Ebvu Aphụ 2:3 - BAYỊBURU Izii

³ O gude g'ẹhu-eghu iya enwu phuruphuru nashịchaa Ízurẹlu ike, o nweru enweru g'ọ ha. O sephuru ẹkutara iya azụ lẹ teke ono, ndu ọhogu phẹ abyarwutawa. O tsupyashịru Jiékọpu g'ọku, enwu enwunwu; mbụ g'ọku, atụkoje iphe, nọ iya mgburugburu tsukọta.

Ebvu Aphụ 2:3 ပူးပေါင်းရင်းမြစ်များ

2 Iphe, ndu eze meru 34:25

Eshi ọphu ẹphe gwọberu mu; kpọahaa ụ̀nwù-isẹnsu ọku anụ agwa; ọ bụru iphe, ẹphe gude ẹka mee bẹ ẹphe gude akpatsu mu ẹhu-eghu; bẹ mu a-tukoshi ẹka-a oke ẹhu-eghu mu; ọphu e tee gbobutadu oke ẹhu-eghu mu ono egbobuta.

Jiobu 16:15

Mu chịtawaru uwe-aphụ kpube onwomu; bya eworu ukuu-ẹnya mu nwua l'imime urwuku.

Ebvu-ọma 132:17

Ọ bụru ẹka ono bẹ mu a-gbẹ mee g'onye ike dụ shi l'ọnu-ụlo Dévidi fụta; tẹme mu anwụru ọku ye l'orọku onye mu wụru manụ l'ishi gude mee ya; ọ bụru eze.

Ebvu-ọma 74:11

?Bụ gụnu kparụ iphe, iisela ẹka ngu azụ; mbụ ẹkutara ngu? Chịfuta ẹka l'iphu ụtapfu gude mebyishia phẹ.

Ebvu-ọma 75:10

Mu a-swọshicha ndu ẹjo-iphe mpu, ẹphe gude eme ike; wolia mpu kẹ ndu pfụberekoto g'ọ pfụru kanganaa.

Ebvu-ọma 75:5

Unu ta amalishiru igwe mpu! Unu te ewoshinuru olu pfụbe kanganaa asa kpaakpaa!”

Ebvu-ọma 79:5

?Bụ teke ole bẹ ẹhu e-ghuberu ngu eghu gụbe Chipfu? ?Ẹhu e-ghuwa ngu rọ eghu jasụ l'ojejoje tọo? ?Bụ teke ole bẹ okophoo ngu e-nwuberu phuruphuru g'ọku kparụ?

Ebvu-ọma 89:24

N-yemobu ngu waa apfụshi ike l'iphe, i pfuru l'a-nọdu swiru iya. Ọ bụru ẹpha ngu bẹ oo-gudeje mabẹ mpu iya gugugu.

Ebvu-ọma 89:46

?Ọo-dụ ẹgube ọwa-a jasụ teke ole gụbe Chipfu? ?Ii-domiwarọ onwongu jasụ l'ojejoje tọo? ?Bụ teke ole bẹ ẹhu-eghu ngu e-nwu phuruphuru g'ọku nwuberu?

Azáya 1:31

Ndu shihuru ike e-mechaa dụ g'ẹphuuruu. Ozi, ẹphe jeru abụkotaru ẹkoroku; kẹle ẹphenebo a-tụko kekọta ọku; ọphu ọ dụdu onye sụru agbanyị ọku obu.

Azáya 42:25

Ọ bụru iphe ono meru g'o gude ọ wụa phẹ oke ẹhu-eghu iya; mee g'ẹjo ọgu dapfuta phẹ. Ọgu ono gude ọku woru phẹ kee mbvu; ọphu iphe edoduru phẹ ẹnya. O kee phẹ phuruphuru g'ọku; ọphu o rwuduru phẹ l'ọkpoma.

Jieremaya 21:14

Mu a-hụ̀ unu ahụ̀hù g'iphe, unu meru gbaru. Ọ kwa mụbe Chipfu epfu iya. Mu a-nwụru ọku ye l'ọswa unu; tụko iphe, nọ-pheru unu mgburugburu tsukọta.”

