Ebvu Aphụ 1:8 - BAYỊBURU Izii

⁸ Mkpụkpu Jierúsalẹmu meakwaru iphe-ẹji, parụ ẹka apaa; shiwaa nno merwua onwiya. Iphe, bụ ndu shi akwabẹje iya ùbvù nọdu akpọwa iya ẹbo l'afụ; noo kẹle ẹphe hụmawaru iya l'ẹka ọ gba ọto. Yẹbedua l'onwiya nọdu atsụ ude; bya eworu iphu ghachi l'ụzo ibe iya ọzo.

Ebvu Aphụ 1:8 ပူးပေါင်းရင်းမြစ်များ

Ebvu Aphụ 1:11

Ndu nkiya g'ẹphe ha l'atsụkota pfụpfupfu l'ẹka ẹphe achọ nri eriri. Ẹphe egudeje ẹku phẹ gbanweta nri; g'eeshi g'ẹphe dzụkporu nụ ndzụ. “Gụbe Chipfu; lenaa ẹnya nyata mu; kẹle a ta gụbeeduru mu iphe.”

Jieremaya 13:26

Ọo ya bụ lẹ-a; mu a-jị ngu uwele; phụta uwe ngu kpube ngu l'iphu; k'ọphu aa-hụmakwanu iphe ono, emeje g'iphere dụ ngu ono.

Jieremaya 13:22

Ọzo bụ; teke ị jịru onwongu ajị sụ: “?Bụnaa gụnu meru g'o gude iphe-a mee ngu?” Iphe, kparụ iya nụ bụ l'iphe-ẹji ngu parụ ẹka. Noo g'o gude a jịa ngu uwele; woru ngu agada pakaa.

Ọphulenya 3:18

Ọo ya bụ l'ìdzù, mu a-chịru unu nta-a bụ g'unu bya azụta mu mkpọla-ododo mbụ ọphu a kpụru l'ọku-ụzu; k'ọphu adụedu mkpaba dụ iya nụ; g'oo-mee unu g'unu bụru ndu nweru iphe; unu abyakwaphọ bya azụta mu uwe ọchaa g'unu yeje g'unu ta agbahẹru ọto; ọo ya bụ g'iphere adụ-buhu unu. Unu azụtakwa mu phọ ọbvu ẹnya tee l'ẹnya ono g'unu awata aphụ ụzo.

Hosiya 2:10

Nta-a bẹ mu a-gbabẹ iya ọto l'ẹka ndu yẹe ya eshi ọ̀nyà ele iya ẹnya; ọphu ọ dụdu onye anafụ iya l'ẹka mu.

Hosiya 2:3

Ọdumeka bẹ mu a-gbabẹkwa iya ọto; mee ya g'ọ dabyiru swanmangu g'ọ dụ g'eswe, a nwụru iya. Mbụ lẹ mu e-me iya g'ọ dụ g'echiẹgu; alị ọkponku, adụdu iphe, dụ iya nụ; gude ẹgu-mini phụa ya tẹrii.

Ezekẹlu 23:46

Wakwa iphe, Nnajịuphu, bụ Chipfu epfu baa: “G'a chịta ikpoto nemadzụ bapfuta phẹ; mbụ g'e nwuru phẹ nụ ndu e-me gẹ ndzụ-agụgu rwuta phẹ; bya atụko iphe phẹ kwa l'ọkwata.

Ezekẹlu 23:29

Ẹphe e-gude ndụmashi tụkokpoo iphe, i seru akanya iya nata ngu. Ẹphe a-gbabẹ ngu ọto; ị dabyiru ẹgube ono. Ụkpara ono, ịigba ono bẹ e-meru iphere iya kpua ngu lẹ sagaa. Ẹjo-ememe ngu ono; mẹ ụkpara, ịigba ono;

Ebvu Aphụ 4:21

G'ẹhu tsọo ngu ụtso; tee ẹswa gụbe nwada Edọmu; mbụ gụbe onye ono, bu l'alị Uzu. Ọle okoro iphe-ẹhuka ono bẹ a-nụkwa ngu-a. L'ịi-ngụa ya; l'ọotsua ngu atsụtsu; l'ịigbabe onwongu ọto.

Ebvu Aphụ 2:10

Iphe, bụ ndu bụ ọgerenya nwada Zayọnu bẹ gwọdoshihuchawaru l'alị; tụko nọdugbaa kpọyoo. Ẹphe chịtawaru uwe-aphụ yegbaa; bya ekpota urwuku kpube onwophẹ l'ishi; Ụnwumgboko Jierúsalẹmu bẹ kpubewaru iphu l'alị.

Jieremaya 34:17

“Ọo ya bụ lẹ-a; wakwa iphe, Chipfu epfu baa: ‘Unu te emekwaru iphe, mu sụru g'unu mee. Unu ta arakwaru iya arara sụ gẹ ndu alị unu nweru onwophẹ. Ọo ya bụ lẹ-a; nta-a bẹ mu arawa iya arara l'unu e-nweru onwunu; ọ kwa Chipfu epfu iya. Enweru onwunu ọbu bụ l'ee-gude ogu-echi gbua unu; ẹjo iphe-ememe egbua unu; ẹgu egbua unu. Mu e-me unu gẹ ndu alị-eze, nọkota lẹ mgboko l'ophu sọo unu oyi.

