Ebvu Aphụ 2:4 - BAYỊBURU Izii

⁴ O setawaru apfụ iya g'onye ọhogu. O gudewaa ẹkutara iya seta iya kẹ jịjiji g'onye ọhogu. Iphe, bụ ndu ono, dụ ùbvù l'ẹnya bẹ ọ tụkowa gbushia. Ọ bụru l'ụlo-ẹkwa nwada Zayọnu bẹ ọ vọtaru oke ẹhu-eghu iya kpukposhi g'ọku.

Ebvu Aphụ 2:4 ပူးပေါင်းရင်းမြစ်များ

2 Iphe, ndu eze meru 34:21

“Unu je akpataru mu Chipfu ishi l'iswi ẹhu mu; mẹ l'iswi ẹhu ndu phọduru nụ lẹ Ízurẹlu; mẹ lẹ Jiuda; k'iphe ono, e deru l'ẹkwo ono, a hụmaru ono. Noo kẹle oke ẹhu-eghu, Chipfu a-tụ-koshi anyi bẹ paakwaru ẹka; kẹle nna anyi phẹ bẹ te emeduru iphe, Chipfu pfuru; tẹme ọphu ẹphe emeduru iphe, e deru l'ẹkwo-a.”

2 Iphe, ndu eze meru 34:25

Eshi ọphu ẹphe gwọberu mu; kpọahaa ụ̀nwù-isẹnsu ọku anụ agwa; ọ bụru iphe, ẹphe gude ẹka mee bẹ ẹphe gude akpatsu mu ẹhu-eghu; bẹ mu a-tukoshi ẹka-a oke ẹhu-eghu mu; ọphu e tee gbobutadu oke ẹhu-eghu mu ono egbobuta.

Jiobu 19:11

Ẹhu-eghu iya bẹ o mewaru; o nwuhu ọku l'ẹhu mu; bya agụru mu yeru ndu ọhogu iya.

Jiobu 6:4

Kẹle apfụ, Ọkalibe-kangokọtaru-nụ gbakashịru mu gugbaaru mu eguru l'ẹhu. Ụphu, ọophu mu nọdu alọ mu ẹka lẹ meji; mbụ lẹ Chileke eyeẹ mu phọ ebvu mkpẹe-lanụ.

Ebvu-ọma 37:14

Ndu ẹjo-iphe mịtaru ogu-echi phẹ; g'ẹphe gbushia ndu ụzo phẹ pfụru nhamụnha; bya eseta apfụ phẹ kẹ kịkiki g'ẹphe gbatsushia ndu ụkpa waa ndu adụdu g'ọ dụ phẹ.

Ebvu-ọma 7:13

Ẹjo ngwọgu iya ono bẹ o meakwaru dobe; bya edoziwaa apfụ iya, o meru ọ nọdu ekegbaa pfụpfupfu.

Azáya 42:25

Ọ bụru iphe ono meru g'o gude ọ wụa phẹ oke ẹhu-eghu iya; mee g'ẹjo ọgu dapfuta phẹ. Ọgu ono gude ọku woru phẹ kee mbvu; ọphu iphe edoduru phẹ ẹnya. O kee phẹ phuruphuru g'ọku; ọphu o rwuduru phẹ l'ọkpoma.

Azáya 63:10

Ọle ọ bụ; ẹphe jịkale-a l'ẹphe tee medu iphe, ọ sụru phẹ g'ẹphe mee; shi nno mee Unme-dụ-Nsọ nkiya iphe aphụ. Ọ bụru iya meru g'o gude ọ ghakọbe bya abụru onye opfu phẹ. Mbụ yẹbedua l'onwiya bya etsoaha phẹ ọgu.

Azáya 63:6

Mu gude ẹhu-eghu mu zọo ọhamoha pyakapyaka; gude oke ẹhu-eghu mu mee; mẹe tsụahaa phẹ. Mu woru mee phẹ wụa l'alị.”

Jieremaya 10:20

Ụlo-ẹkwa mu bẹ e mebyishiakwaru. Eri iya bẹ a tụkoakwaru gbabushichaa. Ụnwu mu shiakwa mu l'ẹka gbakashịhu; ọphu mu l'ẹphe anọedu. Ọ tọ dụedu onye ọphu phọduru nụ kẹ g'ọo-kpọberu mu ụlo-ẹkwa ọbu ọzo; ọzokpoonu g'ọ tụaru mu nwamkpu.”

Jieremaya 21:12

Unubẹ ndu ọnu-ụlo Dévidi; wakwa iphe, Chipfu epfu baa: Unu kpeje ikpe, pfụru ọto mbọku-mbọku. Unu adzọtaje onye ana nfụ l'ẹka onye emekpa iya ẹhu. Ọdumeka bẹ ẹhu-eghu mu a-gbanwuhukwa ọku. Ọ bụru iphe, a-kpa iya nụ bụ ẹjo-ememe, unu meshiru; mbụ l'ẹhu-eghu mu ono e-nwu ọku k'ọphu bụ l'o to nwedu onye a-gbanyị iya nụ.

