Ebvu Aphụ 2:2 - BAYỊBURU Izii

² Nnajịuphu bẹ taswịberu obu tụko ẹka Jiékọpu bu mee umerekete; ọphu ọ tọ phụduru iya obu-imemini. Ọo oke ẹhu-eghu iya bẹ o gude tsukpọshichaa ẹka nwada Jiuda kpụshichaaru ike. Ọ kwatsuwaru alị-eze iya; mẹ ndu nọ l'aba-eze iya; shi nno meru ujikputeru tụ phẹ.

Ebvu Aphụ 2:2 ပူးပေါင်းရင်းမြစ်များ

Jiobu 2:3

Tọbudu iya bụ; Chipfu sụ Nsetanu: “?Ẹnya tsụru ngu l'ẹka onye-ozi mu, bụ Jiobu nọ? Mbụ l'ọ tọ dụedu nemadzụ, dụ g'ọo ya lẹ mgboko l'ophu. Ọ bụ nwoke, obu gụru ìphóró; bya abụru onye ụta adụdu lẹ ndzụ iya; bụru onye atsụhuje Chileke ebvu haa eme ẹjo-ememe. Ị kpatachakpọoru; mu mekpaa ya ẹhu; mebyishia ya l'ẹbe ọ dụ iphe, o meru. O gudeshiẹle-a onwiya g'o gudeshi onwiya.”

Ebvu-ọma 21:9

Teke ii-me g'a hụma ngu bẹ ịi-hụ phẹ l'ọku, enwu phoophoophoo; mbụ lẹ Chipfu a-tukoshi phẹ oke ẹhu-eghu iya; gude ọku tsupyashịa phẹ.

Ebvu-ọma 74:7

Ụlo ngu, dụ nsọ b'ẹphe nwụru ọku yee o tsua tsurwua alị. Ẹphe woru ẹka ono, ị họtaru g'ọ bụru ẹka ii-buru eburu ono pharwụshia.

Azáya 22:5

Kẹle Nnajịuphu, bụ Chipfu; mbụ Ọkalibe-Kakọta-Ike bẹ meakwaru eswe mbọku ono; ọ bụru mbọku, ùtsú daru; a zọo iphe pyaapyaa. Ndzụ rwuta onyemonye lẹ Nsụda Ọphulenya ono. Eswe mbọku ono bẹ ee-nwukpọshi igbulọ; l'a nọdu araku eze úbvú g'ọ gbaa mkpu.

Azáya 23:9

Ọ kwa onye chịru iya dobe g'ọ dụ nno bụ Chipfu, bụ Ọkalibe-Kakọta-Ike; g'o gude mee g'eku-onwonye k'iphe, bụkpoo ndu nweru akpabiri kpụa ẹpho l'alị; l'ookuzetakwaphọ iphe, bụkpoo ndu aakwabẹ ùbvù lẹ mgboko l'ophu.

Azáya 25:12

Ọo-byazeta phengarangu igbulọ ono, unu kpụru; ọ ngụru angụru ono. Oo-me iya l'ọodukpoo mkpulalị ọkpobe adụdu; mbụ l'oo-wozetakpọ ya alị ọkpobe ewozeta; mbụ worwua ya alị gẹdegede kpọ.

Azáya 26:5

Ndu woliru onwophẹ eli bẹ o kuzetaru; bya emee gẹ mkpụkpu, a kpụru; ọ ha ephekerephe ephekerephe lwazetakpọ mkpulalị; mbụ l'o gwerụ iya pyakapyaka jasụ o rwua alị; o woru iya gwọo l'urwuku.

Azáya 27:11

Teke ẹkali iya ono kpọhuru nkụ l'eegbushia ya. Ụnwanyi abya evuta iya jeye l'ọku; kẹle ndu-a bụ ndu enwedu egomunggo. Ọ bụru iphe ono meru g'o gude ọphu imemini phẹ adụdu onye meru phẹ nụ; mbụ ọphu ọ dụdu iphe-ọma, oo-meru phẹ mẹ ililekpọo.

Azáya 43:28

Noo g'o gude mu woru ndu-ishi ụlo-dụ-nsọ merwushia; bya ahaa g'e woru Jiékọpu mebyishikọta l'ophu; l'e gude ndu Ízurẹlu ephu l'iphu.

