Hiburu 1:9 - BAYỊBURU Izii

⁹ Iphe, pfụru ọto dụ ngu ree; iphe, apfụduru-ọto dụkwanu ngu ashị. Noo g'o gude Chileke ono, bụ Chileke ngu ono họta ngu; bya akwabẹ ngu ùbvù; mee ẹhu nọdu atsọ ngu ụtso; ùbvù mẹ ẹhu-ụtso ọphu kwata ka kẹ ndu unu l'ẹphe gba nanụ shii.”

Hiburu 1:9 ပူးပေါင်းရင်းမြစ်များ

Ebvu-ọma 11:5

Chipfu enyochajekwa ndu pfụberekoto; mẹ ndu ẹjo-iphe enyocha. Obenu lẹ ndu bụ iphe, adụje phẹ ree bụ eme ndu ọzo iphe kpanganga adụje iya ashị.

Ebvu-ọma 119:104

Urwu, mu eritajẹ l'eme iphe, ị karụ g'e meje bẹ bụ nkwamẹnya. Ọ bụru iya meru g'o gude iphe, bụkpoo ụzo ụghoshi dụkota mu ashị.

Ebvu-ọma 119:128

tẹme mu kweta l'iphe, ị karụ g'e meje bẹ pfụchaaru ọto; meru g'o gude ụzo ụghoshi dụkota mu ashị.

Ebvu-ọma 2:2

Ndu eze, bu ishi ndiphe akwakọbe k'ọgu; ndu-ishi dzukọbe; g'ẹphe tsoo Chipfu ọgu; tsokwaphọ onye ono, ọ họtaru g'ọ bụru eze ono ọgu.

Ebvu-ọma 2:6

Ọo-sụ phẹ: “Mu gudewaa ẹka mu mee onye mu họtaru; g'ọ bụru eze l'úbvú Zayọnu; mbụ úbvú ono, mu doberu nsọ ono.”

Ebvu-ọma 23:5

Iigweshijeru mu nri gẹ mu ria l'iphu ndu achị mu lẹ njọ. Ị nọdu eteje mu manụ, eshi mkpọ l'ishi g'eemeje onye a kwarụ ẹbyaa. Okoro mu bẹ iimeje; l'o ji pyịmu pyịmu ebushihu ebushihu.

Ebvu-ọma 33:5

Iphe, adụje Chipfu ree bụ ikpe, pfụru nhamụnha; mẹ iphe, pfụru ọto. N-yemobu Chipfu jiru mgboko bushihu.

Ebvu-ọma 37:28

Chipfu bẹ ọ dụ ree g'ụnwu-eliphe kpeje ikpe, pfụru nhamụnha; ọphu ọ hajẹdu ndu yeru iya obu ẹka. Ọokwa-chije phẹ akwachi jasụ l'ojejoje; obenu l'awa ndu ẹjo-iphe bẹ oo-me g'ẹphe chịhu.

Ebvu-ọma 40:8

Gụbe Chileke mu; iphe, adụje mu ree bụ gẹ mu mee iphe, dụ ngu l'uche. Ekemu ngu adụjee mu phọ l'obu tekenteke.”

Ebvu-ọma 45:6

Gụbe Chileke; ọo g'ị bụ eze nta-a bụ g'ịi-bụru iya jasụ lẹ tuutuutuu lẹ mịimiimii. Ikpe, pfụru ọto bẹ i gude bụru eze; l'ẹka ị bụ eze.

Ebvu-ọma 45:7

Iphe, pfụru ọto dụ ngu ree; ẹjo-iphe dụkwanu ngu ashị. Noo g'o gude Chileke, bụ Chileke ngu họta ngu l'echilabọ ndu unu l'ẹphe bụ ọgbo; bya awụa ngu manụ ẹhu-ụtso l'ishi.

Ebvu-ọma 89:20

Ị hụmawaru onye-ozi ngu, bụ Dévidi. I woru manụ ngu, dụ nsọ wụa ya l'ishi.

Ebvu-ọma 89:26

Ọo-nọdu arakuje ngu sụ: “Ọo ngu bụ nna mu; bya abụru Chileke mu; bya abụru agbara-mkpuma, l'adzọje mu nụ.”

Ẹkwo Ẹtu 8:13

Atsụ Chipfu ebvu bụkwa akpọ ẹjo-iphe ashị. Iphe, dụ mu ashị bụkwanu eku-onwonye yẹe etu onwonye ọphushugbu; yẹe eme ẹjo-ememe; waa epfu iphe, apfụduru-ọto.

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Azáya 61:3

Tẹme mu eyekwarụpho ndu Zayọnu ẹka; mbụ ndu ọphu aphụ tsọru. Mu eworu ẹguru okpu-eze kpube phẹ l'ishi l'ọzori ntụ, ẹphe shi kpube onwophẹ; wụa phẹ manụ ẹhu-ụtso; l'ọzori agụ aphụ; yee phẹ uwe, bụ aja Chileke ajaja; l'ọzori anọdu yọkoo. Iphe, aa-nọdu eku phẹ abụru “Achị k'apfụbekoto”; Oshi, Chipfu kụru l'onwiya g'e gude hụma g'ọ dụ-be akpabiri.