Jieremaya 21:5

Ọzo bụ lẹ mbẹdua l'onwomu a-nọdu etso unu ọgu. Mu a-machịkpo ẹka mu; gude ọkpu ẹka mu vụa ọvuma; gude iwe tukoshi unu oke ẹhu-eghu mu.

Jieremaya 30:14

Iphe, bụkpoo ndu gụ l'ẹphe shi eshi ọ̀nyà zọhakotawaru ngu. Ẹphe ta akpaẹdu ngu ishi ililekpọo. Mu tsuwaru ngu iphe, onye ọhogu etsuje ọhogu iya. Mu bya echia ngu iphe, onye dụru nemadzụ ẹhuka echije iya. Ọ bụru iphe, kparụ iya nụ bụ l'i menụkaru ẹjo-iphe. Tẹme iphe-ẹji, i meshiru paa igwerigwe.

Jieremaya 36:7

?A maru; ?ẹphe a-rwọ Chipfu; g'ẹphe ha l'onye l'onye eshi l'eme ẹjo-ememe ono, ẹphe eme ono lwaphuta azụ; kẹle oke ẹhu-eghu Chipfu, ọ sụru l'ọ-tụkoru l'ishi ndu-a parụ ẹka.”

Jieremaya 4:4

Unu bunaa onwunu úbvù; buaru iya Chipfu! Unu bunaa onwunu úbvù ime-obu; unubẹ ndu Jiuda yẹe ndu Jierúsalẹmu. Ọdumeka bẹ oke ẹhu-eghu yẹbe Chileke a-gbanwuhukwa tsuaha g'ọku. Ọ bụru iphe, a-kpa iya nụ bụ ẹjo-ememe, unu mewaru. Ọ -wata etsutsu; ta adụkwa onye a-gbanyị iya nụ.”

Jieremaya 42:18

Wakwa iphe, oopfu baa; mbụ Chipfu, bụ Ọkalibe-Kakọta-Ike; bya abụru Chileke ndu Ízurẹlu. Sụ-a: ‘Ọ kwa gẹ mu tukoshiru ndu bu lẹ Jierúsalẹmu oke ẹhu-eghu mu; noo gẹ mu a-tụkoshi iya unu; mẹ unu laa Ijiputu. Unu a-bụru iphe, e gude atụ ọnu; yẹe iphe, anyị ishi ẹdzu; waa iphe e gude achị ọchi; yẹle iphe, e gude ephu l'iphu; ọphu unu egudebaẹdu ẹnya unu ahụma alị ẹka-a ọzo.’

Jieremaya 7:20

Ọo ya bụ lẹ-a; wakwa iphe, Nnajịuphu, bụ Chipfu epfu baa: Oke-ẹhu-eghu mu bẹ aa-wụkwa l'ẹka-a; mẹ l'ẹhu nemadzụ; mẹkpoo l'ẹhu anụ; mẹ l'eli oshi, nọ l'ẹgu; mẹkpoo lẹ mebyi iphe, eemeta l'alị; l'o tsua ntsulanụ; ọ tọ dụdu onye a-dụ ike agbanyị iya.

Ebvu Aphụ 1:13

O shi l'ephekerephe tụfu ọku; ọ bya atụko mu ọkpu kepyashịaha. O wotaru ụgbu geberu mu gẹ mu ye ọkpa; bya enwuphu mu azụ. O mewaru gẹ mu bụru onye nkịnyi; Mbọku-mbọku bẹ mu anọduje aavẹ avẹve.

Ebvu Aphụ 2:5

Nnajịuphu bẹ dụwaa g'ọhogu. O mewaru Ízurẹlu umerekete. O mebyishikọtawaru ụlo ibe-eze iya g'ọ ha; bya emebyishikọtawa ẹka a kpụkotaru o shihuchaa ike. Nggụmaphu; waa ẹkwa-aphụ bẹ o mewaru ọ kabaa shii l'ẹhu nwada Jiuda.

Ebvu Aphụ 3:3

Ire-lanụ bụ l'o gudewaa ẹka iya awagọ mu mbọku-mbọku.

Ebvu Aphụ 4:1

Lewarọ gẹ mkpọla-ododo ono, shi egbu nwịinwii ono byaru agbachihuwa agbachihu. Lewarọ g'ọkpobe mkpọla-ododo ono, byaru agbanwee. Mkpuma ụlo, dụ nsọ bẹ a tụkashichaaru nanụ nanụ lẹ mgbakata-ụzo, nọnu.

Ebvu Aphụ 4:11

Chipfu bẹ gbahawaru oke ẹhu-eghu iya ẹka. O kpukposhiwaru ẹhu-eghu iya ono, enwu phuruphuru ono. Ọo ya bẹ dụ-nwuru ọku, tsuru Zayọnu tsupyashịchaa ẹka a tụru ọkpa iya.

