Ẹkwo Ẹtu 3:2 - BAYỊBURU Izii

² kẹle oo-me g'eswe ndzụ ngu kabaa ogologo; mbụ l'oo-me l'ị kaa nka; tẹme l'oo mekwaphọ g'ẹhu dụ ngu guu.

Ẹkwo Ẹtu 3:2 ပူးပေါင်းရင်းမြစ်များ

1 Ndu eze 3:14

Ọ -bụru l'i tsoru ụzo mu; bya eme iphe, mu tọru ọkpa iya; waa ekemu mu ẹgube ono nna ngu, bụ Dévidi meru ono; bẹ mu e-me g'ị kaa nka.”

Jiobu 5:26

L'ị kakpọo nka kaghee ya akaghe tẹme l'ị bahụje l'ilu. L'ị dụ g'ereshi, e gburu l'ògè iya.

Ebvu-ọma 119:165

Ndu yeru ẹnya l'ekemu ngu bẹ ẹhu dụkpoo guu dụshia ya ike; ọphu ọ dụdu iphe, byaru abụru opfu dụ phẹ l'ọkpa.

Ebvu-ọma 128:6

Ịi-nọdukwapho ndzụ hụma ụnwu nwanwanwaranwa ngu. G'ẹhu-guu bụkwaru kẹ ndu Ízurẹlu.

Ebvu-ọma 21:4

Ọ rwọru ngu ndzụ; ị nụekwa iya ya phọ; mbụ mee g'eswe ndzụ iya bụru ojejoje.

Ebvu-ọma 91:16

Mu e-gude ndzụ ogologo zụ-jia ya ẹpho; goshi iya gẹ mu egudeje adzọ nemadzụ.”

Ẹkwo Ẹtu 10:27

Atsụ Chipfu ebvu akpọriberu ndzụ. Obenu lẹ ndzụ onye ẹjo-iphe bẹ eegbuje mkpirikpu.

Ẹkwo Ẹtu 16:31

Aka nka bụ okpu-eze, dụ biribiri. Ọ bụru onye ndzụ iya pfụru ọto bẹ oorwuje ẹka.

Ẹkwo Ẹtu 4:10

Ngabẹkpodapho nchị nwa mu; g'iphe, mu epfu bahụkwa ngu lẹ nchi; g'eswe ndzụ ngu akabaa igwerigwe!

Ẹkwo Ẹtu 4:4

bẹ nna mu ziru mu iphe sụ mu: “Gudekwa obu ngu g'ọ ha gbakụa ẹka l'opfu-ọnu mu! Meje iphemiphe, mu sụru g'i meje g'ịinodu ndzụ!

Ẹkwo Ẹtu 9:11

Kẹle ọo mụbe mmamiphe e-me g'ị kaa nka. Mbụ-a; mu e-me g'e yekwabaaru ngu apha l'apha olemole i gege anọ l'eliphe-a.

Azáya 32:17

Mebyi, apfụbekoto a-mị bụ lẹ nchị a-dụ doo. Iphe, e-goshi l'a pfụberekoto abụru l'ẹkameka a-da nyọnyoronyo; meji anmapfuru onyemonye jasụ l'ojejoje.

Romu 14:17

L'iphe, bụ lẹ Chileke bụ eze ta abụkwa l'iphe, eeri l'ọnu; ọzoo l'iphe, aangụ angụngu. Ọ kwa apfụbekoto; yẹle nchị-adụ-doo; waa ẹhu-ụtso ọphu shi l'ẹka Unme-dụ-Nsọ.

Romu 15:13

Gẹ Chileke, onye bụ iya emeje g'anyi lee ẹnya iphe, o kweru ukwe iya; mee g'ẹhu-ụtso unu dzua oke; l'oomekwaaphọ g'ẹhu dụebe unu guu g'unu ha; kẹle unu kweru nkiya. Ọo ya bụ; g'unu egude ike kẹ Unme-dụ-Nsọ kabakpọo ele ẹnya iphe ono, Chileke kweru ukwe iya ono.

Romu 5:1

Ọo ya bụ lẹ Chileke gụwaru anyi lẹ ndu pfụberekoto opfu l'anyi kweru nkiya. Nta-a bẹ anyi shiwaa l'ẹka Nnajịuphu anyi, bụ Jizọsu Kéreshi; ẹhu dụwaa anyi guu l'ọnodu anyi lẹ Chileke.

Ditoronomi 11:21

Ọo ya bụ k'ọphu gụ l'ụnwegirima ngu a-ka nka l'alị ono, Chipfu riburu angụ lẹ ya a-nụ nna ngu oche phẹ ono; g'ẹphe buru jasụ teke mgboko a-nọ-beru.

Ditoronomi 5:32

“Ọo ya bụ; unu kwabẹkwa ẹnya; meje iphe, Chipfu, bụ Chileke unu sụru g'unu meje. Unu ta ahakwa iya; meahaa iphe ọzo.

1 Timoti 4:8

Kẹle ahụ̀hù ọphu aahụ̀ ogwẹhu bẹ urwu, dụ iya nụ hakwa nwanshịi; obenu l'ọphu urwu gbaru mgburugburu bụ lẹ nemadzụ anụru Chileke opfu. Noo kẹle Chileke kweru ukwe lẹ ndu eme nno bẹ ya e-meru eze-iphe-ọma lẹ ndzụ ọphu ẹphe nọ nta-a; bya emeeru phẹ iya lẹ ndzụ ọphu ẹphe a-nọdu l'ọduliphu.