Ẹkwo Ẹtu 2:4 - BAYỊBURU Izii

⁴ mbụ-a; teke ọogu ngu ẹgu g'onye mkpọla-ọchaa agụ; tẹme ị nọdu achọ iya g'onye achọ ẹku, e domiru edomi;

Ẹkwo Ẹtu 2:4 ပူးပေါင်းရင်းမြစ်များ

Mbụlembu 26:32

Ọ bụru mbọku ono bẹ ndu-ozi Áyizaku byaru bya epfuaru iya kẹ wẹlu phọ, ẹphe tụru phọ sụ iya l'ẹphe hụmakwaru mini.

Jiobu 3:21

mbụ ndu anwụhu agụ ẹgu; ọphu o kwedu phẹ egbugbu; ndu anọduje achọ iya gẹ ndu achọ ẹku, ere ire, e domiru edomi.

Ebvu-ọma 119:127

Ọo l'ọle mu yeru iphe, ị sụru g'e meje obu; yeghata iya gẹ mu yeru ọkpobe mkpọla-ododo;

Ebvu-ọma 119:14

Ẹhu anọduje atsọ mu ụtso mẹ mu nọdu eme iphe, ị tụru l'ekemu; ẹgube ono, ẹhu atsọje onye kparụ ẹku kpashịa ya ike ono.

Ebvu-ọma 119:72

Ekemu, shi ngu l'ọnu bẹ mu kakwa agụbe iphe eme l'ụnubuku mkpọla-ododo waa mkpọla-ọchaa.

Ebvu-ọma 19:10

Ọ ka mkpọla-ododo agụ ẹgu; gẹ mkpọla-ododo ono adụhabe ree. Tẹme ọ tsọhaa manụ-ẹnwu l'ụtso; m'o rwuhaa ọ bụru ẹbakala-ẹnwu.

Ẹkwo Ẹtu 16:16

Hụmawaro g'ọ kabe ree enweru mmamiphe eme l'enweru mkpọla-ododo. Mbụ ahọta nkwamẹnya haa mkpọla-ọchaa.

Ẹkwo Ẹtu 2:3

ọ -bụru l'i kuru amaru iphe, dụ omilomi; bya echiku nkwamẹnya lẹ mkpu;

Ẹkwo Ẹtu 23:23

Zụta ire-lanụ! Be rephukwa iya azụ! Maru iphe! Bụru onye a hụ̀ru àhụ̀hù; yẹe onye iphe edoje ẹnya.

Ẹkwo Ẹtu 4:7

Ọo mmamiphe bụ ishi; ọo ya bụ g'ị chọo mmamiphe! Obetakpọo o je ephu ngu gụnu; ta ahakwa achọ nkwamẹnya!

Ẹkwo Ẹtu 8:17

Ndu yeru mu obu bẹ mu yekwarụ obu; tẹme ndu achọ mu nụ achọshi mu ike je l'achọta mu.

Oziphe 4:8

Ọ dụru nwoke, bụ nkịnyi, enwedu nwa nwoke; ọphu o nwedu nwune nwoke. Ọ nọdu anọduje ese akanya mkpụrumkpuru. Ọphu ẹku, ọ kpatarụ ejijedu iya ẹpho ejiji. Ọphu o teke ajị-swee onwiya sụ: “?Bụnaa onye bẹ mu eseru akanya-a? ?Bụnaa gụnu bẹ mu anashịnaa onwomu ẹhu-ụtso ẹgube-a?” Iphe, dụ nno bụkwa iphe-mmanụ; bya abụru nsegbu akanya.

Matiyu 13:44

“Ẹka Chileke bụ eze dụ g'iphe, vu oke aswa, e woru domia edomi l'ẹgu. Onye lanụ je ahụma iya woru iphe kpuchia ya; teru ẹswa lashịa. Ọ laa je atụko iphemiphe, o nweru reshia je azụa alị ono.”

Matiyu 19:29

Ọzo bụ l'onyemonye, gude opfu ẹhu mu haa ụlo, o nwegbaarụ; ọzoo unwune iya nwoke; ọzoo unwune iya nwanyị; ọzoo nna iya; ọzoo ne iya; ọzoo ụnwu iya; ọzoo alị iya; bẹ Chileke a-pfụ ụgwo iphe, ha g'iphe, ọ harụ mgbo ụkporo ise; tẹme e -mechakwaphọ Chileke anụ iya ndzụ ojejoje.

Luku 16:8

Nnajịuphu onye-ishi ndu-ozi ono, 'eegudedu ire iya ẹka ono jakpọo ya ajaja; opfu l'o meru umere onye kwarụ ẹnya; kẹle ụnwu-eliphe ka akwa ẹnya l'iphemiphe, ẹphe l'ọgbo-nta-a eme; eme lẹ ndu nọ l'ìphóró Chileke.”