Ebvu Aphụ 5:7 - BAYỊBURU Izii

⁷ Nna anyi phẹ bẹ meru iphe-ẹji; nwụshihu. Ọ bụru anyịbedua byaru evuta aphụ, dụ iya nụ.

Ebvu Aphụ 5:7 ပူးပေါင်းရင်းမြစ်များ

Jieremaya 31:29

O -rwua mbọku ono bẹ a taa sụbaedu: Nna anyi phẹ bụkwa akpụru vayịnu, achaduru achacha bẹ ẹphe riru. Ọ nọdu akpọ ụnwu phẹ eze ihuku.

Jieremaya 16:12

O be l'unubẹdua; unu bya emekpọero ẹjo-iphe, kabaa kẹ nna unu phẹ ẹji. Unu hụmanu g'unu tụkoru g'unu hakpọo l'ẹhu l'ẹhu tụko etso ẹjo-ọkpoma unu; haa eme iphe, mu sụru g'unu meje.

Ezekẹlu 18:2

?Bụ gụnu bẹ ẹtu ono, unu anmajẹ l'alị Ízurẹlu ono bụ? Mbụ ẹtu ono, unu anmajẹ sụ: “Ndu bụ nna erije akpụru vayịnu, anwụ ọnu; ézé agbẹ je akpọahaa ụnwegirima yigayiga.

Jieremaya 14:20

Gụbe Chipfu; ẹjo-iphe, anyi emegbabẹ rwuakwaru anyi l'ẹhu; yẹe ikpe, nmarụ nna anyi oche phẹ. Anyi meakwaru ngu iphe-ẹji eviya kpọ.

Awụfu 20:5

Unu ta abajẹkwaru phẹ ẹja; ọphu unu ejejekwaru phẹ ozi. Noo kẹle mụbe Chipfu, bụ Chileke unu eko okophoo. Mu nọdu anụje ndu mu dụ ashị aphụ k'iphe, dụ ẹji, ẹphe meru mu; gude iya nụa ụnwu phẹ aphụ; mẹ ụnwu nwanwa phẹ; mẹ ụnwu nwanwanwaranwa phẹ.

Jieremaya 31:15

Wakwa iphe, Chipfu epfu baa: “A nụmaru ụzu-ẹkwa lẹ mkpụkpu Rama; mbụ ẹkwa anwụhu mẹ oke nggụmaphu. Ọ bụru Rechiẹlu l'ara ẹkwa ụnwu iya; ọphu o kwedu g'e gbobuta iya egbobuta; opfu l'ụnwu iya bvụeberu.”

Mbụlembu 42:36

Nna phẹ Jiékọpu sụ phẹ: “?Unu eme g'ụnwu mu bvuẹbe? Jiósẹfu ta nọhedu; ọphu Simiyọnu anọedu; tẹme unu nọdu emefụkwaapho g'unu natafụa mu Benjiaminu. Mbẹdua bụkpowa oshi ụkpara-ẹhu.”

Zekaraya 1:5

?Bụ awe bẹ ndiche unu ọbu nọ nta-a? Tọo ndu mpfuchiru ọbu; ?ẹphe anọje ndzụ ojejoje tọo?

Jiobu 7:21

?Dẹnukpoo g'o gude ọphu ị kabẹkpodaa gụaru mu nvụ l'ẹka mu meswekpọoru; mbụ pawarụnu haa l'ẹjo-iphe ọbu, mu eme ọbu; kẹle ọ tọ dụkwa g'ọo-nọ-beru l'e kpochia mu ẹja. L'ị chọo mu nta chọo imo; ị tịi hụmaedu mu.”

Jiobu 7:8

Onye hụmaru mu nta-a e-mechaa; ọ tọo hụmabaedu mu ọzo; mbụ l'ii-mechaa chọo mu achọcho; ọle ị tịi hụmabaedu mu.

Mbụlembu 42:13

Ẹphe sụ iya: “Anyịbe ndu-ozi ngu dụkwa iri l'ẹbo tụko shi lẹ nna lanụ buru l'alị Kénanu. Onye kẹ nwata bẹ ẹphe lẹ nna anyi nọkwa l'unuphu; onye lanụ ta anọedu ndzụ.”

Ọ́gú 14:18

‘Chipfu bụ onye ẹhu te eghujedu eghu ẹgwegwa; bya abụru onye n-yemobu iya nyịberu anyịbe; bya abụru onye agụje nvụ l'iphe-ẹji; mẹ l'emeswe, e mesweru iya. Obenu l'ọ bụkwapho onye ta ahajẹdu onye-ikpe nmarụ kẹ mmanụ. Ọogwaje ụnwegirima ọchi iphe-ẹji, ndu nwụru phẹ nụ meru jasụ l'ọgbo k'ẹto rwua lẹ k'ẹno.’

Jieremaya 16:11

Noo teke ịi-sụ phẹ lẹ Chipfu sụkwaru-a: Iphe, kparụ iya nụ bụ lẹ nna unu phẹ gbadoru mu. Ẹphe gbadoru mu je agwaahaa agwa ọzo; je ejeahaaru phẹ ozi; bya awata phẹ abarụ ẹja. Ẹphe gbado mbẹdua; ọphu ẹphe emeẹdu ekemu, mu tụru phẹ.

Ezekẹlu 16:58

Ii-ri urwu ụkpara ono; mẹ urwu ẹbyi ono, i mekọtaru ono. Noo iphe, Chipfu epfu bụ ono.