Ebvu Aphụ 4:3 - BAYỊBURU Izii

³ Mbụ-a; nkụta-ọswa bẹ echebejekwa ụnwu iya ẹra; obenu lẹ ndibe mu bẹ ẹjo obu, dụ phẹ nụ bẹ dụ gẹ k'oke-ẹnu, bu l'echiẹgu.

Ebvu Aphụ 4:3 ပူးပေါင်းရင်းမြစ်များ

1 Ndu eze 3:21

A fụta l'ụtsu iya; mu bya agbalihu gẹ mu chebe nwa mu ẹra; ọ bụwaru nụ odzu. Nchi bọhuepho ree; mu bya atọ nwẹhu lerwee nwata ono ẹnya; bya ahụma l'ọ tọ bụdu nwa nkemu.”

Azáya 13:22

Achị-anmabu a-nọduje l'ụlo phẹ, a kpụshiru ike ara ntụmatu. Nkụta-ọswa akụru l'ụlo phẹ ndu ọphu shi bụru ẹguru ụlo. Ọzo bụ lẹ teke ee-me iya iphe ono dụwaa ntse; mbụ l'ọ tọo nọedu ọdu l'ọ nwụa.”

Azáya 34:13

Ẹwu-óbvú erwuchia l'ụlo-eli, dụ iya nụ. Ole-karara yẹe ẹgbara atụko ụlo iya, a kpụshiru ike zechia. Iphe, a-nọdu akpa iya ụri abụru nkụta-ọswa. Mgbashị-ujiku eworu iya mee ibe phẹ.

Azáya 49:15

Ne; ?ọozohaje nwa, angụ iya ẹra l'obu; mbụ kẹ g'ọ tọ phụru nwa, bụ iya nwụru iya obu-imemini? O -jekpọonu azọha bẹ ọo-zọhakwaa; obenu lẹ mbẹdua ta azọhadu ngu!

Jieremaya 19:9

Mu e-me phẹ g'ẹphe taa anụ ụnwegirima ibe phẹ; tẹme ẹphe ataa anụ nwibe phẹ teke ono, iphe a-nọdu atsụ phẹ l'ẹhu ono, bụ teke ndu ọhogu phẹ, l'achọ ndzụ phẹ e-kephe phẹ mgburugburu ono.

Ebvu Aphụ 2:20

Gụbe Chipfu; lenaa ẹnya hụmadupho. ?Bụ onye bẹ i mejewaru ẹgube-a? ?Bụ g'ụnwanyi taahaa anụ ụnwegirima phẹ; mbụ ụnwegirima, angụkwadu phẹ ẹra? ?Bụ g'e gbushiaha ndu-uke; mẹ ndu mpfuchiru l'ụlo-nsọ kẹ Nnajịuphu?

Ebvu Aphụ 4:10

Ụnwanyi, nweru obu-imemini bẹ gudechawa ẹka phẹ shia ụnwegirima phẹ l'ite taa; ọ bụru nri phẹ lẹ teke ono, ndibe mu larụ l'iswi ono.

Ezekẹlu 5:10

Ọo ya bụ lẹ-a; l'echilabọ unu bẹ ndu bụ nna a-ta anụ ụnwu phẹ; ụnwegirima ata anụ nna phẹ. Mu a-nụ unu chịipfuu. Ndu ọphu phọduru nụ bẹ mu a-chịru tụkaa nanụ nanụ.

Ndu Uke 26:29

Noo teke unu a-wata eri anụ ụnwu unu unwoke; mbụ richaa ria anụ ụnwu unu ụnwanyi.

Romu 1:31

Ẹphe bụ ndu enwedu egomunggo; ọphu e gudedu ire phẹ ẹka. Ẹphe ta aphụjeduru nwibe phẹ obu-imemini; ẹbe ẹphe enwedu obu-ọma.