Azáya 47:6

Ndibe mu meru; ẹhu ghuahaa mu eghu. Mu tụrwua ndu ono, bụ okiphe mu onoya. Mu woru phẹ ye ngu l'ẹka; ọphu ị phụduru phẹ obu-imemini. I bochaa phẹ ivu-ẹrwa bochaa mẹ ndibe phẹ, kahụru akahụ.

Jieremaya 13:14

Mu e-nwuta phẹ je atụpyabe nwibe phẹ; mbụ ndu bụ nna; mẹ ndu bụ nwa nwoke. Nokwa iphe, Chipfu eepfu. Mu taa yọduru phẹ ọshi; ọphu mu aphụduru phẹ obu-imemini; ọphu mu emeduru phẹ eze-iphe-ọma kẹ gẹ mu haa gẹ mu te emebyishi phẹ.”

Jieremaya 19:15

“Wakwa iphe, Chipfu, bụ Ọkalibe-Kakọta-Ike eepfu; mbụ Chileke kẹ ndu Ízurẹlu: Unu lekpọdapho. Iphe, bụkpoo ẹjo-iphe ono g'ọ ha, bụ ọphu mu pfuwaru l'oo-me phẹ ono bẹ mu abyakwa emekọta mkpụkpu-a yẹe mkpụkpu, nọ-pheru iya mgburugburu. Ọ bụru iphe, kparụ iya nụ bụ l'ẹphe ngakoberu ishi jịka l'ẹphe taa angabẹdu mu nchị l'olu.”

Jieremaya 21:7

Wakwa iphe, Chipfu epfu baa: Teke e mechaarụ nno; mu eworu Zedekaya, bụ eze ndu Jiuda; yẹe ndu-ozi iya; mẹkpoo ndu alị-a, bụ ndu iphe-ememe ono gbuphodoru; yẹe ndu ọphu e gbuphodoru l'ogu-echi; mẹ ndu ọphu ẹgu gbuphodoru; chịru ye Nebukadineza, bụ eze ndu Bábilọnu l'ẹka; yẹe ndu ọhogu phẹ ono, bụ ndu aachọ ndzụ phẹ ono. L'o gudekwaphọ ogu-echi gbushia phẹ; ọphu ọo-hadụ phẹ. Imemini phẹ taa dụdu iya; ọphu ọ dụdu onye ọphu ọophutaru.

Jieremaya 5:10

Unu je atụko ụpho opfu-vayịnu iya ono phọkashichaa; ọle ọ tọ bụkwa kẹ g'unu mebyishibẹbekota iya g'ọ ha. Unu kwashịchaa ya ẹkali; kẹle ndu-a ta adụedu ọphu bụ kẹ Chipfu.

Ebvu Aphụ 2:17

Chipfu bẹ mewaru iphe, ọ tụberu ememe. O mewaru iphe ono, o pfuru ono, bụ iphe ono, ọ tụ-buhawaru teke dụ ẹnya ono. Ọ kwatsuwaru ngu; ọphu ọ tọ phụduru ngu obu-imemini. O mewaru g'ọhogu ngu tụru okoo kpua ngu; bya emewaa g'ọkpehu kabaa adụ ndu ị dụ ashị.

Ebvu Aphụ 2:21

Ẹgirima mẹ ọgerenya bẹ tụkoru dabyigbaaru l'alị l'ọma etsuzọ. Unwokoro me ụnwumgboko mu phẹ bẹ e gudewaa ogu-echi gbukọta. Ọo mbọku, ẹhu eghu ngu eghu bẹ i gbushiru phẹ. I gbushiru phẹ; ọphu ị tị phụduru phẹ obu-imemini.

Ebvu Aphụ 2:5

Nnajịuphu bẹ dụwaa g'ọhogu. O mewaru Ízurẹlu umerekete. O mebyishikọtawaru ụlo ibe-eze iya g'ọ ha; bya emebyishikọtawa ẹka a kpụkotaru o shihuchaa ike. Nggụmaphu; waa ẹkwa-aphụ bẹ o mewaru ọ kabaa shii l'ẹhu nwada Jiuda.

Ebvu Aphụ 3:43

I kpuchiteru onwongu ẹhu-eghu gude chịa anyi ọso. I gbuwaru anyi; ọphu ị tị phụduru anyi obu-imemini.

Ezekẹlu 5:11

“Wakwa iphe, Nnajịuphu, bụ Chipfu epfu baa: Eshinu mu nọ ndzụ gẹ mu nọ iya-a; bẹ o doru ẹnya l'eshi ọphu unu gudewaa ntẹkpe, bụ iphe, aakpọfu akpọfu pharwụshia ụlo mu, dụ nsọ; bya arwụ ụrwuali; bẹ mu e-wofu unu obu; ọphu mu ta abyadụ ele unu ẹnya kẹ phụaru unu obu-imemini; ọphu mu tee dobedu unu ndzụ.