Ezekẹlu 13:13

“Ọo ya bụ; wakwa iphe, Nnajịuphu, bụ Chipfu epfu baa: Mu e-gude oke ẹhu-eghu mu mee g'oke phẹrephere zia; mu egudekwaphọ ẹhu-eghu mu mee g'akamini-mkpuma daa; mebyishia ya; mee ya g'oke mini dzee; mee ya omeliwe.

Ezekẹlu 20:34

Mu e-gude ẹka ike; mẹ agburu-ẹhu; yẹe oke ẹhu-eghu, mu e-kpukposhi unu gude shi l'iphe, bụ ọhamoha ono dufuta unu; mbụ shi l'iphe, bụkpoo alị ono, unu gbakashịhuru laa ono chịkobekota unu.

Ezekẹlu 22:22

Ọo ẹgube mkpọla-ọchaa, adazehuje l'ọku ụzu-a; bụ g'unu a-nọdu l'ime mkpụkpu ono dazehu. Ọo ya bụ g'unu amakwanụru l'ọo mbẹdua, bụ Chipfu bẹ tukoshiru unu oke ẹhu-eghu mu.”

Ezekẹlu 24:25

“A bya lẹ gụbedua; nwa ndiphe; mbọku ono, mu a-nafụ phẹ ẹka ono, a kpụshiru ike ono, bụ ẹka ẹphe gude ẹhu-ụtso iya eku onwophẹ ono; mbụ ẹka ẹphe yeru ẹnya ono; bya abụru ẹka dụ phẹ ree l'obu ono; mbụ mbọku ono, mu a-nafụ phẹ ụnwu phẹ unwoke mẹ ụnwu phẹ ụnwanyi ono;

Ezekẹlu 36:18

Ọo ya bụ; mu tukoshinụ phẹ oke ẹhu-eghu mu; kẹle ẹphe gbushiru nemadzụ l'alị ono; bya egude agwa, ẹphe agwaphe merwushia ya.

Ezekẹlu 5:13

“Mu e-kpukposhi phẹ ẹhu-eghu mu; mbụ lẹ mu a-tụkoshi phẹ oke-ẹhu-eghu mu ono jasụ mu emerwua phẹ iya g'ooghu mu. Mu -mechaa phẹ nno; ẹphe amaru l'opfu, mụbe Chipfu pfuru nụ phẹ bẹ bụ l'okophoo bẹ mu gude pfua ya.

Ezekẹlu 6:12

Ndu ọphu bu l'ẹka dụ ẹnya bẹ bụ mgbu-ọnwu e-gbu phẹ; ndu ọphu bu ntse bụru ogu-echi bẹ ee-gude gbua phẹ; ndu ọphu phọduru nụ; a -haa phẹ ẹphe nọdu ndzụ bẹ bụ ẹgu e-gbu phẹ. Noo gẹ mu e-gude kpukposhi phẹ oke ẹhu-eghu mu bụ ono.

Ezekẹlu 7:14

Ẹphe gbuwaru opu-ọgu; tụkowaa iphemiphe kwakọbe ree; obenu l'o to nwedu onye ọphu eje ọgu; kẹle oke ẹhu-eghu mụbe Chipfu tụkowaru dapfuta ikpoto ọha ono g'ẹphe ha.

Ndu Uke 26:17

Mu a-gharu unu iphu lẹ kẹ njọ; ndu ọhogu unu alwụ-kpee unu l'ọgu. Ndu unu dụ ashị a-bụru ndu-ishi unu; unu agbaaha ọso teke adụdu onye achị unu.

Nahumu 1:2

Chipfu ekokwa okophoo. Mbụ lẹ Chipfu emelatajẹkwa iphe, e meru iya. Sụ-a; Chipfu emelatajẹkwa iphe, e meru iya; tẹme ẹhu nọdu eghushije iya eghu ike. Chipfu emelatajẹkwa ndu achị iya lẹ njọ iphe, ẹphe meru; tẹme ọ nọdu ewojeru oke ẹhu-eghu iya tụ-koshi ndu ọhogu iya.

Nahumu 1:6

?Bụ onye a-dụ ike pfụru l'iphu iya mẹ ẹhu nọdu eghushi iya eghu ike? ?Bụ onye a-dụ ike pfụru l'okpomọku, dụ l'oke ẹhu-eghu iya? Oke ẹhu-eghu iya adụje g'onye e kpuru ọku; mbụ lẹ mkpuma agbajẹ yọgiri yọgiri l'iphu iya.

Ditoronomi 32:22

kẹle oke ẹhu-eghu mu bẹ gbanwuhuwaru ọku; ọku ọbu jee eke gbiriri jasụ l'o kerwua ime ime alị-maa. Ọo-kekọta mgboko; yẹe iphe, a kpatarụ dobe iya; l'o woru ọku tụa l'ẹka úbvú futaru.

1 Sámẹlu 28:16

Sámẹlu sụ iya: “?Ị chọru mu gụnu nta-a, Chipfu pawaru ngu buhaa; ọ bụwaru onye opfu ngu-a?