Ẹkwo Ẹtu 17:3 - BAYỊBURU Izii

³ Ite bẹ e gude eghe mkpọla-ọchaa egheghe. E gude ọku ahụ̀ mkpọla-ododo ama. Obenu l'ọo Chipfu bụ onye ahụje obu amadụ ama.

Ẹkwo Ẹtu 17:3 ပူးပေါင်းရင်းမြစ်များ

1 Iphe, ndu eze meru 29:17

Chileke mu; mu maru l'ịidaleje obu; ọ bụru obu, gụru ìphóró adụje ngu ree. Ọ bụru obu, gụru ìphóró bẹ mu gude nụkota ngu iphe-a g'ọ ha ẹgube oovu mu evuvu. Nta-a bẹ mu hụmawaru ndibe mu, bụ ndu ọphu nọ l'ẹka-a g'o vu phẹ evuvu; ẹphe gude ẹhu-ụtso anụ ngu iphe.

Jiobu 23:10

Ọle mbẹdua ta adụkpodaa ụzo, mu shiru, ọ madụ. Ọ bụru iya bụ ọ -hụchaa mu ama; mu amaaha mma gẹ mkpọla-ododo.

Jiobu 28:1

Sụ-a; ẹka eebvutajẹ mkpọla-ọchaa dụ. Ụ́zú, aakpụje mkpọla-ododo dụkwapho.

Ebvu-ọma 139:23

Vọchanaa ọkpoma mu jiko Chileke; maru iphe, dụ mu l'obu. Hụnaa mu ama maru g'ọriri mu gbaru.

Ebvu-ọma 26:2

Hụnaa mu ama Chipfu! Nyochana mu enyocha! Lerwenaa ẹnya elerwe l'ime obu mu waa l'egomunggo mu.

Ebvu-ọma 66:10

Noo kẹle gụbe Chileke hụwaru anyi ama; bya emee anyi; anyi dụ ree gẹ mkpọla-ọchaa, a hụru l'ọku.

Ẹkwo Ẹtu 15:11

Alị-maa yẹe alị ọla-l'iswi tụkokwaru gheru ọnu l'iphu Chipfu. ?Bụ-chia ọkpoma amadụ te eghedụru ọnu l'iphu iya?

Ẹkwo Ẹtu 16:2

Iphemiphe, nemadzụ emekpọo dụebe ree l'ẹnya nkiya. Obenu lẹ Chipfu maru iphe, dụ iya l'uche teke o meru iya.

Ẹkwo Ẹtu 17:2

Onye-ozi, maru iphe bẹ l'e-mechaa bụru ishi nwa nnajịuphu iya; mbụ nwa ọphu anọduje eme iphe-iphere ekpu ndu nwụru iya nụ. Ooje l'emecha keta iphe nnajịuphu g'ụnwu iya ketarụ.

Ẹkwo Ẹtu 21:2

Iphemiphe, nemadzụ eme apfụjeru nhamụnha l'ẹnya onye ọbu. Obenu l'ọo Chipfu maru obu onyemonye.

Ẹkwo Ẹtu 27:21

Ite bẹ e gude eghe mkpọla-ọchaa egheghe. E gude ọku ahụ mkpọla-ododo ama. Obenu l'amadụ bụ ajaja, aaja iya bẹ e gude ahụ iya ama.

Azáya 48:10

Tii ledu; mu hụchaakwaru ngu ahụcha; l'ẹbe abụ l'ị bụ mkpọla-ọchaa. Mu byakwapho ahụa ngu l'ọku-ụzu, bụ iya bụ iphe-ẹhuka.

Jieremaya 17:10

Ọo mụbe Chipfu enyoje obu; tẹme mu nọdu eleje egomunggo ule; k'ọphu mu a-pfụ onyemonye ụgwo g'umere iya gbaru; mbụ g'iphe, o meru gbaru.”

Ezekẹlu 22:18

“Nwa ndiphe; ndu Ízurẹlu bẹ dụkwaa mu g'iphe, gbaru ẹgba. Mbụ l'ẹphe dụkota g'ope; mẹ ogbongu; mẹ iphe-ígwè; mẹ mkpuma ọta-njele, kwarụ l'ọku ụzu. Iphe, ẹphe bụepho bẹ bụ ẹgba mkpọla-ọchaa.

Danẹlu 11:35

Ndu ono, bụ ndu maru iphe ono bẹ ụpfu a-hakwaru-a dụ; k'ọphu aa-hụ phẹ àhụ́hú g'ẹphe gbuchafụ dụebe ree; mee phẹ; ọ tọ dụdu ẹka ụta a-dụ phẹ l'ẹhu gbiriri jasụ lẹ teke ikpazụ; kẹle teke ikpazụ ono a-byakwa lẹ teke a tụberu.”

Zekaraya 13:9

Ọ bụru ụzo lanụ l'ụzo ẹto ono bẹ mu e-woru ye l'ọku; mu abya ahụcha phẹ ahụcha g'onye ahụcha mkpọla-ọchaa; bya ahụa phẹ ama; g'onye ahụ mkpọla-ododo ama. Noo teke ẹphe e-ku ẹpha mu; mu aza phẹ ẹnu. Mu a-sụ l'ẹphe bụkwa ndibe mu; ẹphebedua asụ lẹ Chipfu bụkwa Chileke phẹ.”

Ditoronomi 8:16

Mbụ onye bụ iya nụru unu mana l'echiẹgu, bụ nri, nna unu oche phẹ amadụ. Ọ bụru iphe, kparụ iya nụ bụ l'oome g'ọ gọ-zeta unu; hụa unu ama; meeru unu ree l'ikpazụ iya.

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?

1 Pyịta 1:7

k'ọphu e-gude iphe-ẹhuka ono hụta ekweta unu ama maru ?tọ dụdu nụ nyẹgenyege. Unu leanarọ mkpọla-ododo. Ọ bụ iphe, vu oke aswa tẹme ọ nọdu emebyihujekwanu emebyihu. Ọ bụleru-a l'ọku bẹ aahụje iya gude maru ?ọ bụ ọkpobe iya. Nokwaphọ g'aahụta ekweta unu ama g'a maru ?ọ bụ ọkpobe iya. Ekweta ono bẹ unu maanarụ-a l'aswa iya ka kẹ mkpọla shii. A -dalechaa ya; ọ -bụru ọkpobe ekweta; l'aa-jaa unu ajaja; mee g'unu nwua phoo g'ìphóró, shi Chileke l'ẹka; aakwabẹkwapho unu ùbvù. Ọ bụru mbọku ono, Jizọsu Kéreshi a-bya ono bẹ ọo-nwụkota nno.

Ọphulenya 2:23

Ụnwu iya g'ẹphe ha bẹ mu e-chigbushikọta echigbushi. Ọo ya bụ g'iphe, bụ Chịochi g'ẹphe ha amakwanụru l'ọo mbẹdua bụ onye ono, l'enyochajẹ uche nemadzụ; nyochaa ọkpoma iya maru iphe dụ iya l'egomunggo ono. Sụ-a; g'unu hakọtakpoo l'onye l'onye bẹ mu a-nụkotachaa aphụ gbaru iya nụ l'ẹhu l'ẹhu. Onyemonye bẹ mu a-nụ aphụ lẹ g'iphe, o meru gbaru.