Ezekẹlu 7:4

Mu ta abyakpọdaa ele unu ẹnya kẹ phụaru unu obu-imemini; ọphu mu abyadụ edobe unu ndzụ. Mu pfụfutaje unu ụgwo iphe, unu eme; waa kẹ ẹbyi ẹbyi ono, eeme l'echilabọ unu ono. Noo teke unu a-maru l'ọo mbẹdua bẹ bụ Chipfu.”

Ezekẹlu 7:9

Mu ta abyadụ ele unu ẹnya kẹ phụaru unu obu-imemini. Mbụ lẹ mu ta abyadụ edobe unu ndzụ; mu pfụfutaje unu ụgwo iphe, unu eme; waa kẹ ẹbyi ono, eeme l'echilabọ unu ono. Noo teke unu a-maru l'ọo mbẹdua, bụ Chipfu bẹ echi unu iphe ono.

Ezekẹlu 8:18

Ọo ya bụ lẹ-a; mu e-gude ẹhu-eghu mee phẹ iphe. Mu ta abyadụ ele phẹ ẹnya kẹ phụaru phẹ obu-imemini; ọphu mu abyadụ edobe phẹ ndzụ. Ẹphe e-chichakpọ mkpu l'o tsua mu etsutsu lẹ nchị; ọle mu ta abyadụ angaru phẹ nchị.”

Ezekẹlu 9:10

Ọo ya bụ lẹ mu ta abyadụ ele phẹ ẹnya kẹ phụaru phẹ obu-imemini; ọphu mu abyadụ edobe phẹ ndzụ. Iphe ono, ẹphe mekọtaru ono bẹ mu e-vukọta kpube phẹ l'ishi.”

Mayịka 5:14

Mu abya alwụa nshi Ashera ono, nọ l'echilabọ unu ono; woru mkpụkpu unu l'ophu tsukpọshia.

Malakayi 1:4

Oshilọkpa Ịso, bụkwa iya phọ bụ ndu Edọmu a-sụkwaro l'a maru-a l'e nwukpọshiru mkpụkpu phẹ; ọle ẹphe e-mezia iphe, mebyihuru emebyihu. Ọle ọ bụ; wakwanụ iphe, Chipfu, bụ Ọkalibe-Kakọta-Ike eepfu baa: “Ẹphe a-kpụkwa iya bụ eviya; ọle ya e-gudeẹ ya phọ etsukpọshi jasụ l'e kuahaa phẹ ọha, ẹjo-iphe tsọru; ọha ọphu Chipfu a-nọdu atụ-koshi oke ẹhu-eghu iya jasụru.

Matiyu 18:33

?Tọ gbadụru ngu kẹ g'ị phụaru nwibe ngu obu-imemini ẹgube ono, mu phụru ngu ono?’

2 Kọrentu 10:4

Kẹle ngwọgu, anyi gude alwụ ọgu k'anyi ta abụkwa ngwọgu kẹ ndu mgboko-a. Ọ bụ ngwọgu, shi l'ẹka Chileke; bya abụru ngwọgu ọphu shihuru ẹjo ike. Ọ bụ ngwọgu ọphu e gude egbuka ẹka ọhogu Chileke doberu obu ọkpehu iya. Ọo ya bẹ anyi gude emebyi ntụmego-ụgho.

Ditoronomi 28:52

Ẹphe a-nọ-phekọta mkpụkpu, nọgbaa l'alị unu mgburugburu gbiriri jasụ igbulọ, ha l'eli ono, a kpụshiru ike ono, unu chịru ụpfu kwẹe ono aphọfu daa. Ẹphe a-nọ-phekọta mkpụkpu unu l'ophu, nọgbaa l'alị unu l'ophu mgburugburu; mbụ alị ono, Chipfu, bụ Chileke unu nụru unu ono.

Ditoronomi 32:22

kẹle oke ẹhu-eghu mu bẹ gbanwuhuwaru ọku; ọku ọbu jee eke gbiriri jasụ l'o kerwua ime ime alị-maa. Ọo-kekọta mgboko; yẹe iphe, a kpatarụ dobe iya; l'o woru ọku tụa l'ẹka úbvú futaru.