Ẹkwo Ẹtu 3:3 - BAYỊBURU Izii

³ B'ekwekwa gẹ n-yemobu yẹe ire-lanụ nahụ ngu. Woru iya tụkpoo l'olu g'ọleka; l'i woru iya dee pfube l'ime obu ngu.

Ẹkwo Ẹtu 3:3 ပူးပေါင်းရင်းမြစ်များ

2 Sámẹlu 15:20

?Dẹnu g'ee-shi l'ọo-bụru gụbe onye byaru ụnyaphu bẹ bụwaa ntanụ-a mu abya emee g'i tsoru anyi ghapheaha aghaphe l'ẹbe abụ lẹ mu maru ẹka mu eje ala. Chịta ndibe unu laphu azụ. Gẹ Chipfu phụkwaaru ngu obu-imemini; goshi ngu l'ọ bụ onye apfụshije ike l'iphe, o pfuru.”

Ebvu-ọma 119:11

Opfu ngu bẹ mu domiwaru l'ime obu mu. Ọo ya bụ g'ọ tọ dụkwanu teke mu e-me ngu iphe-ẹji.

Ebvu-ọma 25:10

Ndu eme iphe, dụ l'ọgbandzu Chipfu; bya eme iphe, ọ sụru g'e meje bẹ Chipfu egoshije lẹ ya yeru obu; bya abụru o-me-g'o-pfuru; mbụ ndu edobeje iphe, ọgbandzu ẹphe l'iya pfuru.

Ebvu-ọma 85:10

N-yemobu yẹe ire-lanụ a-gba onwophẹ ndzuta; apfụbekoto yẹe ẹhu-guu anmaa onwophẹ akpa.

Awụfu 13:9

G'omelalị ono bụkwaru iphe-ọhubama, e byiru unu gẹ mbo l'ẹka; dee ya unu g'uri l'iphu; g'e gude nyatajẹru unu l'ekemu Chipfu bụ iphe, unu a-kpụjeru l'ọnu; kẹle ọo Chipfu ono gude ọkpehu iya dzọta unu l'alị Ijiputu.

Awụfu 34:6

Ọ bya aghata l'atatiphu Mósisu etushi onwiya ẹpha sụ: “Ọo mu bụ Chipfu; ọo mu bụ Chipfu; bya abụru Chileke k'obu-imemini; bya abụkwarupho Chileke k'eze-iphe-ọma. Onye ẹhu ete eghujedu eghu ẹgwegwa; onye n-yemobu iya; waa apfụshi ike iya parụ ẹka.

Ẹkwo Ẹtu 1:9

Kẹle opfu phẹ ono a-bụkwaru okpulishi, e-me l'ị dụ ùbvù. Tẹme l'ọ bụru ịyagba-olu, a-tụkpo ngu l'olu gude mee l'ị bụru ẹguru.

Ẹkwo Ẹtu 14:22

?Tọbudu ndu achị ẹjo idzu ephuje ụzo? Obenu lẹ ndu achị idzu-ọma bẹ eeyeje obu; tẹme a nọdu emejeru phẹ ire-lanụ.

Ẹkwo Ẹtu 16:6

Ọo n-yemobu yẹe epfu ire-lanụ bẹ e gude edoshi ẹjo-iphe. Ọ bụru atsụ Chipfu ebvu emeje g'amadụ te eme ẹjo-ememe.

Ẹkwo Ẹtu 20:28

Onye eze, yeru ndu ọ bụ eze phẹ obu bya apfụbe ire iya ọto l'iphu phẹ ta adụkwa iphe-ọnuka, emeje iya nụ. Ọ bụru n-yemobu emeje g'aba-eze iya ono shihu dụngudungu.

Ẹkwo Ẹtu 6:21

Kee ya kpụkpurukpu l'obu ngu g'ọ nọo ojejoje! L'i wokwaru iya phọ tụkpoo onwongu l'olu!

Ẹkwo Ẹtu 7:3

Gbaru iya l'ẹka g'ọ bụru ngu echi mkpụshi-ẹka! L'i woru iya dee edede l'ime obu ngu!

Jieremaya 17:1

“Iphe-ẹji, ndu Jiuda meru bụkwa iphe, e meru l'ígwè bẹ e gude kàá ya àkàkà; bya e gude iphe tụpyiru zịnguzingu dee iphe l'okwekpu ono, bụ obu phẹ; bya ede iphe lẹ mpu iphe, nọgbaa l'ẹnya ẹka ẹphe agwajẹ iphe.

Hosiya 4:1

“Unu nụmakwa Opfu Chipfu; unubẹ ụnwu Ízurẹlu; kẹle Chipfu bẹ opfu dụru ẹphe lẹ ndu bu l'alị-a. Ọ tọ dụkwa onye e gude ire iya ẹka l'alị-a. Ọphu n-yemobu adụkwa iya phọ. Ọphu ọ dụdu onye maru Chileke l'alị-a l'ophu.

Malakayi 2:6

Iphe, ẹphe shi ezije bụru iphe, bụ ọkpobe opfu; ọphu ọ dụdu ntuphu-ire, a nụmajeru phẹ l'ọnu. Mu l'ẹphe swịkpoo ọswi; ẹhu dụ phẹ guu; tẹme ọ bụerupho iphe, pfụru ọto bẹ ẹphe shi emeje. Ẹphe mee ikpoto nemadzụ; ẹphe haa iphe-ẹji phẹ.

Matiyu 23:23

“Nshịo unubẹ ndu ezije ekemu mẹ ndu Fárisii! Unubẹ ndu bụ tụko-l'ẹhu-atụko-l'obu ono. Kẹle unu agbakebeje je anụ Chileke oke-lanụ-l'ụzo-iri l'agbo mẹ anamịta; mẹkpoo ahuji; bya aparu eme ekemu l'ẹka ọ karụ akaka parụ haa, bụ iya bụ ekpe ikpe, pfụru ọto; waa aphụ obu-imemini; waa apfụshi ike l'iphe, onye pfuru. Iphemiphe ono bẹ unu gege anọdua eme; ọle ọ tọ bụkwanu g'unu haa ọphuu.

2 Kọrentu 3:3

Ọ bụwaa g'unu goshije l'unu bụ ẹkwo ọphu Kéreshi deru nụ anyi g'anyi pajẹru. Ẹkwo ọbu ta abụdu mini-ẹkwo bẹ e gude dee ya. Iphe, e gude dee ya bụ Unme, shi l'ẹka kẹ Chileke; mbụkwa Chileke ọphu dzụ ndzụ. Ọphu ẹka e deru iya abụdu lẹ mkpuma, dụ g'okwekpu; ẹka e deru iya bụ l'obu nemadzụ.

Efesọsu 5:9

Kẹle iphe, ìphóró akpatajẹ bụepho ọkpobe eme ọma; mẹ apfụbekoto; mẹ ire-lanụ.

Ditoronomi 6:8

Unu gbajẹru iya l'ẹka g'ọ bụru iphe-ọhubama; unu epfubeje iya l'ọnu-iphu; k'ọphu unu a-nyatajẹ iya.

Hiburu 10:16

“Ọwa-a bụ ọgbandzu, mu l'ẹphe a-gba mẹ mbọku ono -rwuẹpho. Nokwa iphe, Chipfu eepfu. Ekemu mu bẹ mu a-tụshi ye phẹ l'obu; mu edee ya edede l'egomunggo phẹ.”