Azáya 61:8

“Kẹle mbẹdua, bụ Chipfu bụ iphe, adụje mu ree bụ ikpe, pfụru nhamụnha. Ọphu dụkwanu mu ashị bụru ana nfụ yẹle eme ẹjo-ememe. Ọzo bụ lẹ mu e-me ire-lanụ bua ndibe mu obunggo. Tẹme mu l'ẹphe agbaa ndzụ ojejoje.

Émọsu 5:15

Unu kpọo ẹjo-ememe ashị! Unu eyee eme iphe, dụ ree obu! Unu kpeje ikpe, pfụru ọto l'edupfu; ?a maru; ?Chipfu; bụ Chileke, mbụ Ọkalibe-Kakọta-Ike a-phụru unu obu-imemini; mbụ unubẹ nwa ndu ọphu phọduru nụ lẹ ndu ọnu-ụlo Jiósẹfu.

Zekaraya 8:17

Unu ta achịjekwaru nwibe unu ẹjo idzu l'ime obu unu; ọphu ohejekwa unu ihee akpapyabẹ iphe, unu meru gụa ẹnwa. Iphemiphe ono bụ iphe, dụkota mu ashị. Nokwa iphe, Chipfu eepfu.”

Ọ́gú 7:43

Iphe, ọ nụru bụ gbamụgbamu mkpọla-ọchaa lanụ, ẹrwa iya dụ ụkporo shẹkelu ishii lẹ shẹkelu iri; bya anụkwapho ochi lanụ, e meru lẹ mkpọla-ọchaa, ẹrwa iya dụ ụkporo shẹkelu ẹto lẹ shẹkelu iri. G'ọ ha bụ iphe, eegudeje atụ ẹrwa iphe l'eze-ụlo Chileke bẹ e gude tụa ya. Ọphu nọnu bẹ e yejishikọtaru ukpokutu ereshi, a gwọru lẹ manụ; g'e gude gwee ngwẹja-nri.

Luku 4:18

“Unme Nnajịuphu dụ mu l'ẹhu; kẹle ọ họtaru mu gẹ mu je ezia ndu ụkpa ozi-ọma. O ziru mu gẹ mu je ezia ndu a kpụtaru lẹ ndzụ l'aa-ha phẹ; Mu eje emee ndu atsụ ishi g'ẹphe phụahaa ụzo. Mu eje emee ndu aakpa ẹhu g'ẹphe nweru onwophẹ.

Jiọnu 1:41

Anduru vuru ụzo lọbaru je achọ-vu nwune iya Sayịmonu sụ iya: “Anyi hụmaakwaru Mezaya ọbu, bụ iya bụ Kéreshi ọbu.”

Jiọnu 10:17

“Iphe, meru g'o gude Nna mu yee mu obu bụ lẹ mu tụru ishi ndzụ mu; k'ọphu mu a-nataphu iya azụ.

Jiọnu 20:17

Jizọsu sụ iya: “G'ẹka ngu te erwukwa mu l'ẹhu; kẹle mu teke alarwudu l'igwe jepfu Nna mu. Ọle ọ bụ; tụgbua jepfu ụnwunna mu je asụ phẹ lẹ mu alawaa l'imeli alapfu onye ono, bụ Nna mu; bụru Nna unu ono; mbụ onye ono, bụ Chileke mu bya abụkwarupho k'unu ono.”

Jiọnu 3:34

Noo l'onye ono, Chileke yeru ono epfu opfu, Chileke pfuru. Ishi iya bụ lẹ Chileke ta anụduru iya Unme-dụ-Nsọ nụ-phodo iya ya anụ-phodo.

Ndu-ishi-ozi 10:38

Unu nụmawaru kẹ Jizọsu, bụ onye Nazaretu; gẹ Chileke meru Unme-dụ-Nsọ ji iya ẹhu bya emee ike dụ iya k'ọphu ọ tụkoru ẹkameka jephee nọdu eme iphe, dụ ree; atọje onyemonye l'ẹgbu, Nsetanu keru iya; kẹle Chileke swiru iya.

Ndu-ishi-ozi 4:26

Ndu eze ndiphe nọdu akwakọbe k'ọgu. Ndu-ishi dzukọbe g'ẹphe tsoo Nnajịuphu ọgu; mbụ g'ẹphe tsoo Kéreshi ọgu.

Ndu-ishi-ozi 4:27

Ọ bụ ọkpobe-opfu l'ẹphe dzukọru lẹ Jierúsalẹmu l'ẹka-a; mbụ Herọdu mẹ Pọnchiosu Payịleti; mẹ ndu ọhozo mẹ ndu Ízurẹlu; g'ẹphe tsoo ọkpobe Nwa ngu, bụ Jizọsu, ị họtaru ọgu.

