Ebvu Aphụ 1:9 - BAYỊBURU Izii

⁹ Emerwụshi ono, o merwushiru onwiya ono bẹ rakụwaru l'iphe, ọ nma l'upfu. Ọ tọ rịduru ọriri rị-vu ẹgube iphe, a-dapfuta iya nụ l'atatiphu. Ọo ya bụ; ọ daa darwua alị k'ọphu dụ biribiri; Ọphu ọ tọ dụdu onye dụa ya obu. Gụbe Chipfu; hụmanu ẹgube iphe-ẹhuka, mu eje; Ọhogu mu ono bẹ lwụ-kpewaru nụ!

Ebvu Aphụ 1:9 ပူးပေါင်းရင်းမြစ်များ

2 Sámẹlu 16:12

O nweru-a g'ọo-dụ; Chipfu elee ẹnya hụma ẹgube ẹjo-iphe, dapfutaru mu nụ; l'oo-meeru mu iphe-ọma gude pfụa mu ụgwo iphu-a, eephushi mu ntanụ-a.”

2 Ndu eze 14:26

Chipfu bẹ hụmawaru g'iphe-ẹhuka, ndu Ízurẹlu eje habe shii; mbụ lẹ g'ẹphe ha bẹ o rwubekọtaru ẹka; mbụ iphe ẹhuka ono; shita l'ohu je akpaa l'amadụ; ọphu ọ dụdu onye a-gbaru phẹ mkpu.

Nehemaya 9:32

Ọo ya bụ; gụbe Chileke anyi; mbụ gụbe Chileke, parụ ẹka; bụru Ọkalibe; bya abụru onye dụ ebvu; mbụ gụbe onye ono, edobeje ọgbandzu ngu; ọphu n-yemobu ngu abvụdu abvụbvu; jiko g'iphe-ẹhuka-a, anyi ejegbabẹ-a ta adụkwa ngu mkpẹe mkpẹe l'ẹnya; bụ iya bụ iphe-ẹhuka, dapfutaru anyi lẹ ndu eze anyi-a; mẹ ndu-ishi anyi; mẹ ndu-uke Chileke anyi; mẹ ndu mpfuchiru Chileke anyi; mbụ iphe-ẹhuka ono, dapfutaru nna anyi phẹ; mẹ ndibe ngu l'ophu; e -shi lẹ teke ndu eze ndu Asiriya bụ ishi byasụ ntanụ-a.

Ebvu-ọma 119:153

Lenaa ẹnya l'iphe-ẹhuka, mu eje; dzọo mu; kẹle mu ta zọhajeduru ekemu ngu.

Ebvu-ọma 140:8

be mekwarụ ndu ẹjo-iphe iphe ono, agụ phẹ nụ ono; jiko Chipfu. B'ekwekwa g'ìdzù, ẹphe achị jee g'ẹphe achị iya. Ọdumeka bẹ ẹphe a-watakwa eku onwophẹ.

Ebvu-ọma 25:18

Lenaa ẹnya l'aphụ ono, byaru mu nụ ono; yẹe ẹjo ọnodu, mu nọ. Gụkotanuru mu nvụ l'iphe-ẹji, mu meru g'ọ ha!

Ebvu-ọma 69:21

Ẹphe wotaru mu iphe, egbu egbugbu gẹ mu ria g'ọ bụru mu nri; bya edoberu mu mẹe-venịga gẹ mu ngụru ye iya.

Awụfu 3:17

Mu kwewaa ukwe lẹ mu e-dufuta unu l'iphe-ẹhuka, unu eje lẹ Ijiputu; duru unu laa alị ndu Kénanu; waa kẹ ndu Hetu; waa kẹ ndu Amọru; waa kẹ ndu Pẹ́rezu; waa kẹ ndu Hevu; tẹme waa kẹ ndu Jiebusu; alị, mini ẹra-eswi; waa manụ-ẹnwu asọ gborogboro.’

Awụfu 3:7

To bụdu iya bụ; Chipfu sụ: “Mu hụmawaru iphe-ẹhuka, ndibe mu eje l'alị ndu Ijiputu. Mu nụmawa mkpu, ẹphe echi sụ g'a dzọta phẹ l'ẹka ndu udumalị; tẹme iphe-ẹhuka, ẹphe eje rwuwa mu l'ẹhu.

