Hiburu 11:3 - BAYỊBURU Izii

³ Ọo ekweta meru g'o gude o doo anyi ẹnya lẹ mgboko-a bụ opfu ọnu bẹ Chileke gude mee ya; mbụ l'iphemiphe-a, akpụrenya elegbaa bụ iphe, aahụmaduru l'ẹnya bẹ e gude mee ya.

Hiburu 11:3 ပူးပေါင်းရင်းမြစ်များ

Mbụlembu 1:1

Lẹ mbụlembu bẹ Chileke meru igwe bya emee eliphe.

Ebvu-ọma 33:6

Ọo opfu-ọnu bẹ Chipfu gude mee igwe. Ọ bụru unme, ọ tụru atụtu bẹ o gude mee iphemiphe, nọkota iya nụ.

Ebvu-ọma 33:9

kẹle o pfuru opfu; mgboko l'ophu dụ. Ọ tụru ekemu; iphemiphe dụkota.

Azáya 40:26

Palinaa ẹnya lee l'akpaminigwe. ?Bụ onye meru iphemiphe ono dobe? Mbụ onye ono, emeje kpokpode, dụ igwerigwe l'ọofushi nanụnanu; tẹme ọ nọdu ekuje phẹ ẹpha l'ẹhu l'ẹhu. Ọ bụru l'ike parụ onye ono ẹka; tẹme ọkpehu dụ iya meru g'o gude ọphu ọ dụdu kpokpode ono mẹ nanụ etuphahụje nụ.

Jieremaya 10:11

“Wakwa iphe, ii-pfuru phẹ baa: Agwa-a, abụdu l'ọo phẹ meru igwe; ọphu ọ bụdu phẹ meru eliphe-a bẹ e-mechakwaa laa l'iswi l'eliphe-a; laa l'iswi l'imigwe.”

Jieremaya 10:16

Obenu l'onye ono, bụ okiphe oshilọkpa Jiékọpu ono bẹ ta abụdu nno bụ g'ọ dụ; kẹle ọo ya bụ onye meru iphemiphe dobe; mechaa mee ndu Ízurẹlu; mbụ ọkpa-ipfu ono, bụ okiphe iya ono. Onye ono bẹ ẹpha iya bụ Chipfu; bya abụru Ọkalibe-Kakọta-Ike.

Jiọnu 1:3

Ọo l'ẹka iya bẹ Chileke shi mee iphemiphe. Ọ tọ dụdu iphe, bụ iphe, e meru ememe, dụru ọphu e meru l'ẹbe ọ nọ iya.

Ndu-ishi-ozi 14:15

“Ndu mu; ?bụ gụnu bẹ unu eme nno? ?Unu ta amadụ l'anyi bụa nemadzụ g'unu bụ? Iphe, anyi byaru bụ g'anyi zia unu ozi-ọma; g'anyi mee unu g'unu tụko agwa ono, adụdu iphe, ẹphe bụ ono ghaaru azụ; lwapfuta Chileke, dzụ ndzụ; mbụ Chileke, bụ iya meru igwe mee alị bya emee eze-ẹnyimu waa iphemiphe, bu phẹ l'ime.

Ndu-ishi-ozi 17:24

Ọo ya bụ Chileke, bụ iya meru mgboko mee iphemiphe, nọ iya l'ime. Ọo ya bụ Nnajịuphu, nwe igwe nweru alị; tẹme ọphu oobujeduru l'ụlo, nemadzụ gude ẹka kpụa.

Romu 4:17

Ọ bụru iya bụ iphe, e deru sụ: “Mu meakwaru ngu nna igwerigwe ọha.” Ọo ya bụ lẹ Ébirihamu bụ nna anyi l'iphu Chileke, bụ onye o kweru nkiya; mbụ Chileke, emeje ndu nwụhuru anwụhu g'ẹphe dzụru ndzụ ọzo; tẹme ọ nọdu emeje iphe, eshihaada dụ nụ l'ọo-bya adụ.

1 Kọrentu 2:7

Mmamiphe ọphu mu egudeje epfu bụkwa mmamiphe ọphu Chileke shi domia edomi; mmamiphe ọphu o meru gẹ ndiphe ta ama. Mmamiphe ono bụ lẹ Chileke tubuhakpọwaruro tẹme o mee mgboko; l'anyi l'iya a-gbarụ mgba l'ọdu-biribiri iya.

1 Timoti 4:5

Noo kẹle opfu Chileke yẹe epfupfu, e pfuru nụ Chileke onoya bẹ mewaru iphe onoya ọ dụ nsọ l'iphu Chileke.

Hiburu 1:2

O be lẹ nta, bụwaa ikpazụ-a; ọ bụru onye bụ Nwa iya bẹ o gude pfuru nụ anyi. Ọ bụru l'ẹka Nwa iya ono bẹ ọ gbẹ mee mgboko mgburugburu; tẹme ọ họtakwa iya phọ sụ l'ọo ya bẹ iphemiphe kụru ishi l'ẹka.

Hiburu 6:5

ẹphe shi anụmajewaa ọkpobe-Opfu Chileke ono; mawaru k'ike, dụ l'ọgbo ọphu abyanụ;

2 Pyịta 3:5

Ẹphe elekebekpọepho ẹnya; jịka jịnyia ẹnya l'ẹphe taa rịdu ọriri iphe ono, Chileke meru teke ndiche ono. L'ọo opfu, Chileke pfuru l'ọnu kpoloko bẹ o gude mee igwe mee alị. Alị shi lẹ mini dụ; ọ bụru mini ono meru iphe ndzụ dụ lẹ mgboko.

Ọphulenya 4:11

“Ọ gbakwarụ ngu gụbe Nnajịuphu bya abụru Chileke anyi; g'aatụko g'a ha jaa ngu ajaja; kwabẹ ngu ùbvù; anụru ngu opfu l'ọo ngu kachaa ike. Noo kẹle ọo ngu meru iphemiphe dobe. Ọo l'ọ dụ ngu l'uche meru g'o gude ẹphe dụ; bụru iphe, e meru dobe.”