Ebvu Aphụ 4:2 - BAYỊBURU Izii

² Ụnwu Zayọnu, vugbaa oke aswa ono; mbụ ndu ono, shi aba urwu g'ọkpobe mkpọla-ododo ono; bẹ byawaru adụ rịvo rịvo gẹ ite, e gude ụrwa kpụa; mbụ g'iphe, ọ-kpụ-ite gude ẹka kpụa.

Ebvu Aphụ 4:2 ပူးပေါင်းရင်းမြစ်များ

Azáya 30:14

Ọo-kụkposhihu g'onye kụkposhiru ite-ụrwa; tụkaa ya nanụnanu ẹhuka ẹhuka; k'ọphu bụ l'ibiribe iya bẹ a taa hụmadu g'ọ ka mma l'ọo mkpebahụ iya g'e gude gụta ọku l'ovokọku; ọzokwanu g'e gude kwọta mini l'obvu-mini.”

Azáya 51:18

L'ime ikpoto ụnwu ono, ọ nwụshiru ono ta adụdu g'ọ ka mma l'ọo onye lanụ letaru iya ẹnya. L'ikpoto ụnwu ono, o metaru ono bẹ ọ tọ dụdu mẹ nanụ setarụ iya l'ẹka.

Jieremaya 19:1

Wakwa iphe, Chipfu epfu: “Je azụta ite-ụrwa l'ẹka ọkpu-ite. G'unu lẹ ndu bụ ọgerenya mkpụkpu yẹe ndu bụ ọgerenya uke Chileke hakwaru swịru.

Jieremaya 19:11

l'ị sụ phẹ-a: Wakwa iphe, Chipfu, bụ Ọkalibe-Kakọta-Ike eepfu: Mu a-tụkposhi ọha-a yẹe mkpụkpu-a ẹgube-a, a tụkposhiru ite ọ-kpụ-ite-a; ọphu a byadu l'agbakọbe iya ọzobaa. Ẹphe e-li odzu lẹ Tofẹtu; noo kẹle a taa hụmaedu ẹka ọzo, aa-nọdu elidzuru phẹ.

Jieremaya 22:28

Jiehoyakinu-a; ?ọ bụ ite-ụrwa, tụkpohuru nụ, a jịkaru ajịka tọo? Mbụ iphe, adụdu onye ọ dụ ree? ?Bụ gụnu meru g'o gude a chịru yẹe ụnwegirima ibe iya etuphashia; je eworu phẹ chịru ye l'alị ẹka ẹphe amadụ?

Ebvu Aphụ 2:21

Ẹgirima mẹ ọgerenya bẹ tụkoru dabyigbaaru l'alị l'ọma etsuzọ. Unwokoro me ụnwumgboko mu phẹ bẹ e gudewaa ogu-echi gbukọta. Ọo mbọku, ẹhu eghu ngu eghu bẹ i gbushiru phẹ. I gbushiru phẹ; ọphu ị tị phụduru phẹ obu-imemini.

Ebvu Aphụ 5:12

Ẹphe gude ẹka phẹ swị-gbushia ndu-ishi. Ọphu aakwabẹjeedu ndu bụ ọgerenya ùbvù.

Hosiya 8:8

“Ndu Ízurẹlu bẹ e lweakwaru elwelwe. Nta-a bẹ ẹphe anọdu l'echilabọ ọhamoha bụru okpokoro iphe, adụdu iphe, dụ iya nụ;

Zekaraya 9:13

kẹle mu e-woru ndu Jiuda kwee g'onye kweru ụta; mu eworu ndu Ifuremu mee g'ọ bụru apfụ, e gude agba ụta ọbu. Mu a-kpatsu ndibe gụbe Zayọnu g'ẹphe dapfu ndibe gụbe Gurisu. Mu emee ngu g'ị du g'ogu-echi, onye dụ ike l'ọgu pa.”

2 Kọrentu 4:7

Sụ-a; anyi dụekwapho g'ite, e gude ụrwa kpụa, Chileke woru iphe ono, ereshi ire ike ono, bụ iya bụ ìphóró iya ono woru dẹe. Iphe, o gude dẹe ya nno bụ g'a hụma l'ike iya ono, nyịberu anyịbe ono te eshidu anyi l'ẹka; l'ọo yẹbedua bẹ o shi l'ẹka.

2 Timoti 2:20

“Eze-ụlo, ha shii ta abụekwapho ụdu ite, dụ iche iche, e gude mkpọla yẹle ope, vu aswa kpụa bẹ adụje iya nụ kpoloko. Iphe, a pyịru l'oshi mẹ ọphu a kpụru l'ụrwa adụjechakwaa ya. Ndu abụru iphe, aanọdu akwabẹ ùbvù; ndu abụerupho iphe, e gude eme iphe.