Jieremaya 24:9

Mu e-me phẹ g'ẹphe bụru ndu alị-eze ụnwu-eliphe l'ophu a-nọdu asọ oyi. Ẹphe a-bụru phẹ iphe e gude achị ọchi; mẹ iphe, e gude anma l'ẹtu. Ee-gude phẹ agba mgbọnu; gude phẹ ephu l'iphu l'iphe, bụkpoo ẹka mu chịru phẹ ye.

Jieremaya 15:4

Mu e-me phẹ g'ẹphe bụru ndu alị-eze ụnwu-eliphe l'ophu a-nọdu asọ oyi. Ọ bụru iphe, kparụ iya nụ bụ iphe, Manásẹ meru lẹ Jierúsalẹmu. Manásẹ bụ nwa Hezekáya; tẹme ọ bụru eze ndu Jiuda.

Jieremaya 6:28

G'ẹphe ha bụkota ndu kwefuru ike, obu kpọru gbengu, bụepho iphe, ẹphe tsoru aghaphe eme bụ eye mgbamu. G'ẹphe ha tụkoepho arwụ alị. Ẹphe bụ onyirubvu yẹe ígwè.

Jieremaya 4:31

Mu nụmakwaru olu-ẹkwa onye dụ gẹ nwanyị, ime eme; mbụ l'ude, ọotsu dụ gẹ k'onye ime-ọduu l'eme. Olu ono bụkwa kẹ Nwada Zayọnu, l'eme g'oome tụa unme; machịru ẹka iya epfu sụ: “Oowaa! Ike abvụakwaa mu. Ndzụ mu bẹ e woakwaru nụ ndu mgbugbụmadzu.”

Azáya 47:3

L'aa-gbabẹkwa ngu ọto; mee g'a hụma iphe-iphere ngu. Mu e-melatakwa; ọphu ọ dụkwa onye mu a-ha.”

1 Ndu eze 9:9

Ndiphe epfua sụ: ‘Ọo kẹle ẹphe harụ Chipfu, bụ Chileke phẹ; mbụ onye dufutaru nna phẹ l'alị Ijiputu; gbẹ woru obu phẹ kpọru yeru agwa; gwaahaa ya; abarụ iya ẹja. Noo iphe, meru g'o gude Chipfu wopfuta phẹ ẹgube ẹjo iphe-ẹhuka-a.’ ”

1 Sámẹlu 2:30

“Ọo ya bụ lẹ Chipfu, bụ Chileke kẹ ndu Ízurẹlu epfu sụ-a: ‘Ọo eviya lẹ mu pfuru sụ l'ọo ọnu-ụlo ngu; waa ọnu-ụlo nna ngu bụ phẹ a-nọduje eje ozi l'iphu mu jasụ lẹ tuutuutuu lẹ mịimiimii’; ọle nta-a bẹ mụbe Chipfu epfu sụ-a: ‘G'ọ tọ bụkwaru mu! L'ọ kwa ndu akwabẹ mu ùbvù bẹ mu akwabẹje ùbvù. Ndu ọphu akpọ mu ẹbo l'afụ bẹ a taa gụbedu iphe ilile.

1 Ndu eze 9:7

bẹ mu e-wofukwa Ízurẹlu l'alị ono, mu nụru phẹ ono; mu amịa ẹnya l'eze-ụlo-a, mu doberu nsọ g'ẹpha mu reje ire-a. Ízurẹlu abụru ndu ndu ọzo a-nọdu anma l'ẹjo ẹtu; bụru ndu aa-nọdu eme iphe ọchi.

Mbụlembu 3:7

Ẹnya tụko sahụchaa ẹphenebo; ẹphe maru l'ẹphe gba ọto. Ẹphe dzụkobe ẹkwo oshi fịgu nmarụ.

Ebvu Aphụ 1:17

Mkpụkpu Zayọnu bẹ chiliwaru ẹka g'a gbaaru iya mkpu; Ọle ọ tọ dụdu onye l'a-dụ iya obu. Chipfu tụ-buwaru opfu ẹhu Jiékọpu g'ekemu; mbụ gẹ ndu bupheru iya mgburugburu bụkotaru ọhogu iya. Jierúsalẹmu bẹ bụakwaa iphe, aasọ nsọ l'echilabọ phẹ.

1 Ndu eze 9:6

“Ọle-a; ọ -bụru lẹ gụbedua; ọzoo ụnwegirima ngu nọnyaaru ọphu unu te etsoẹdu mu; tẹme ọphu unu emejeẹdu ekemu ono, mu tụru unu ono; mbụ unu je agwaahaa agwa; baaharụ phẹ ẹja;

Jieremaya 32:23

Ẹphe bya abata bya anata iya nworu; ọphu ẹphe emeduru iphe, ị sụru g'ẹphe meje; ọphu ẹphe etsoduru ekemu ngu; mbụ l'ẹphe te emeduru iphe, ị karụ sụ g'ẹphe meje; ọ bụru iya meru g'o gude ị haa iphemiphe-a, bụ ẹjo iphe-ẹhuka-a byapfuta phẹ.

Ezekẹlu 39:23

Iphe, bụ ọhamoha bẹ a-maru lẹ ndu Ízurẹlu bẹ a kpụru lẹ ndzụ laa alị ọzo; kẹle ẹphe meru iphe-ẹji; ọphu mu egudeẹdu ire phẹ ẹka. Ọ bụru iya meru iphe, mu wofuru iphu l'ẹka ẹphe nọ; nwuru phẹ nụ ndu ọhogu phẹ; ẹphe gude ogu-echi gbushikọta phẹ.