Ebvu Aphụ 2:7 - BAYỊBURU Izii

⁷ Nnajịuphu bẹ jịkawaru ọru-ngwẹja iya. Ọ pawaru ụlo iya, dụ nsọ haa. O wowaru ibe eze, dụkota lẹ Jiuda ye ndu ọhogu l'ẹka. Ẹphe nọdu l'ime ụlo Chipfu tụa rwụrwurwu g'ọ bụ mbọku, ọbo-iphe.

Ebvu Aphụ 2:7 ပူးပေါင်းရင်းမြစ်များ

2 Ndu eze 25:9

O je atụa ọku l'eze-ụlo Chipfu; mẹ l'ụlo-eze; me l'ụlo, dụkota lẹ Jierúsalẹmu; mbụ l'ụlo ndu oke amadụ bẹ ọ tụkotaru ọku.

2 Iphe, ndu eze meru 36:19

Ẹphe tụfu ọku l'eze-ụlo Chileke; bya enwutsushia igbulọ, e gude kpụ-pheta Jierúsalẹmu mgburugburu. Ẹphe tụfukota ọku l'ụlo ndu eze, dụkota iya nụ. Ẹphe tụkokpoo iphe, ere ire, nọ l'ẹka ono mebyishikọta.

Ebvu-ọma 89:39

Ị jịkawaru ọgbandzu, gụ l'onye-ozi ngu gbaru. I wowaru okpu-eze iya woru gwọo l'urwuku.

Azáya 64:9

G'ẹhu te eghughakwaru ngu eghu ẹka jiko Chipfu. Ba gụkobekwaru anyi iphe-ẹji anyi g'ọ nọo jasụ l'ojejoje! Jikonu lenaa anyi ẹnya; kẹle anyi tụkokwaru bụru ndibe ngu!

Jieremaya 21:4

Wakwa iphe, oopfu; mbụ Chipfu, bụ Chileke kẹ ndu Ízurẹlu baa: Iphe, mu abya ememe bụ lẹ mu e-me gẹ ngwọgu, unu gude alwụ ọgu bụru unu ọgu, bụ ngwọgu, unu gude etso eze ndu Bábilọnu ọgu; yẹe ndu Bábilọnu l'onwophẹ, bụ ndu nọ l'azụ mkpụkpu nọ-phee unu mgburugburu. Mu e-mechaa chịbata phẹ l'ime mkpụkpu-a.

Jieremaya 26:18

“Mayịka, bụ onye Morẹshetu bẹ ziru ndu Jiuda ozi Chipfu ziru lẹ teke Hezekáya, bụ eze ndu Jiuda. O pfuru ndu Jiuda sụ phẹ: Wakwa iphe, Chipfu, bụ Ọkalibe-Kakọta-Ike eepfu: “Ee-mechaa kọo ọkoro l'úbvú Zayọnu kọfu g'onye akọ opfu. Mbụ lẹ mkpụkpu Jierúsalẹmu bẹ e-mechaa bụru ikpọzu. Eli úbvú ono, bụ ẹka eze-ụlo Chileke nọ ono e-mechaa bụru ẹka ẹgbudu zechiru.

Jieremaya 26:6

bẹ mu e-mekwa ụlo-a g'ọ dụ gẹ Shilo; mee mkpụkpu-a l'ọoburu iphe, ee-gudeje ephu l'iphu l'ọhamoha, nọ lẹ mgboko mgburugburu.”

Jieremaya 32:29

Ndu Bábilọnu-a, l'etso mkpụkpu-a ọgu-a l'e-mechaa bata bya atụa ya ọku l'ootsua ya tsufu; mbụ tsukọta ọku l'ụlo; mẹ l'ụlo, bụ ẹka ndu nemadzụ nọ kpatsu mu iwe; ẹka ẹphe ejeje anọdu lẹ mkpotsu akpọ ụ̀nwù-isẹnsu ọku anụ Balụ; tẹme ẹphe agbaru agwa mẹe gude agwa iya.

Jieremaya 39:8

Ndu Bábilọnu ono woru ọku tụa l'ibe eze ono; yẹe ụlo ndiphe; bya enwukpọshia igbulọ, e gude kpụ-phee Jierúsalẹmu mgburugburu.

Jieremaya 4:26

Mu bya ejeshia ele ẹnya; alị, e shi emehujẹ iphe a kọru iya; bụwaru mgbẹgu-evevee. Iphe, bụ mkpụkpu, nọkota iya nụ g'ọ ha bụkotawaru ikpọzu l'iphu Chipfu; mbụ l'iphu o-re-phuruphuru, bụ ẹhu-eghu iya onoya.

Jieremaya 4:27

Wakwa iphe, Chipfu epfu baa: “Alị ono l'ophu a-bụkwaru ikpọzu; ọle mu tee mebyishibebedu iya rọ l'ophu.

