Ebvu Aphụ 2:9 - BAYỊBURU Izii

⁹ Ọnu-ọguzo iya bẹ mibachawaru emiba l'ime alị. Mgbo-ígwè iya bẹ ọ nyakwoshichawaru anyakwoshi bya eworu iya mebyishia. Onye eze iya; mẹ ndu-ishi iya bẹ lakọtawaru ọhozo je eburu. Ọphu ọ dụedu ekemu, nọ swiru phẹ nụ. Ọphu ndu mpfuchiru iya l'ophu aphụjeedu ọphulenya, shi Chipfu l'ẹka.

Ebvu Aphụ 2:9 ပူးပေါင်းရင်းမြစ်များ

2 Ndu eze 25:7

Ẹphe gbushia ụnwu Zedekaya; ọ nọdu ele phẹ ẹnya; a nọdu egbushi phẹ. E mechaa bya aswọshia yẹbedua akpụru-ẹnya; gude ẹgbirigba, e meru l'onyirubvu tụa iya mkpọro kpụta lashịa Bábilọnu.

2 Iphe, ndu eze meru 15:3

A nọwaru ọdu, ndu Ízurẹlu nọ; ọphu ẹphe enwedu ọkpobe Chileke; ọphu ẹphe enwedu ndu-uke Chileke, ezije phẹ iphe; tẹme ọphu ẹphe enwedu ekemu Chileke.

Nehemaya 1:3

Ẹphe sụ mu lẹ-a: “Ndu ono, e shi kpụa lẹ ndzụ laa alị ọzo; ẹphe mechaa laphu azụ l'alị ndu Jiuda ono bẹ ọnodu phẹ dụkwa ẹji shii; mbụ l'ọnodu phẹ bẹ iphere iya dụkwa. Igbulọ Jierúsalẹmu bẹ e nwukpọshichaaru enwukpọshi; tẹme ọnu-abata iya bẹ ọku tsukọtaru.”

Ebvu-ọma 74:9

Ọphu ọ dụdu iphe-ọhubama, dụ biribiri, eemejekwaduru anyi; tẹme ọphu ọ dụedu ndu mpfuchiru phọduru nụ; ọphu ọ dụdu g'ọ ka mma l'ọo onye lanụ l'echilabọ anyi, maru g'ẹgube iphe ọwa-a l'a-nọ-beru.

Azáya 24:12

A haa mkpụkpu ono; ọ bụru ikpọzu. E woru ọguzo, e shi yee ya gbua pyaapyaa.

Jieremaya 14:14

Tọbudu iya bụ; Chipfu byakwa bya asụ mu: “Ndu mpfuchiru ono gudekwa ẹpha mu adzụ ụka. Ọ tọ bụkwa mbẹdua ziru phẹ g'ẹphe bya; ọphu ọ bụkwa mbẹdua tụru phẹ ẹka; ọphu ọ dụkwa iphe, mu pfuru nụ phẹ. Mpfuchiru, ẹphe epfu anụ ngu bụ ọphulenya ẹregede. Ẹphe nọdu agba ẹja, adụdu iphe, ọ bụ; yẹe iphe, ẹphe rịtaru l'ọkpoma phẹ.

Jieremaya 23:16

Wakwa iphe, Chipfu, bụ Ọkalibe-Kakọta-Ike eepfu: “Unu ta angajẹkwa nchị l'iphe, ndu mpfuchiru epfuru unu. Ẹphe emejekwa g'unu chịru ụpfu ye l'iphe, te emedu ememe. Ẹphe asụje l'ẹphe phụru ọphulenya; ama l'ọo iphe, ẹphe rịtaru l'ọkpoma. Ọ tọo bụduru iphe, shi yẹbe Chipfu l'ọnu.

Jieremaya 39:2

No iya; o rwukwaa l'abalị kẹ tete l'ọnwa k'ẹno l'apha, kwe Zedekaya apha iri lẹ nanụ; e tsukpọshia igbulọ, e gude kpụ-phee mkpụkpu ono mgburugburu.

Jieremaya 39:8

Ndu Bábilọnu ono woru ọku tụa l'ibe eze ono; yẹe ụlo ndiphe; bya enwukpọshia igbulọ, e gude kpụ-phee Jierúsalẹmu mgburugburu.

Jieremaya 51:30

Ndu ojọgu ndu Bábilọnu bẹ hakwaru alwụ ọgu lachaa je anọdu l'ụlo phẹ, a kpụshiru ike. Ike bẹ bvụkotawaru phẹ nụ; ẹphe dụwaa g'ụnwanyi. Ẹka ẹphe bu ebubu bẹ a tụwaru ọku. Mgbọro-ígwè, o gude gbaa ụpho iya bẹ a nyajishiwaru.

Jieremaya 52:14

Iphe, bụ ndu Ojọgu, onye-ishi ojọgu ono, echeje eze nche chị; ẹphe je l'ẹka ono; bẹ tsukpọshiru igbulọ, e gude kpụ-pheta Jierúsalẹmu mgburugburu.

