Ebvu Aphụ 2:8 - BAYỊBURU Izii

⁸ Chipfu bẹ pfuwaru iya hoo haa sụ l'oo-tsukpọshikota igbulọ, e gude kpụ-pheta nwada Zayọnu mgburugburu. Ọ kpabuwaru iya oke. Ọphu o sephuduru ẹka azụ; haa ya emebyishi. O mewaru g'ẹka a kpụshiru ike; waa igbulọ raa ẹkwa aphụ. Ẹphe tụko g'ẹphe ha yifukọta.

Ebvu Aphụ 2:8 ပူးပေါင်းရင်းမြစ်များ

2 Sámẹlu 8:2

Dévidi bya alwụ-kpekwaaphọ ndu Mówabu; mee ẹphe zẹshikota azẹe; kpọo onwophẹ giriri l'alị. Ọ bya ewota eri, dụ ogologo tụa phẹ g'ẹphe zẹ giriri ono. Ọobujeru; ọ -tụta eri ono ugbo labọ l'o woru ndu k'ono gbushikọta. Ọ bya atụta k'ẹto l'o dobe ndu k'ono ndzụ. Ọo ya bụ; ndu Mówabu nọdu Dévidi l'ẹka; bya atụkwapho ụtu anụ iya.

2 Ndu eze 21:13

Mu e-wota iphe, mu meru ndu Samériya; mẹ iphe, mu meru ndibe Éhabu mee ndu Jierúsalẹmu. Mu e-hucha ndu Jierúsalẹmu ẹgube ono, onye asa gbamụgbamu ehuchajẹ iya kpube iya iphu ono.

Jiobu 13:21

Wofukpọe mu phọ ẹka l'ẹhu ewofu ophu. L'ị haa mu eyephe ebvu ono, iiye mu ono.

Azáya 22:5

Kẹle Nnajịuphu, bụ Chipfu; mbụ Ọkalibe-Kakọta-Ike bẹ meakwaru eswe mbọku ono; ọ bụru mbọku, ùtsú daru; a zọo iphe pyaapyaa. Ndzụ rwuta onyemonye lẹ Nsụda Ọphulenya ono. Eswe mbọku ono bẹ ee-nwukpọshi igbulọ; l'a nọdu araku eze úbvú g'ọ gbaa mkpu.

Azáya 28:17

Ọo ikpe, pfụru ọto bẹ ya e-me oshi ọnyeka. Ọ bụru apfụbekoto a-bụru iphe, e gude eme g'ọ pfụru nhamụnha.” Ọ bụru akamini e-kpota iphe ọbu, unu gude ezeru ndzụ ọbu; mbụ adzụ ụka. Mini abya asọpyabe ẹka ono, unu ejeje je edomia onwunu ono.

Azáya 3:26

Ọnu-abata Jierúsalẹmu echia mkpu ẹkwa gụa aphụ anwụhu. Mbụ lẹ Jierúsalẹmu a-dụ gẹ nwanyị, gba ẹka nwa; gwọdoshihu l'alị.

Azáya 34:11

Ọkpo-ngwere yẹe ebyi esweta iya l'ọ bụru iphe phẹ; mbụ lẹ mgbashị-ujiku yẹe okpoko-ọ́hà akpashị ẹpfune l'ẹka ono. Chileke e-me alị ndu Edọmu g'ọ dụ g'o shi dụ teke o meru eliphe k'ọ̀phúú lẹ mbụlembu.

Azáya 5:5

“Nta bẹ mu a-karụ unu iphe, mu e-me opfu-vayịnu mu. Mu a-phọkashi iphe, e gude kpọ-buta iya akpọ-buta g'iphe mebyishia ya. Mu etsukpọshia igbulọ iya haa ya g'a zọo ya tọlitoli.

Jieremaya 14:2

“Ndu Jiuda agụkwa aphụ. Mkpụkpu, nọkota iya nụ gbajọshihukota agbajọshihu. Ẹphe nọdu ara ẹkwa l'opfu ẹhu alị-a. Tẹme a nọdu echikwaphọ mkpu lẹ Jierúsalẹmu.

Jieremaya 5:10

Unu je atụko ụpho opfu-vayịnu iya ono phọkashichaa; ọle ọ tọ bụkwa kẹ g'unu mebyishibẹbekota iya g'ọ ha. Unu kwashịchaa ya ẹkali; kẹle ndu-a ta adụedu ọphu bụ kẹ Chipfu.

Jieremaya 52:13

O je atụa ọku l'eze-ụlo Chipfu; mẹ l'ụlo-eze; me l'ụlo, dụkota lẹ Jierúsalẹmu; mbụ l'ụlo ndu oke amadụ bẹ ọ tụkotaru ọku.

Ebvu Aphụ 2:17

Chipfu bẹ mewaru iphe, ọ tụberu ememe. O mewaru iphe ono, o pfuru ono, bụ iphe ono, ọ tụ-buhawaru teke dụ ẹnya ono. Ọ kwatsuwaru ngu; ọphu ọ tọ phụduru ngu obu-imemini. O mewaru g'ọhogu ngu tụru okoo kpua ngu; bya emewaa g'ọkpehu kabaa adụ ndu ị dụ ashị.

Ebvu Aphụ 2:18

Obu phẹ bẹ arakugbawa Nnajịuphu; Gụbe igbulọ, nọ-pheru nwada Zayọnu; g'ẹnya-mini shi ngu l'ẹnya sọnaa gborogboro g'ẹnyimu; eswe l'ẹnyashi! Ta adụkwa teke ịi-tụta unme; ọphu ọ dụkwa teke ẹnya a-nwụ-buhu ngu gbụgbugbu.

Ebvu Aphụ 2:2

Nnajịuphu bẹ taswịberu obu tụko ẹka Jiékọpu bu mee umerekete; ọphu ọ tọ phụduru iya obu-imemini. Ọo oke ẹhu-eghu iya bẹ o gude tsukpọshichaa ẹka nwada Jiuda kpụshichaaru ike. Ọ kwatsuwaru alị-eze iya; mẹ ndu nọ l'aba-eze iya; shi nno meru ujikputeru tụ phẹ.

Ebvu Aphụ 2:5

Nnajịuphu bẹ dụwaa g'ọhogu. O mewaru Ízurẹlu umerekete. O mebyishikọtawaru ụlo ibe-eze iya g'ọ ha; bya emebyishikọtawa ẹka a kpụkotaru o shihuchaa ike. Nggụmaphu; waa ẹkwa-aphụ bẹ o mewaru ọ kabaa shii l'ẹhu nwada Jiuda.

Ezekẹlu 20:22

Ọle mu mechalẹru-a selaa ẹka azụ; mee g'e te epfubyi ẹpha mu l'iphu ọhamoha ono, bụ ndu mu nọ l'iphu phẹ dufuta phẹ ono.