Awụfu 4:31

ẹphe kweta. Ọo ya bụ; ẹphe nụmaepho lẹ Chipfu akpa ishi phẹ; tẹme waa l'ọ hụmawaru iphe-ẹhuka, ẹphe eje; ẹphe phozeta baarụ Chileke ẹja.

Oziphe 4:1

Mu byakwa elee ẹnya bya ahụma mkpawere, dụgbaa lẹ mkpula ẹnyanwu-a. Mu bya ahụma ẹnya-mini ndu eeme mkpawere; l'ẹbe ẹphe enwe onye gberuma. Tẹme ndu ono, eme phẹ ewere ono nwekwarụpho iphe, bụ agbaru-ike phẹ; obenu ẹphebedua te nwedu onye asụ phẹ gberuma.

Azáya 3:8

Ọ bụru iphe, kparụ iya nụ bụ lẹ ndu Jierúsalẹmu bẹ ụpfu dụru l'ọkpa. Mbụ lẹ ndu Jiuda adawaa iko. Iphemiphe, ẹphe epfu epfupfu; yẹe iphe, ẹphe emekọta ememe tụkoru bụru emeswe Chipfu; mbụ atụrwuepho atatiphu Chipfu ono, egbu nwịinwii ono.

Azáya 37:17

Ngabẹnu nchị gụbe Chipfu; nụma iphe, mu epfu. Sanaa ẹnya hụmadupho. Ngabẹkpodapho nchị; nụma opfu ono, Senakeribu ziru g'e gude bya epfutọshia gụbe Chileke, nọ ndzụ ono.

Azáya 37:23

?Bụ onye bụ onye ono, i shi ephu iphu; bya epfutọshi iya ono? ?Bụ onye bẹ i shi atụ ụzu ekpu-a; mbụ onye ono, i gude eku-onwonye vọoru ẹnya ono? Ọ kwa Onye dụ Nsọ kẹ Ízurẹlu!

Azáya 37:29

Eshi ọphu ọ bụ mụbe Chileke bẹ ịibaru hanyịhanyi; tẹme bẹebeebee, iipfuru mu rwuwa mu nchị; bẹ mu e-woru ịkokoro dzụbe ngu l'imi; woru mkpụrukpu-ígwè ye ngu l'ọnu g'ịnya. Mu emee ngu g'i shia ọphu i shi laphu azụ l'ẹka i shi.

Azáya 37:4

O nweru g'ọo-dụ; Chipfu, bụ Chileke ngu anụma iphe ono, onye-ishi ndu ojọgu ono epfu ono; mbụ onye ono, nnajịuphu iya, bụ eze ndu Asiriya yeru g'ọ bya epfutọshia Chileke ono, dzụ ndzụ ono; k'ọphu bụ lẹ Chipfu a-barụ iya mba l'opfu ono, yẹbe Chipfu, bụ Chileke ngu nụmaru ono. Ọo ya bụ; pfuru nụ Chileke l'opfu ẹhu ndu ọphu phọduru nụ.’ ”

Azáya 40:2

Unu pfunaa opfu bẹlebele yeru Jierúsalẹmu. Unu ranaa ya arara g'ọ maru l'ozi-ike ono, ooje ono bẹ bvụwaru nụ. L'a pfụwaru ụgwo ẹjo-iphe, o meshiru. L'ewere, Chipfu meru iya hawaa g'iphe-ẹji, o meru; mbụ l'ọ hawaa g'ọo ya ugbo labọ.

Azáya 47:7

I pfuru sụ l'ịi-bụwaruro eze-nwanyị jasụ l'ojejoje. Ọphu ị rị-vukpọdaru iphemiphe-a; ọzokwanu chịa ìdzù iphe, e-mechaa mee l'ikpazụ iya.

Azáya 51:19

Mkpamẹhu-a uzi labọ-a dapfutawaru ngu; lẹ babụ l'ọ dụru onye dụa ngu obu. Ọla-l'iswi yẹle mgbu-ọnwu; ọkpa-nri yẹle ogu-echi; mbụ-a; ?bụ onye a-sụje ngu gberuma?