Ebvu Aphụ 1:3

Gẹ Jiuda nọchaaru lẹ mkpamẹhu; bya ejee ozi mkpọnwu ẹhu; bẹ ẹphe lashịaru ọhozo. Nta-a bẹ o buwaa l'echilabọ ndu ọhozo. Ọle ọ to dụdu ẹka ọ hụmaru tụta unme. Ndu achị iya k'egude bẹ gbaburu iya iphu l'ẹka ọ nọ l'aphụ.

Ebvu Aphụ 4:15

Iphe ụnwu-eliphe anọduje araru phẹ bụ: “Unu tụgbua! Ntụrwu dụ unu l'ẹhu! Unu tụgbua! Unu tụgbua! G'ọ tọ dụkwa onye unu e-denyi ẹka!” Ọo ya bụ; ẹphe gbafụ je aghapheaha phururugbada. Ndu shi l'ọhamoha, nọnu nọdu asụje: “Ẹphe ta abyakwa ebubaaru l'ẹka-a ọzobaa.”

Ebvu Aphụ 4:20

Onye ono, Chipfu wụru manụ l'ishi; mbụ onye ono, bụ iya bụ unme, anyi atụ ono bẹ nwulahụru lẹ nsụ, ẹphe tụru; mbụ onye ono, anyi rịru sụ l'anyi a-nọdu lẹ mkpula iya dzụru ndzụ l'echilabọ ọhamoha ono.

Ezekẹlu 12:13

Mu e-woru ụgbu mu geberu iya; g'ọ nmalahụru mu l'ọ́nyà; mu eduru iya jeshia Bábilọnu, bụ alị ndu Kaludiya. Ọ bụru l'ẹka ono bẹ ọo-nọdu nwụhu; ọle ọ tọ byakwanụ egude ẹnya iya hụma alị ono.

Ezekẹlu 17:20

Mu e-woru ụgbu mu geberu iya; l'ọ nmalahụru mu l'ọ́nyà. Mu akpụru iya laa Bábilọnu je anụ-a ya aphụ l'ẹka ono; noo kẹle mu te egudedu ire iya ẹka.

Ezekẹlu 7:26

Ẹjo iphe-ẹhuka akwọ ibe iya nkwọtankwo; tẹme ẹjo-nzi a-dakwaphọ mgbadapfụ. Ẹphe a-nọduje achị karaphaa g'eeshi gẹ ndu mpfuchiru Chileke phụaru phẹ ọphulenya; ndu-uke Chileke agbẹ zibuhufulẹnu ekemu; tẹme ndu bụ ọgerenya akpọ-zibuhuru nemadzụ ụzo.

Hosiya 11:6

Ogu-echi e-mechaa jeaha iphu iphu lẹ mkpụkpu lẹ mkpụkpu phẹ. Mbụ gbukashịa ọguzo-igwe, e yeru l'ọnu-abata mkpụkpu phẹ; mee iphemiphe, ẹphe chịru k'ememe; ọ tọ dụedu ọphu ẹphe eme.

Hosiya 3:4

Noo kẹle ndu Ízurẹlu a-nọ ujiku olemole; ẹphe tee nweduru onye a-bụru eze phẹ; ọphu ẹphe enweduru ndu a-bụru ndu-ishi phẹ. Ẹphe taa gwaẹdu iphe; ọphu ẹphe enweẹduru mkpuma, dụ nsọ. Ẹphe tee nweduru uwe-ukuvu; ọphu ẹphe agwọedu ọbvu.

Émọsu 1:5

Mu e-tsukashi iphe, e gude tụ-chia ọnu-abata mkpụkpu Damasụkosu. Mu emee gẹ ndu bu lẹ nsụda Avẹnu chịhu; yẹe onye ono, nọ lẹ mkpụkpu Bẹtu-Édẹnu gude mgbọro-eze l'ẹka ono. L'a kpụa ndu Arámu lẹ ndzụ lashịa alị Kiru.” Nokwa iphe, Chipfu eepfu bụ ono.

Ditoronomi 28:36

“Chipfu a-chịta unu; yẹe onye unu họtaru g'ọ bụru eze unu; laa ọha, unu ta amadụ; ọphu nna unu oche phẹ amajẹduru ọha ọbu. Ọ bụru l'ẹka ono bẹ unu a-nọdu baarụ agwa ẹja; mbụ agwa, e gude oshi; yẹe mkpuma mee.

Ditoronomi 28:63

Ọ bụru ẹgube ono, Chipfu gude ẹhu-ụtso mee g'iphe dụru unu lẹ ree; bya emee g'unu ka l'ọtu ono; nokwaphọ gẹ Chipfu e-gude ẹhu-ụtso; mee; unu abụru mkpurupyata; mekwaaphọ; ọ tọ dụhedu iphe, unu a-bụ; l'e phefu unu l'alị ono, unu eje alwụta ono.

1 Sámẹlu 28:6

O mee g'ọ kpata Chipfu ishi; ọphu Chipfu ta adụdu iphe, ọ gbẹ lẹ nrwọ; ọzoo l'ido urimu pfuaru iya; ọzokpoonu l'ọnu ndu mpfuchiru iya.