Romu 12:9

Gẹ n-yemobu i yeru nemadzụ ta abụkwaru l'ẹregede. Kpajẹru iphe-ẹji l'aphara; gudeshia ẹka l'eme iphe, dụ ree.

Romu 15:13

Gẹ Chileke, onye bụ iya emeje g'anyi lee ẹnya iphe, o kweru ukwe iya; mee g'ẹhu-ụtso unu dzua oke; l'oomekwaaphọ g'ẹhu dụebe unu guu g'unu ha; kẹle unu kweru nkiya. Ọo ya bụ; g'unu egude ike kẹ Unme-dụ-Nsọ kabakpọo ele ẹnya iphe ono, Chileke kweru ukwe iya ono.

1 Kọrentu 1:9

Chileke apfụshijekwa ike l'iphe, o pfuru. Ọ bụru Chileke ono bẹ kuru unu g'unu lẹ Nwa iya, bụ Jizọsu Kéreshi bya bya abụru nanụ gbarụ mgba l'iphemiphe; mbụ onye bụhukwapho Nnajịuphu anyi ono.

2 Kọrentu 11:31

Sụ-a; ọ kwa Chileke, bụ Nna Nnajịuphu onoya, bụ Jizọsu ono, bụ onye ajaja bụ nkiya jasụ l'ojejoje ono bẹ bụ onye maru l'iphe-a, mu epfu-a ta adụdu ọphu bụ ụka.

Galeshiya 5:22

Obekwanu l'iphe shigbaa lẹ Unme Chileke bụ: n-yemobu; ẹhu-ụtso; nchị-adụ-doo; nshirima; eme odoo; eme ọma; ekweta;

Efesọsu 1:3

Unu g'anyi kele onye ono, bụ Chileke bya abụru Nna kẹ Nnajịuphu anyi Jizọsu Kéreshi ekele; onye bụ iya gọru ọnu-ọma nụ anyịbe ndu anyi lẹ Kéreshi tụgbaru bụru nanụ. Ọnu-ọma ono bụ lẹ Chileke meru; anyi shi Kéreshi l'ẹka yịru l'ọha imigwe. Ọ bụru ẹka o shi bụ l'o wotaru iphe, bụkotakpoo iphe, aanụ anụnu, shi l'ẹka ono woru nụ anyi.

Filipayi 2:9

Noo g'o gude Chileke wolikwanaa ya eli; ọ kakọta iphemiphe l'eli. Ọ bya agụa ya ẹpha, kakọta shii l'iphe, bụ ẹpha, aazajẹ azaza;

Hiburu 2:11

Lẹ yẹbedua ono, bụ Jizọsu ono, emeje gẹ nemadzụ dụebe ree l'iphu Chileke onoya; mẹ ndu ọbu, o meru g'ẹphe dụebe ree ọbu tụkokwaru shi lẹ nna lanụ ono. Noo g'o gude ọphu iphere adụjedu iya eku phẹ ụnwunna iya.

Hiburu 2:9

Ọ chia Jizọsu bẹ anyi hụmaru g'e meru iya ọ ka ụnwu-ojozi-imigwe ọlwali nọo ọdu nwanshịi; onye e kpuberu okpu-eze, dụ biribiri yẹle ọkwabe ùbvù k'ọphu o shi l'eze-iphe-ọma ọphu Chileke eme nwụhu-chiru onyemonye.

Hiburu 7:26

Ọ bụru ẹgube onye-ishi-uke ono bẹ mkpa iya dụru anyi; onye dụ nsọ ọphu ọ dụdu iphe-ẹji, o mejeru. Chileke họfuru iya iche l'echilabọ ndu iphe-ẹji bya ewolia ya doghakọta iphe, bụkpoo eligwe l'ophu.

1 Pyịta 1:3

G'anyi jaa Chileke ajaja. Ọo ya bụ Nna Nnajịuphu anyi Jizọsu Kéreshi. Ọ phụwaru anyi obu-imemini ọphu nyịberu g'aa-tụ ọnu iya. O mewaru Jizọsu Kéreshi: o shi l'ọnwu teta nọdu ndzụ. Ọ gbẹ l'ono nwụ-phu anyi azụ ọzo. Nta-a bẹ anyi elewaa ẹnya ndzụ ọphu anyi a-dzụru jasụ lẹ tuutuutuu lẹ mịimiimii.

1 Jiọnu 1:3

Ọ bụ iphe ono, anyi hụmaru l'ẹnya bya anụma lẹ nchị ono bẹ anyi akọkwarupho unu-a g'anyi l'unu atụgbabe onwanyi. Atụgba ono bụ atụgba ọphu anyi lẹ Chileke, bụ Nna waa Nwa iya, bụ Jizọsu Kéreshi tụgbaru.

Ọphulenya 2:15

Nokwaphọ g'ọ dụru ndu nọ l'echilabọ unu; eme iphe ono, ndu ọgbo Nịkolasu ezi ono, bụkwapho iphe, dụ mu ashị-a.