Azáya 54:11

Gụbe mkpụkpu ono, eje iphe-ẹhuka ono, oke phẹrephere enwunga; ọphu ọ dụdu onye agbaru ngu mkpu; mu e-gude mkpuma, amashị mma ike kpụ-phu ngu azụ. Mu egude mkpuma sáfàyà tụ-phu ọkpa-ụlo igbulọ ngu azụ.

Jieremaya 13:27

Mu hụmaru ogori, iiri; yẹe mịimiimii, ịinoduje ara agba ala l'eme ẹjo-ememe; mbụ ụkpara ono, ịigba; ọphu iphere adụdu ngu ono! Mu hụmakotaakwaru ahụma ahụma, ịinoduje eme l'eli úbvú; mẹ ọphu ịinoduje eme l'ẹgu. Nshịo gụbe Jierúsalẹmu! ?Bụ jasụ teke ole bẹ ịi-dụ-beru inyinyi?”

Jieremaya 16:7

Ọ tọ dụdu onye a-tụru phẹ nri ụlo-ẹkwa. A taa tụduru iya nna; ọphu a-tụduru iya ne m'ẹphe -nwụhu; ọphu ọ dụdu onye evuru mẹe abya akpọru phẹ iphu.

Jieremaya 2:34

Ọo l'uwe ngu bẹ ndiphe hụmaru mee-ndzụ ndu ụkpa, adụdu iphe, ẹphe meru; l'ẹbe abụ l'i guderu phẹ l'ẹka ẹphe etsuka ụlo ngu. “I mechakpọo iphemiphe ono;

Jieremaya 48:26

“Unu chegharu iya mẹe ẹka; kẹle ọo Chipfu bẹ o koru ọkpa l'ishi. Gẹ ndu Mówabu watanụ ebvuka ẹgbo, ẹphe gbọru; g'ẹphe abụru iphe, ee-gude agba mgbọnu.

Jieremaya 5:31

Lẹ ndu mpfuchiru epfukwa iphe, abụdu eviya. Ndu uke bụru ike-ọkpu bẹ ẹphe gude bụru ishi. Ọ bụru ẹgube ono bụ g'ọ dụ ndibe mu ree. Obenu lẹ-a; ?bụ gụnu bẹ unu e-me mẹ o -rwua l'ikpazụ iya?”

Jieremaya 50:29

Mee gẹ ndu ọgba-apfụ dzukọbe tsoo Bábilọnu opfu; mbụ iphe, bụkpoo ndu maru ese ụta kịkiki! Unu kpọbe ụlo-ẹkwa unu nọ-phee ya mgburugburu! G'ọ tọ dụkwa mẹ onye lanụ, a-nahụ nụ! Unu pfụa ya ụgwo iphe, o meru! Unu mee ya iphe, o meru ndu ọzo; kẹle ọo Chipfu bẹ o koru ọkpa l'ishi; mbụ Onye nsọ kẹ ndu Ízurẹlu.

Ebvu Aphụ 1:17

Mkpụkpu Zayọnu bẹ chiliwaru ẹka g'a gbaaru iya mkpu; Ọle ọ tọ dụdu onye l'a-dụ iya obu. Chipfu tụ-buwaru opfu ẹhu Jiékọpu g'ekemu; mbụ gẹ ndu bupheru iya mgburugburu bụkotaru ọhogu iya. Jierúsalẹmu bẹ bụakwaa iphe, aasọ nsọ l'echilabọ phẹ.

Ebvu Aphụ 1:21

Ndiphe bẹ nụmawaru ude, mu atsụ. Ọle ọ tọ dụdu onye l'a-dụ mu obu. Ndu ọhogu mu g'ẹphe ha bẹ nụmawaru k'aphụ, byaru mu nụ; Ẹphe nọdu ete ẹswa l'ọo ngu meru mu iya. Menaa gẹ mbọku ono, i pfuru opfu iya ono rwua; k'ọphu ẹphe a-dụ gẹ mu dụ-a.