Jieremaya 50:28

Unu ngabẹkpodapho nchị nụma olu ndu agba ọso ọgu, bụ ndu shi l'alị ndu Bábilọnu nahụ agba ala Zayọnu eje epfu lẹ Chipfu, bụ Chileke anyi gwatawaru ụgwo iphe; mbụ ụgwo iphe, e meru eze-ụlo iya.

Jieremaya 52:13

O je atụa ọku l'eze-ụlo Chipfu; mẹ l'ụlo-eze; me l'ụlo, dụkota lẹ Jierúsalẹmu; mbụ l'ụlo ndu oke amadụ bẹ ọ tụkotaru ọku.

Ebvu Aphụ 1:4

Ụzo, e shi eje Zayọnu bẹ agụ aphụ; noo kẹle ọ tọ dụedu onye eshijekwadu iya eje ọbo-iphe, a tụru ọnu iya. Ọguzo, e shije abahụ iya l'ophu bẹ dachishihuwaru nụ. Ndu uke iya bẹ atsụgbawaa ude. Iphe, bụ ụnwumgboko iya tụko nọdu l'aphụ. Yẹbedua l'onwiya nọdu l'oke iphe-ẹhuka.

Ebvu Aphụ 2:1

Lenu gẹ Nnajịuphu gude urwukpu, shi l'ẹhu-eghu iya sọ-kpute nwada Zayọnu. Ọdu-biribiri ndu Ízurẹlu ono, e shiwaa wolia o jerwuwa l'imigwe ono bẹ ọ kwadawarụ l'alị. Mbọku ono, ẹhu eghu iya eghu ono bẹ ọ tọ nyatadụru ẹka ọotu-kobeje ọkpa ono.

Ebvu Aphụ 2:5

Nnajịuphu bẹ dụwaa g'ọhogu. O mewaru Ízurẹlu umerekete. O mebyishikọtawaru ụlo ibe-eze iya g'ọ ha; bya emebyishikọtawa ẹka a kpụkotaru o shihuchaa ike. Nggụmaphu; waa ẹkwa-aphụ bẹ o mewaru ọ kabaa shii l'ẹhu nwada Jiuda.

Ezekẹlu 24:21

gẹ mu sụ ndu Ízurẹlu: “Wakwa iphe, Nnajịuphu, bụ Chipfu epfu baa: Mu abyaakwaa eme ẹka-dụ-nsọ mu g'ọ tọ dụhe nsọ; mbụ ẹka ono, a kpụru o shihu ike, bụ ẹka unu gude eku onwunu ono; mbụ ẹka ono, unu yeru ẹnya ono; bya abụru ẹka ono, dụ unu ree ono. Ụnwu unu unwoke mẹ ụnwu unu ụnwanyi, bụ ndu ọphu unu harụ l'azụ; bẹ bụ ogu-echi bẹ ee-gude gbushia phẹ.

Ezekẹlu 7:24

Mu e-duta ndu kachakpọo ewe iwashị l'ọhamoha l'ophu; g'ẹphe bya anatakọta phẹ unuphu ibe phẹ. Mu e-me g'ekuku, ndu nweru ọkpehu eku onwophẹ laa nlalanụ; kẹle ẹka dụru phẹ nsọ bẹ ee-merwushikọta emerwụshi.

Ndu Uke 26:31

Mu emee mkpụkpu lẹ mkpụkpu unu g'ọ bụru iphe, dabyigbaaru iphoro. Mu emee ụlo unu, dụ nsọ g'ọ bụru okorobo ụlo. Teke ono bẹ mkpọ ngwẹja, unu gwerụ ta abyaẹdu adụ mu ree.

Ndu Uke 26:44

Ọle g'ọ dụhabe bẹ teke ono, ẹphe a-nọdu l'alị ndu ọhogu phẹ ono bẹ mu ta ajịkakwa phẹ; ọphu mu edobekwa phẹ gẹ ndu dụ ideyideyi; kẹ gẹ mu mebyishikọta phẹ kpamu; mebyia ọgbandzu mu l'ẹphe; kẹle ọ kwa mbẹdua bụ Chipfu; bya abụru Chileke phẹ.

Émọsu 2:5

Mu a-tụ ọku l'alị ndu Jiuda; l'o tsua ụlo ụlo, a kpụru kpụshia ike lẹ Jierúsalẹmu.”

Mayịka 3:12

Ọo ya bụ l'ọo unu kparụ iphe, ee-mechaa kọo úbvú Zayọnu kọfu g'aakọje opfu-a. Mkpụkpu Jierúsalẹmu e-mechaa bụru ikpọzu. Eli úbvú ono, bụ ẹka eze-ụlo Chileke dụ ono; e-mechaa bụru ẹka ẹgbudu zechiru.

Matiyu 24:2

Jizọsu sụ phẹ: “?Ọ kwa l'unu hụmaru iphemiphe ono? Gẹ mu gbukwaaru iya unu tororo; ee-mechaa nwukpọshichaa iphemiphe ono enwukpọshi; mbụ k'ọphu ọ tọ dụdu g'ọ ka mma l'ọo mkpuma lanụ, a-kpọ-pfuru l'eli nwibe iya.”