Jieremaya 4:4

Unu bunaa onwunu úbvù; buaru iya Chipfu! Unu bunaa onwunu úbvù ime-obu; unubẹ ndu Jiuda yẹe ndu Jierúsalẹmu. Ọdumeka bẹ oke ẹhu-eghu yẹbe Chileke a-gbanwuhukwa tsuaha g'ọku. Ọ bụru iphe, a-kpa iya nụ bụ ẹjo-ememe, unu mewaru. Ọ -wata etsutsu; ta adụkwa onye a-gbanyị iya nụ.”

Jieremaya 48:25

Mpu ndu Mówabu bẹ e chikwashịakwaru. Tẹme e chikwoshiwa iya ẹka.” Nokwa iphe, Chipfu eepfu bụ ono.

Jieremaya 7:20

Ọo ya bụ lẹ-a; wakwa iphe, Nnajịuphu, bụ Chipfu epfu baa: Oke-ẹhu-eghu mu bẹ aa-wụkwa l'ẹka-a; mẹ l'ẹhu nemadzụ; mẹkpoo l'ẹhu anụ; mẹ l'eli oshi, nọ l'ẹgu; mẹkpoo lẹ mebyi iphe, eemeta l'alị; l'o tsua ntsulanụ; ọ tọ dụdu onye a-dụ ike agbanyị iya.

Ebvu Aphụ 1:13

O shi l'ephekerephe tụfu ọku; ọ bya atụko mu ọkpu kepyashịaha. O wotaru ụgbu geberu mu gẹ mu ye ọkpa; bya enwuphu mu azụ. O mewaru gẹ mu bụru onye nkịnyi; Mbọku-mbọku bẹ mu anọduje aavẹ avẹve.

Ebvu Aphụ 4:11

Chipfu bẹ gbahawaru oke ẹhu-eghu iya ẹka. O kpukposhiwaru ẹhu-eghu iya ono, enwu phuruphuru ono. Ọo ya bẹ dụ-nwuru ọku, tsuru Zayọnu tsupyashịchaa ẹka a tụru ọkpa iya.

Ezekẹlu 13:13

“Ọo ya bụ; wakwa iphe, Nnajịuphu, bụ Chipfu epfu baa: Mu e-gude oke ẹhu-eghu mu mee g'oke phẹrephere zia; mu egudekwaphọ ẹhu-eghu mu mee g'akamini-mkpuma daa; mebyishia ya; mee ya g'oke mini dzee; mee ya omeliwe.

Ezekẹlu 7:14

Ẹphe gbuwaru opu-ọgu; tụkowaa iphemiphe kwakọbe ree; obenu l'o to nwedu onye ọphu eje ọgu; kẹle oke ẹhu-eghu mụbe Chipfu tụkowaru dapfuta ikpoto ọha ono g'ẹphe ha.

Nahumu 1:6

?Bụ onye a-dụ ike pfụru l'iphu iya mẹ ẹhu nọdu eghushi iya eghu ike? ?Bụ onye a-dụ ike pfụru l'okpomọku, dụ l'oke ẹhu-eghu iya? Oke ẹhu-eghu iya adụje g'onye e kpuru ọku; mbụ lẹ mkpuma agbajẹ yọgiri yọgiri l'iphu iya.

Malakayi 4:1

Chipfu, bụ Ọkalibe-Kakọta-Ike eepfu sụa: “Unu hụmakwa! Ọ dụkwaru eswe mbọku, l'a-bya nụ. Mbọku ono a-ta pfụpfupfu g'ọku-ụzu. Ndu eku onwophẹ yẹle iphe, bụkpoo ndu eme ẹjo-iphe mgburugburu bẹ ọku a-vụ l'ọgbarabvu mbọku ono kee phẹ kee ẹkali phẹ.

Luku 1:69

O meru gẹ Onye-Ndzọta, nyịberu anyịbe fụtaru anyi l'oshilọkpa onye nọ iya l'ẹka, bụ Dévidi.

Luku 3:17

O gudewaa ajakpa, oo-gude phụshia ẹswa lẹ balị; vuta ọphu bụ balị vuba l'ụlo iya; kpota ẹswa iya kporu ye l'ọku, ata nyịhudu anyịhu.”

Ditoronomi 32:22

kẹle oke ẹhu-eghu mu bẹ gbanwuhuwaru ọku; ọku ọbu jee eke gbiriri jasụ l'o kerwua ime ime alị-maa. Ọo-kekọta mgboko; yẹe iphe, a kpatarụ dobe iya; l'o woru ọku tụa l'ẹka úbvú futaru.