Ebvu Aphụ 2:13

?Bụ gụnu bẹ mu e-pfuru ngu? ?Bụ gụnu bẹ mu a-tụru ngu yeru gụbe nwada, yẹe nwoke teke akwaswee ono, bụ Jierúsalẹmu? ?Bụ gụnu bẹ mu a-sụ l'ị dụ g'ọo ya; k'ọphu mu a-dụ ngu obu? Ọ́nyá, tụkoru ngu ẹhu bẹ aba kẹ yoyoyo g'eze-ẹnyimu; ?Bụ onye bẹ e-me g'i wekọrohu?

Ebvu Aphụ 4:1

Lewarọ gẹ mkpọla-ododo ono, shi egbu nwịinwii ono byaru agbachihuwa agbachihu. Lewarọ g'ọkpobe mkpọla-ododo ono, byaru agbanwee. Mkpuma ụlo, dụ nsọ bẹ a tụkashichaaru nanụ nanụ lẹ mgbakata-ụzo, nọnu.

Ebvu Aphụ 5:1

Jiko Chipfu; nyatanụ ẹjo-iphe, dapfutaru anyi-a. Lenaa ẹnya hụma iphe-iphere, eeme anyi.

Hosiya 2:14

“Noo g'o gude mu nọdu abyawaa iya edeta dephua. Mu e-deru iya deba l'echiẹgu je erwebe ẹhu erwebe pfuru opfu nụ iya.

Zefanaya 2:10

Ọo iphe ono a-bụru urwu, ẹphe e-rita l'ekuku, ẹphe eku onwophẹ; kẹle ọo ndibe Chipfu, bụ Ọkalibe-Kakọta-Ike bẹ ẹphe kọru ọnu bya eyee ébvù.

Jiọnu 11:19

Noo g'o shitaru; ndu Jiu dụ igwerigwe wụru byapfuta Mata yẹle Meri; byaru phẹ akpọru iphu kẹ nwune phẹ ono, nwụhuru nụ ono.

Ditoronomi 26:7

Tọbudu iya bụ; anyi chia mkpu raku Chipfu, bụ Chileke kẹ nna anyi oche phẹ. Chipfu nụma olu anyi; bya ahụma iphe-ẹhuka, anyi eje; waa ozi mkpọnwu-ẹhu, anyi eje; mẹ g'e gude emebe anyi ewere.

Ditoronomi 32:27

Obenu l'ọo ẹjo opfu ndu ọhogu phẹ bẹ mu ezeru; mbụ; a -nọnyakwa; ndu ọhogu phẹ pfua iphe, abụdu ire-lanụ. G'ẹphe ta anọnya wata epfu sụ: ‘L'ọ kwa ẹphebedua gude ẹka phẹ lwụ-kpe phẹ; l'ọ tọ bụebekwa Chipfu meẹberu iphemiphe ono!’ ”

Ditoronomi 32:29

Ọme l'ọ dụru mmamiphe, dụ phẹ l'ẹhu; mẹ iphe-a edokwa phẹ ẹnya. Mbụ m'ẹphe amakwaru-a g'o mechaa nwụaru phẹ teke ikpazụ.

1 Pyịta 4:17

Lẹ teke Chileke e-kpe ndiphe ikpe dụkwaa ntse. Ọ bụru ndibe iya bẹ oo-vuru ụzo dabẹ ikpe ọbu l'ẹhu. Teke ọ bụ lẹ Chileke vu ụzo dabẹ anyi ẹgube iphe ono l'ẹhu; doanaa mu rọ g'ọo-dụkpoo ndu ono, jịkaru ozi-ọma Chileke ono.

1 Sámẹlu 1:11

O ribua nte sụ: “Gụbe Chipfu, bụ Ọkalibe-katọta-ike; ọ -bụru l'ii-le ẹnya l'aphụ, byaru mụbe nwozi ngu; mbụ nyata mu; ọphu ị tị zọhaduru mụbe nwozi ngu; i -mewaa mu nwụta nwa nwoke bẹ mu e-woẹkwaru iya phọ nụ gụbe Chipfu g'ọ bụru nkengu jasụ g'ọo-nọ-bekpọru ndzụ. Ọphu rịzo abyadụ erwu iya l'ishi.”