Ẹkwo Ẹtu 10:2 - BAYỊBURU Izii

² Ẹku, a kparụ ẹjo akpakpa ta adụkwa urwu, ọ barụ. Obenu l'apfụbekoto adzọtaje nemadzụ l'ẹka ọnwu.

Ẹkwo Ẹtu 10:2 ပူးပေါင်းရင်းမြစ်များ

Ẹkwo Ẹtu 11:4

Ẹku ta adụkwa urwu, adụkwadu iya nụ mbọku, ẹhu e-ghu Chileke oke eghu. Obenu l'apfụbekoto adzọje nemadzụ l'ẹka ọnwu.

Ẹkwo Ẹtu 21:6

Ẹku, a kparụ lẹ tuphutuphutuphu ta adụdu g'ọono-bejeru l'oophukashịhu. Tẹme ndu akpa ẹku l'ụzo, dụ nno bụ ọnwu bẹ ẹphe achọ.

Ẹkwo Ẹtu 12:28

Ụzo, a pfụberekoto eshi bẹ ndzụ dụ. Mbụ lẹ gbororo iya bẹ anwụhu adụkpodaa ililekpọo.

Romu 5:21

Ọ kwa anwụhu bẹ iphe-ẹji gude bụru eze. Nokwaphọ g'ọ bụ apfụbekoto bẹ eze-iphe-ọma kẹ Chileke gude bụkwarupho eze. Ọ bụru apfụbekoto ono, shi l'ẹka Nnajịuphu anyi, bụ Jizọsu Kéreshi ono edu anyi ala lẹ ndzụ ọphu ọnwu ta adụhedu.

Zefanaya 1:18

“Ọphu mkpọla-ọchaa phẹ mẹ mkpọla-ododo phẹ adụkwa ike anafụta phẹ mbọku ono, Chipfu a-tụ-koshi ndiphe oke ẹhu-eghu iya ono; mbụ l'okophoo, ọo-nọdu eko e-tsufu mgboko l'ophu g'ọku, etsu etsutsu. Oo-mee g'iphe, bụkpoo ndu nọ lẹ mgboko l'ophu chịhu nchịhu lanụ.”

Ezekẹlu 7:19

Mkpọla-ọchaa phẹ bẹ ẹphe e-tuphashịchaa lẹ gbororo ụzo; mkpọla-ododo abụru phẹ iphe, aasọ nsọ. Mkpọla-ọchaa phẹ; mẹ mkpọla-ododo phẹ bẹ taa dụdu ike adzọta phẹ lẹ mbọku, Chipfu a-tukoshi phẹ oke ẹhu-eghu iya ono. Ọ tọo dụdu ike eme g'ẹgu ta agụhe phẹ; ọphu ẹphe egudeẹdu iya azụ-ji onwophẹ ẹpho; kẹle o mewaru; ẹphe nwulahụ l'eme ẹjo-iphe.

Romu 2:5

Obenu lẹ nta-a bẹ i nweru ẹjo ọkpoma kwefu ike g'odoo, Chileke eme te eme g'izimanụ lwa ngu azụ. Ọo ya bụ l'iime g'iphe-ẹhuka nkengu ka shii mbọku ikpe ono, Chileke e-goshi oke-ẹhu-eghu iya mẹ g'ikpe nkiya dụ, bụ iya bụ ikpe pfụru-ọto ono.

Filipayi 3:9

Mẹ k'ọphu mu e-goshikwanụ lẹ mu l'iya tụgbaru bụru nanụ. Ọphu mu emeẹdu g'a sụje lẹ mu bụ onye pfụberekoto, bụ ọphu shi l'eme iphe, ekemu pfuru; ọ bụwaru ọphu shi l'ekweta kẹ Kéreshi. Ọ bụru ono bụ apfụbekoto ọphu shi Chileke l'ẹka bya eshikwaphọ l'ẹka kẹ Kéreshi.

Danẹlu 4:27

Ọo ya bụ lẹ-a; gụbe eze; kwekwa nata idzu-a, mu abya achịru yeru ngu-a! Watakwa eme iphe, pfụru nhamụnha gude haa eme iphe-ẹji; l'ị wata emeru ndu aakpa ẹhu ree gude haa ẹjo-iphe, iimegbabẹ. G'a maru ?ẹhu a-dụ ngu guu dụriberu?’ ”

Ẹkwo Ẹtu 13:11

Okpoga, a kpatarụ l'ụghoshi anọduje ala azụ azụ. Obenu l'onye gude ẹka iya akpa okpoga nwanshịi nwanshịi l'emeje iya l'ọoka shii eje.