Ebvu Aphụ 3:1 - BAYỊBURU Izii

¹ Ọo mbẹdua bụ onye gudekpọo ẹnya mu hụma iphe-ẹhuka ono, Chileke gude oke ẹhu-eghu iya echi g'eechi mgbọro ono.

Ebvu Aphụ 3:1 ပူးပေါင်းရင်းမြစ်များ

Jiobu 19:21

Unu kabẹnu phụaru mu obu-imemini unubẹdua, mu l'unu eshi ọ̀nyà. G'imemini mu kabẹnu dụ unu; l'ọ kwa Chileke chiru mu ẹka-a, mu l'iya eme-a.

Ebvu-ọma 102:11

Nwujiku ole, mu a-nọ l'eliphe-a dụwaa g'onyonyo ụzenyashi. Mu anọdujeepho anwụ lwaalwaa g'ẹswa.

Ebvu-ọma 71:20

A makwarụ-a l'i mewaru mu; mu jee ikpoto iphe-ẹhuka, parụ ẹka bya adụ ẹjo ẹji; ọle mu maru-a l'ii-mechaa mezia ndzụ mu; mbụ l'ii-kufuta mu l'ime ilu.

Ebvu-ọma 88:7

Oke ẹhu-eghu ngu zụpyabeshiru mu ike. I gudewaa akparamini nkengu byaru mu ye l'ime mini.

Azáya 53:3

Ndiphe nmarụ iya phulaphula bya ajịka iya. Ọ bụ nwoke, aphụ tsọru; bya abụru onye eje iphe-ẹhuka kwọwaru ẹhu; onye ndiphe abụjeru: ẹphe -hụma iya; ẹphe aghaa iphu l'ibiya ọzo. Mbụ l'a nmarụ iya phulaphula; ọphu ọ dụdu iphe, anyi gụberu iya.

Jieremaya 38:6

Tọbudu iya bụ; ẹphe kpụta Jieremaya jeye l'oke iduma Malukayịjia, bụ nwa eze. Oke iduma mini ono nọ l'ọma-unuphu ẹka ndu nche anọje. Ọ bụru eri bẹ ẹphe tụru iya seru ye l'iduma ọbu. Teke ono bẹ mini ta adụdu l'iduma ono. Iphe, dụ iya nụ bụru ẹpuchi. Jieremaya bụru bvụbvurubvu l'ẹpuchi ono.

Jieremaya 43:6

Ẹphe dutakwaphọ iphe, bụkpoo unwoke; yẹe ụnwanyi; yẹe ụnwegirima; yẹe ụnwada eze; mẹkpoo ndu Nebuzaradanu, bụ onye-ishi ndu ojọgu, anọduje eche eze ndu Bábilọnu nche tụkoru haarụ Gedalaya, bụ nwa Ahikamu; bụru nwanwa Shafanu; chịtachaa mẹ Jieremaya, bụ onye mpfuchiru; yẹe Baruku nwa Neraya.

Jieremaya 8:21

Eshinu e gwewaru ndibe mu arakabya bụkwa mu bẹ e gwepyashịru. Mu agụkwa aphụ; tẹme ndzụ-agụgu nọdu agụshi mu ike.