị; l'ọogue phẹ phọ g'a sụ l'ẹphe lẹ nwanyị ono kwarụ. Ọphu ọ dụdu teke ẹgu eme ẹjo-iphe agụ-buhuje phẹ agụ-buhu. Ntanta-a ẹphe edetawa ndu ọphu anọ-shiduru ike l'iphe, ẹphe kwetarụ; ẹphe anma l'ọ́nyà phẹ. Iphe, doru phẹ ẹnya bụepho g'ẹphe e-shi kpaa okpoga. Ono bẹ ẹphe metawaru jeye o ria phẹ ishi; ẹphe bụru ndu a tụwaru ọnu!

Ọphulenya 17:5

A bya edee ya ẹpha iya l'egedegee ọnu-iphu iya. Iphe, e domiru edomi e deru iya bụ: “Bábilọnu ono, a maru ẹpha iya; mbụ ne iphe, bụkota ndu agba ụkpara mẹ iphe, bụkota ndu eme ahụma lẹ mgboko.”